الله سبحانه اللي خلقهم متكفل في عيالج

لا انتي ولا هو اللي ترزقينهم

بس ربنا يقول ولا تلقوا بايديكم الى التهلكة

اللي انتي فيه تهلكة وإهانة ما يصير تسكتين

__________________
لا اله الا انت سبحانك اني كنت من الظالمين

رجل غريب يضرب زوجته. ويحرص على عمل العقيقة.
اعانك الله اختي لبد مت تدخل احد لمناصحته

__________________
يارب أحفظ لي طفلتي ولا تبتليني بفقدها

بنت الاكراااام .. ماتنمد ايد عليها . لا زوجها ولا غيره .

قولي له انا طول عمري حياتي كريمه .. وخلي احد مثل ابوك واخوك يتدخل ويعصررره شوي

ياااااسلام .. الرجااااال لما يشوف لك ظهر ورجال مثله يتفاهم معاه .. يتغيررر وتكبري بعينه وبيحسب لك حساب

لا لا يا اختي مشكلتك بسيطة ليش تشتكين وليش تقولين لأهلك

ان زوجك يمد ايده عليك وانتي حامل وولادة كمان المسأله

مو مستاهله خليك الحين اللين يكسر لك العمود الفقري او يجيب

لك ارتجاج بالمخ لاسمح الله او يكسر يدك او رجلك او يضربك

ضربه تسبب لك نزيف داخلي بعدين روحي واشتكي لأهلك

ولشرطة وللإمارة ولاتخلين ولا دايرة حكومية اشتكيه وبهذليه

ذاك الساع هاذا لو كان فيك حيل واذا مارماك عند اهلك بحجة

انك صرتي انسانه عاجزه عن القيام بخدمته

تدرين ان حقوق الزوجات ماضاعت وكرامتهم ما انداست تحت

اقدام ازواجهم اللي هما مثل اشباه زوجك إلا بسبب وجود زوجات

مثلك ساكتين عن حقوقهم وراضيات عن اهانتهم وضرب ازواجهم

لهم ليش تسكتين من البداية ليش اعطيتيه مجال يمد يده عليك

ويتمادى وليش ما اشتكيتيه لشرطة واتصلتي على اهلك يجون

يأدبونه من البداية اللي مثل زوجك مايستحق الا انك تفضحينه

وتجرجرينه لشرط والمحاكم حتى يستفيق ويصحصح وكل ما

مافكر بس مجرد تفكير انه يمد ايده عليك يتذكر الدرس اللي مره

عليه ويتوب من مدة اليد انا والله ما قهرني الا ضربه لك وانتي

حامل وانتي ولاده يا اختي كيف صابرة بالله عليك كيف صابرة

عليه لو قدر الله وناولك رفسه طلعت طفلك من عرضك وانتي

حامل وصار فيك او في جنينك شئ لاسمح الله وضرب الرأس

خطير لا تستهينين فيه احيان لوكانت الضربة قوية تدخلك

في غيبوبة لاسمح الله وعيالك خليهم بحلقه ليش تاخذينهم

معاك قولي له شيل عيالك معك واضغطي على نفسك وعلى

اعصابك ترى رايح يطفش منهم ويجيبهم لك ولو خلاهم عند اهله

ماراح يستحملونهم والله ليرجعهم لك وهو غير راضي وانتي

لاتاخذينهم الا يدفع لهم مصروف مثل الناس واجلسي عند اهلك

حتى يجي ويجلس للحق بين رجال ويتفاهم مع ابوك واخوانك


انه ماعاد يمد ايده عليك ابد خلي اهلك يضغطونه حتى يطلعون

عيونه واخوك يقول له ترى ان مديت يدك عليها مرة ثانيه

باخذ حقها منك بدل الضربة ضربتين اختنا ما اخذتها من الشارع

علشان تعاملها بهاذي الطريقة وتمد يدك عليها بالطالع والنازل

اذا غلطت عليك جيبها لنا او اتصل علينا وحنا نتفاهم معاها اما

انك انت تمد يدك عليها وهي في اضعف حالتها هاذا مانرضاه

ابد وترى اذا صار في اختنا شئ حنا نحملك المسؤلية كاملة وقد

اعذر من انذر .

