لاحول ولا قوة إلا بالله
تدعي على زوجتك
وقت الأذان الله يهديك

__________________
《اللهم استودعتك أطفالي الذي لا تضيع ودائعه》

السلام عليكم ورحمه الله وبركاته. / اشكر جميع الاعضاء الذين تفاعلو معا موضوعي واسف علا الاطاله. / حبيت اقولكم اخر مستجداتي معا الزوجتي / يوم الخميس المساء تقريبا الساعه 9 ونص كنت جالس في البيت لحالي وزهقان وربي في لحظه الله يلعن ابليس وربي وسوس لي وقلت غريبة اخوانها ما احد كبر قدري وقال اشوف وشفي خاطر ذا الرجال علا فكره ابو زوجتي متوفي ولا عندها بلبيت غير اخونها وامها .... قلت في خاطري اتصل اشوف علا اخوها واذا ما رد علي شكل الشباب يبون يقهروني بولدي وارجع اتصل بخوها وفعلا مارد علا جواله ورب الكعبه ياعالم حسيت طلعت لي قرون وافز من مكاني واروح الخزانه واسحب المسدس .... تكفون لاحد يلومني شوقي لولدي ماخلاني منحرم منه شهرين والبس ثوبي وحط المسدس بجيبي ونطلقت بسيارتي وانا امشي بسرعة لدرجه كنت اسوق وبالي مو معا الشارع لحد ماوصلت بيتهم وقلت بتصل علا زوجتي اذا ماردت اوريهم اللحين واتصل فيها اربع مرات ابيها تفتح باب الشارع ولافتحت ونزلت من السيارة وظربت الجرس وفتح بزر صغير قلت روح خل جدتك تجي قلها فهد عند الباب وراح البزر وجات عمتي في الحوش قالت اقلط ياولدي قلت انا مستعجل وابي اشوف اولدي قالت طيب ادخل المجلس ورجعت ودخلت المجلس وجات عمتي قالت شخبارك وعساك طيب وراك شكلك نحيل ومكشر قلت هاتي اولدي ابي اشوفه وراحت وجابته اول ما اخذته قلت لها سلمي علا بنتك وقولي لها تراجع المصحه النفسيه وطلعت وعمتي تترجاني اجيب الولد قلت والله مايجلس عندكم لو علا قطع ارقبتي واخذه وناظر فيه وربي يطالع فيني ويضحك كنه يقول كفو يارجال ههههه وافتح السياره واحطه علا الكرسي الي جنبي وشغلت السيارة ومشي اقسم بالله وانا بنص الطريق طالعت فيه الا اهو خايف وماد البوز شبرين قلت وشفيك تبي نروح بيتنا تخيلو جلس يبكي وربي قلبي انكسر وجلست العن نفسي والعن الحظ الردي والف بلسيارة قلت ليه احرمه من امه وربي جالس ابيه يضحك لي مثل اول والله انه ماعرفني نسى مني ورجعت لعند بيتهم وانا العن ابليس قلت بخاطري وربي اني مو صاحي ونزلته الا امه واخواتها وعمتي اسمع صياحهم بالحوش وفتحو الباب وجات عمتي واخذته مني قلت ياعمه وربي ماهان علي احرمه من امه الي احرمتني شوفته شهرين قلت بنتك لك وانا خلاص لي الله ويوم السبت بجيب اغراضها انا رجال بشوف الله وشكاتب لي وربي رجعت واركب سيارتي وامشي للبيت ونا في حاله يرثى لها وسلامتك

الله يكتب إلي فيه خير لك. ولها

__________________
《اللهم استودعتك أطفالي الذي لا تضيع ودائعه》

لاحول ولاقوه الا بالله

دام انك رحت بيتهم ليش ماقعدت مع الام وبنتها
وحطيتوا حد للموضوع وحل للمشكله هاذي
يا انها ترجع معاك البيت يا ان كل واحد يروح لححال سبيله

__________________
اللهم احفظ لي زوجي وسخره لي واحفظ لي اولادي

اخي الكريم يبدو لي ان والدة زوجتك انسانة متفهمة ياليت لو تجلس وياها وتتناقشو وتحطو النقاط على الحروف

وابتعد عن التهور اخي الكريم مهما كان بيوم من الايام كان في بينكم عشرة وملح ماتوصل الامور هداك الله للمسدسات

انا مقدرة وضعك وجهدك وعطائك اللي بذلته ولكن بالامكان ان يتم اصلاح الامور صدقني اخي الكريم كل مشكلة ولها حل

وبالنسبة للاخوان البقية ياليت نبتعد عن لغة التحريض والتأليب لانه الامور وصلت للمسدسات وقد تصل لامور لاتحمد عقباها

ولابد اننا نحاول قدر الامكان نجمع شمل اسرة ونلم الموضوع بدل مايكبر

ربي يجمع شملك مع زوجتك على خير ادعي لها اخي الكريم بالصلاح وفي الاسلام هناك علاج لنشوز الزوجة

