المشاركة الأصلية كتبت بواسطة L0o0Ve

ههههههههههه باقي اخوه الشيفه الصغير
وبعدين ماصنفتك ماديه ولااستقعدت لك ماعاش اللي يستقعد لك وانشالله اني اتمنى لك وكل الاعضاء الخير
ومن ناحية الفلوس مو مره لاني عارف رزقي على الله ولاعمري فكرت في فلوس احد او نظرت لفلوس احد

الوالد تزوج الوالده الله يحفظهم من عائله غنيه وعائلت الوالد كانت ميسورة الحال مافعمري شفته طلب ريال منها لنفسه وعصامي بداء من الصفر وهذا اللي تربيت عليه يمكن كون عندي نظره اني اكره اطلب من احد شي

وانشالله ربي بيرزقك ولاكن نصيحه لاتنظرين للي عند الناس سواء زوجك او اهلك ابني نفسك وحاولي تطورينها وكلها كم سنه وييسرها ربك ووقتها تحسين بطعم النجاح صدق وتنامين وعينك تدمع من الفخر بنفسك

اما اللي يتباهى باهله او بزوجته فهذا مااعطيه نقطه احترام لو كان يملك الدنيا ومافيها
ومافيه احلى من دخول البيت وانت هلكان من الشغل لذه مايجربها ولد التجار

المشاركة الأصلية كتبت بواسطة U I

سؤالك عجبني مررة ..
أنا تهيأت لي فرصة زواج من بنت ثرية جدا ، وكانت الفرصة على طبق من ذهب ، وكل من استشرتهم نصحوني أني اتزوجها ، ولكني رفضت تماما الفكرة فقط بسبب كونها ثرية !
أنا أول شرط لي في زوجة المستقبل أنها ما تكون ثرية ، ولا حتى غنية غنى عادي !
لأسباب كثيرة :
1- المرأة الغنية ما تقدر تعيشها على وضعها السابق ، يعني لو كنت بتعيشها في شقة وهي عايشة في قصر ، فهي إما أنها تقبل هذا الوضع وأنت تحس بالذنب ، أو أنها تحاول أنها تشوف لها بيت بفلوسها وتصير هي اللي معيشتك وصارفة عليك ! وأنا ضد هذا الشيء إطلاقا .
2- المرأة الغنية زواجك منها في تهمة لك أنك متزوجها لاستغلالها ، وبيكثر كلام الناس ، بتسمع أنه أهلها خايفين عليها منك أنك تلعب عليها ، وبتسمع أنه في ناس يقولون هذا ما أخذها إلا عشان فلوسها ، وكلام الناس ما راح ينتهي ، وصح أنه مب مهم لكن يجرح أحيانا .
3- بالنسبة لعيالك بتصير هي الأم والأب ! لأن أي طلب يحتاجونه بيتوجهون لها لأنها بتوفر لهم أحسن من الشيء اللي بتوفره أنت لهم ، وبتحس أنه دورك ملغي كأب .
4- المرأة اللي تقول ما يهمني حال الرجل ماديا مثل الرجل اللي يقول ما يهمني شكل المرأة ، كلهم يتزوجون وبعد كذا يندمون .