وانتي لاتسكتين عن حقك ولما يضربك طيحي وسوي نفسك

كأنه اغمي عليك وانك خلاص تحتاجين نقل للمستشفى وخليه

يشيلك للمستشفى وبعدين افضحيه واشتكي عليه بالمستشفى

وخليهم يستدعون الشرطة وقولي لهم ان ضربك وبهذلك وخليهم

يعطوك تقارير طبيه والشرطة تكتب محضر بالواقعة ويستدعون

اهلك وقولي لهم انا ما اقدر اروح معاه للبيت خليهم يكتبون

عليه تعهد انه مايمسك بضرر لوقت حضور اهلك ولا تسامحين ولا

تتنازلين عن حقك خليه يتأدب ويعرف ان الله حق وصدقيني انه

ليتوب من ضربه لك بعد هاذي القرصة الحين بكرة عيالك يكبروا

لما يشوفوا ابوهم يضربك ويهينك بهاذي الطريقة كيف بتكون

نظرتهم لك وكيف بتصير صورتك في عيونهم هل تتوقعين انهم

راح يحترمونك وراح يحطون لك قدر وهيبة وهما يشوفنك ذليلة

كسيرة قدام ابوهم فكري بالمستقبل زين وفكري بعيالك لما

يكبروا وهما يشوفوا ابوهم يتعامل معاك بهاذا الأسلوب انت

زوجة وقبل كل شئ انسانه ولك كرامة فلا تضيعي كرامتك

بهاذي السهولة .


واخيرا اختي الفاضلة اريد منك انك تراجعين كل حساباتك

زين فكل شخص وله عيوب ونحن لسنا معصومين عن الغلط

وشوفي نفسك من ناحية اخرى هل انتي تخطئين بحق زوجك

او تستفزينه بكلامك او تصرفاتك مما يجعله يثور ويتعامل معاك

بهاذي الطريقة ارجوك فكري زين وراجعي نفسك وتصرفاتك

واذا كان هناك فيه خلل اصلحيه بارك الله فيك واصلح الله لك كل

امور حياتك يارب.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

ماشاء الله بنت الحكمي ماقصرت 1+ مع ردها

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

زوجك عذرا اختي انسان تافه !؟
وألوم عليك إنت لماذا سمحتِ له بتطول عليك؟!
أنا أحتار دائما من الزوجة كيف تسمح لزوجها يضربها؟ والله أحتار !
أسمحلِ لي أختي زوجك يريد تربية من جديد !

اختي ليش جالسة عنده لمثل هذا شرع الطلاق؟

هذا راح تموتين على يده الله لا يقدر

هذا الرجل لابد ان يسجن .. لابد ان تبلغي الشرطة .. و تطلبي الطلاق .. لانه في المرة القادمة سيكسر ظهرك فعلا و تكوني قعيدة .. ستقولي و من سيربي اطفالي ؟؟ اقول لك و من سيربي اطفالك لو اصبحتي مشلولة او كسيحة بسببه ؟؟

كلمي اهلك وقولي لهم الساااالفه من الى

وعن روحتك لاهلك ماائيد. لانه مآب يسلى فييييك. وبيقول انتي طلعتي ماطردك
فاانتي ارجعي ًًً

المهم
قولي لاهلك تعبت من إهانته لي ابي حل ابيه ما يمد يدددددده علي وعلموهم كيف ضربك

سؤال
معليش ليش ضررربك وش الاسباب

__________________
اللهم فرج همي وهم كل مسلم ...

وقسم بالله لو اني بدالك لأروح لمركز الشرطه وخله يذوق اللي انا ذقته
لاتسكتين كلمي اهلك خلهم يوقفونه عند حده

الله يصبرك

__________________
سبحان الله وبحمده
سبحان الله العظيم