ولاتنسى تتواصل مع والدتها ,, حاول تكسب الامور لصالحك اخي الكريم

شلون موب نافذ لين تولد أخاف تقصدين ان عدتها الى ما تولد

هذه فتوى الشيخ بن باز

من عبد العزيز بن عبد الله بن باز إلى حضرة الأخ المكرم ع. أ. وفقه الله لكل خير آمين.
سلام عليكم ورحمة الله وبركاته، وبعد:
كتابكم وصل وصلكم الله بهداه وما تضمنه من الإفادة عن رجل طلق زوجته في حال الحمل وردها بعد الوضع، ثم طلقها في طهر لم يمسها فيه وردها، ثم طلقها في حال الحمل ورغبتكم في الفتوى كان معلوماً.



والجواب: الذي أرى عدم حل المرأة المذكورة لزوجها المذكور حتى تنكح زوجاً غيره، نكاح رغبة لا نكاح تحليل ويطأها لكونه استوفى الطلقات الثلاث في أوقات متفرقة، أما قولكم إن الطلاق الأول بدعي فغير صحيح؛ لأنه وقع في حال الحمل، وتطليق المرأة في حال الحمل أو في طهر لم يجامعها فيه هو الموافق للسنة، ثم الطلاق البدعي واقع عند الجمهور مع الإثم، لأن المشهور أن ابن عمر رضي الله عنهما حسب عليه الطلاق الذي وقع منه في الحيض، كما رواه البخاري في الصحيح، وفق الله الجميع للفقه في الدين والثبات عليه إنه خير مسئول، والسلام عليكم ورحمة الله وبركاته.

==========================================

أخوي صاحب الموضوع قرات مستجداتك

الله يهديك انت حمل وديع ومغرق زوجتك بالحنان والحب

وفجأه تستأسد ومسدسات وتلقط ولدك فجأه وتنحاش به

هذا تسرع وهبال وانا مقدر لوضعك لأني هجرت زوجتي عند اهلها ومعها طفلي الأاول وعمره 5 شهور وزحف اولى خطواته بعيد عني وحبا بعيداً عني

وضحيت بهذه اللحظات فقط لتتعدل هذه المراه

زوجتي مقاربة لزوجتك تتكلم عن اخوها كما لو كان جابر بن حيان او ابن سينا

دعها فالمرأه تحب ان ترا اخوانها افضل الشباب فقط هز بالرأس وقل الله يحفظهم لك

زوجتك تحتاج تنطيش مركز بنسبة 80 % اي التواصل يكون عبر امها فقط ( خالتك ) زوجتك خلاص انسى تكلمها الا عن طريق امها

خل زياراتك مكثفة لعبودي طل عليه كل أسبوع مرتين او 3 نسق مع خالتك

شوف وش ناقصه من حفاظات وحليب وحط له مصروفه 500 تراه مازال ولدك ولازم تصرف عليه

شيل فكرة الطلاق نهائياً من بالك حالياً قد تكون زوجتك متوحمة فيك كرهاً تحمل قليلاً لتتضح الأمور



وصدقني لابد خالتك تفتح الموضوع معاك وتقول وش وضعكم وش ناوي تسوي

قلها كل اللي بخاطرك من اختها من سوالفها عن حياتكم من من الخ الخ

طلع كل اللي مسبب الحموضة بتسبدك

بعد ما تحس ان الوضع مكانك راوح ما تغير اجلس مع امها وبحضور اخوانها وقولهم وش تبون مني ؟؟؟؟

يالله نفس تهديدات زوجي والله اخذ ولدي بالمسدس...يبغالي اجهزلي مسدس من الان
يعني يانه الزوجه ترضخ لذلكم واهانتكم وظلمكم وقهركم او راح تهددونها بالطلاق وحرمانها من اطفالها...ولا بعد تحرضون بعد على الظلم حتى لو الزوج وده يرخي شوي جاك واحد ونفخ راسه اكثر..خافو ربكم بس لاتغترون بقوتكم وشبابكم ترا هذا كله مصيره للزوال وماراح يبقى معاكم الا اعمالكم في القبر

سوالي مآفي منك اثنين ...

الله يصلح زوجتك ويهيدهآ يآرب ....

انآ انصحك انآ تتكلم مع عمتك شكلهآ انسآنه محترمه ومآاتوقع ام ترضى ينخرب بيت بنتهآ....

وزوجتك اغترت علشآن عندهآ وظيفه ...ومآفكرت في عيآلهآ فكرت في نفسهآ وبس ...

الله يصلح حآلك وحآل المسلمين

__________________

شكلك متسرع وماتصبر ولو صبرت حتى تعرف قدرك
والمفروض جلست مع والدتها وتكلمت معها بحوار واضح
وهي لاعاد تتصل عليها واثقل شوي

__________________
يارب ابدل حزني فرحا وسرورا وابدل مرضي صحة وعافيه ياكريم