ماشاء الله شقردية و سيد الموقف قالوا اللي كنت بأقوله لك

و أزيد عليهم ..
إنه في ردك الأخير ، وضحت الصورة بشكل أوضح ..

ولدك بيروح مع أبوه، عشان يشوف أبوه و أهل أبوه و هم يشوفوه ..
يعني ماله داعي يطلع لبيت أبوه ، يجلس في بيت جدته ..
أكرم له و أكرم لأخته ..

و هو ماشاء الله باين عليه يعرف ياخد حقه بلسانه، يعني مو طفل بعمر 4 سنوات ..
فأشوف إنه تنسي الموضوع و تكلميه إنه يجلس في بيت جدته ..
و تكون علاقته بزوجة أبوه علاقة رسمية و ما يشيل الإحترام ..

و هي وقت طولت و ما فتحت الباب ، كانت تبغاهم يفهموا من نفسهم و ينزلوا ..
يمكن ما كانت لابسة لبس ساتر ؟ يمكن كانت نايمة ؟ يمكن أي شي ..
و هو جلس يدقدق الباب .. ( لو تعلميه إنه خلاص ماحد فتح لك الباب ، انزل )
فهمييييه فين غلطه هو كمان ..

و هي وقت قالت هذا بيتي أنا ، فهي ردت على كلامه وقت قال بيتي ..

حسب كلام ولدي انها كانت في المطبخ وولدي كل ما تذكر الموقف يقول طيب هي عندها شغاله ! يقصد انه اذا هي ما يمديها تفتح لأنها في المطبخ الشغاله تفتح لي

وفي نفسي قهر من أبوه ليش يكذب عند الناس ويقول انه زوجته هي اللي تهتم بالأولاد ولدي مستغرب ليش ابوه يقول كذا ؟ مع انها شايله يدها من العيال مرة

قهر تطردهم وما تسمح لهم يدخلون بيت ابوهم وعند الناس يظهر انها طيبه وقايمة بشؤون العيال !
والمشكله كمان انه جدته هي اللي ترسله فوق بسبب نزاعه مع اخته وغيرته منها
وعموما أنا بأستخير في امري وان شاء الله ربي يكتب الخير
وجزاكم الله خير على تفاعلكم معي
والله يكتب لكم بكل حرف كتبتوه حسنه
بل حسنات مضاعفة والسلام عليكم ورحمة الله وبركاته

دام ولدك ماشاء الله ياخذ حقه بيده و الله يقويه في الحق دايما
خلييييه يقول لأبوه و جدته ، ما أحب أروح فوق عشانها تطردني و تقول هذا بيتي

أخاف هي تحطه براسها و تعمل مكيدة بينه و بين أبوه ..

ادعي دايما
اللهم اكفي ولدي شر زوجة والده .. إلخ

بقولك شيء بس لاتزعلين
حسيت من كلامك أن فيكي غيرة منها ومقهورة على أولادك وبعدك عنهم ومنتي طايقتها
وهالشيء مو لصالحك بيأثر على نفسيتك وبيدمرك وحتى أولادك بيحسوا أن فيه بداخلك قهر
هالرجال خلاص صار طليقك وهي زوجته ولها حقوق ومن حقها تكون في بيتها على رآحتها
بدون شيطنة الأولاد
وولدك باين عليه الله يحفظه مايقصر معها ويرد عليها والظاهر شعورك السلبي تجاهها واصل للطفل

وعشان كذا

شيليها من بالك وأولادك يجلسوا عند جدتهم ويبعدوا عن الشر لأنها مع كثرة الإحتكاك فيهم
يمكن تبدأ تكرهم وتكيد لهم وتكره أبوهم فيهم وخاصة أن الولد شقي ويرد عليها

والله يساعدك ويعوضك خير

حبيبتي انتي معودة اولادك على التفاهم في التعامل و اللين والكلمة الطيبة
مش كل الناس زيك و انتي ذكرتي هذا .. فلا تتوقعي من زوجة ابوه تعامله زيك
هذا الشي انتي لازم تقتعي فيه قبل ما توصليه لابنك
لا تقولي صغير و مرفوع عنه القلم ... احترام الكبير شي اساسي
ولازم يتعلمه ابن الاربع سنوات فمابالك بابن التسع ؟؟


عند الناس شي و عندك شي ثاني ..
ابنك ماشاء الله كبير.
هو سندك وظهرك الله يحميه يعني لازم تعلميه المسؤلية و تفهميه الي له و الي عليه
تفهميه انه عند الناس وحتى ببيت اهل ابوه لازم يفرض احترامه بالحسنى و الطيب
يحترمهم بيحترموه .. بيرفع صوته عليهم .. اكيد بيلاقي المثل

يبطل مهاوشة مع اخته (اذا كانت جدته الي تحبهم و تموت فيهم ما تتحمل هواشهم و شقاوتهم
وتطلعهم فوق) كيف تتوقعي من زوجة ابوهم انها تتحملهم ؟؟
هي لحالها معاها اطفال و يالله فيهم .. و حسب ما قلتي عن زوجك انه بخيل تجاه اولاده
فاكيف بتكون معاملته تجاهها ؟؟؟ يالله متحملته
فكيف تتوقعيها تتحمل شقاوة اولادك

احنا الامهات احيانا مانتحمل عيالنا و مانلاقي الا كفوف تتطاير
وصراحة ابنك ماشا ءالله عليه هو الي بدا .. ولحالك تقولي يرجع يشتم و يسب و عصبي
ويهاوش اخته .. فكيف تتوقعي من الناس يتحملوه ؟؟؟؟

لو يجيني ابني الي هو ابني و يقولي هذا مو بيتك الله يكون بعونه من الي بسويه فيه

فكيف بابن الزوج يجي يقولها كدا .. ؟؟

اتاخرت بفتح الباب عادي مافيها شي .. اعطيها الف عذر .. نايمة .. تصلي .. بالحمام
والشغالة مشغولة بشي ثاني ..
وحتى لو ماودها تفتح .. يمكن هذيك الساعة متخانقة مع زوجها و لا مع حد و ماودها تشوف حد
وابنك ماكان بالشارع .. هي عارفة انها لو مافتحت بينزل تحت وين بيروح يعني


برايي .. علمي ابنك يحترم الي اكبر منه و مايرد ابدا .. لانه ادبه و احترامه مع الناس
يخجلهم و يجبرهم على طيب معاملته ..
والشي الثاني يهدي مع اخته و يحتويها ببيوت الناس .. ولا يتهاوش معاها
عشان جدتهم ماتتضايق و تنزعج و يضلوا عندها افضل لهم

لا تقولي ابني صغير و صعب يتعلم .. ابنك ماشاءالله عليه كبير و يفهم
وشوي شوي بيتعلم .. و بالنهاية هذا لمصلحته ..

انسي الموضوع الان و لا تفتحيه مع ابوه ..
و اذا فتح ابنك الموضوع بيني له خطاه و علميه كيف يكسب الناس
مش بس زوجة ابوه .. بشكل عام التعامل باللين و عدم العصبية مع الغير
يحببهم فيه ...

الله يوفقك و ييسر لك امرك و يحمي لك اولادك
واتمنى انك ماتزعلي من ردي ...

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

ايش فيكم قلبتوا علي !!
أنا وربي يشهد علي طول السنوات الفايته وأنا ما اذكرها الا بخير وبالعكس كنت أمدحها لأنه أولادي ما قد اشتكوا منها
فكيف تقولي أغار منها !!!!!! وامكن لو عرفتي قصة طلاقي ما راح تقولي هذا الكلام !!! باختصار انا اللي طلبت الطلاق وأصريت عليه وزوجة طليقي لا اعرفها ولا عمري شفتها !!!
انا ان كان في قهر من طليقي الظالم لانه يكذب بدون داعي
وامكن يحاول يحسن صورة زوجته قدام الناس لأنها زعلت منه وراحت بيت اهلها وهي ما كملت شهر ونص معاه لأنه حاول يستفزني في ذاك الوقت وفي اول زياره له بعد زواجه أخذ عيالي ما رجعهم لي وأنا صبرت وسكت لأنه أهلي ضغطوا علي وكمان لأنهم كانوا عارفين انه في الآخر حيرجعهم وهو مكسور وفعلا جلسوا تقريبا اسبوعين عنده ورجعهم من نفسه بعدما شردت زوجته بيت أهلها ورد الله كيده في نحره
ومن ساعتها والناس عارفين انها ماتبغى العيال لكنه يكذب بكلامه انها شايله العيال وتخدمهم حسبي الله عليه وعلى كل ظالم
وانا ما ألومها والله يحقلها تشرد كيف عروسه وتبتلش في عيال زوجها صعبه صراحة !!!

المهم اني عاذرتها بصراحة وماهمني فيها قد مايهمني طليقي ليش يخلي العيال عنده اسبوع والصك مكتوب انه ياخذهم الاربعاء ويرجعهم الجمعه !! ليش ما يلتزم بالصك برغم ظروفه اللي ماتسمح !!
وفوق هذا كله ولدي درس سنتين عنده وكل ما طلبته يرجع لي يرفض ويقول الولد احسن عندي !!
أنا بصراحة شايفتها فرصة ولازم استغلها حتى ارجع ولدي يدرس عندي والا ايش رايكم ؟؟
أنا من زمان مقهورة من حاجتين اولها مايلتزم بالصك في الزيارات وثانيها ولدي ما يبغاه يرجع يدرس عندي رغم انه عارف انه ولدي مو مرتاح لا في المدرسه ولا في البيت
وهذه فرصتي لاصلاح هذه الأمور ,,ما ادري ياليت تنصحوني كلامي صح والا لا ؟

لا تفهموني غلط اقسم بالله ما تهمني زوجته ولا تشغلني ابدا
انا قهري وحر قلبي كله من ظلم طليقي واهله وموضوعي هنا عن موقف زوجة طليقي الجديد
والا أفعال أهل طليقي أكثر وظلمهم اشد ان شاء الله اعرض لكم بعض أفعالهم حتى تحكموا بنفسكم لكن الآن في مشكلة ولدي مع زوجة أبوه ودي أتصرف قبل لا يصير الموضوع قديم والكلام عنه بايخ
فأرجوكم شوروا علي وجزاكم الله عني كل خير

أختي زوجة أبيهم إن بقيت على هذا الحال فسيعود ابنك لك
لأنها ستبقى خلف زوجها ولكن يبدو أنها لا تستطيع التصريح حتى الآن
ومتى ما صرحت استرحتي أنت
وإن ظهرتي في الصورة فستزداد رقعة المشكلة اتساعاً وسيزيد عناده
أنصحك بمراجعة المحكمة ليلتزم بالصك وانتهى الأمر واكتفي من الجدال والنقاش معه
........

طيب حبيبتي
اذا ذهبتي للمحكمة دون الرجوع لطليقك
ايش بيكون موقفه ؟؟
هل بيعاند وياخذهم مثلا ؟؟

اذا مو حابة تدخلي القضاء..
شوفي حد من اهله و كلميه .. مثلا كلمي امه
سلمي عليها و اسالي عنها و قولي لها ياخالة حصل كدا وكدا
وابني ماهو مرتاح و لا زوجة ابوه مرتاحة و انا عارفه انهم اشقياء ومتعبينكم
اذا ماعليك كلافه اقنعي ابنك يرجع الاولاد عندي و يشوفهم مرة بالاسبوع او مرتين و انتهينا

شوفي ايش بيكون ردها

اذا مو حابة تتواصلي معها .. شوفي حد حكيم من اسرتك ... عم او خال
ويروح يكلمه بنفس الكلام انه الاطفال مش مرتاحين ..

او روحي لمدرسة ابنك و اتفاهمي مع مدرسته .. انه ترسل لابوه رسالة بانه الولد
ماهو مرتاح و مستواه مش جيد و مش متاقلم و من مصلحته انه ينتقل
(اذا كاان مدرسه رجل وصي حد من اخوانك يتفاهم معه)

ماودي تدخلي موضوع الطرد .. ليش
اذا وقف الاب مع زوجة الاب و قال ابنك الغلطان .. زوجته بيكبر راسها و ابنك بيحس بالظلم و الغبن اكثر
وبيكره ابوه

واذا الاب وقف مع الابن و عنف زوجته.. ساعتها زوجته بتكره ابنك زيادة
واخاف تضمر له شي من كيد النساء,,

هذا الي عندي والله اعلم
الله يوفقك و يحمي لك اولادك و يعوضك خير

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

لا ترسليه مرة ثانية و إذا سألوك ليش

قولي لهم السبب

^
إيش الحكاية ؟
ببغاء ؟