انا عضيت على شحمه بعد ماكلمته وقالي اللي كتبته
وتزوجته

طيب اذا هو يشوف شي ما اشوفه وش دخلني يتزوجه هو

ومره ارسل لي اغنيه بعد ماتملك علي بيوم
يوم قلت له وش هالطواعه فيك ترسل لي اغنيه زعل
وجلس يحلف ان اصدقائه قالوا له ارسل لخطيبتك وان البنات يحبون الاغاني وانا ابي افرحك
وتأسف مني وحلفني ما افتحها عشان كذا رحمته

عزيزتي لما ..

إنت اللي يخليك غير متقبلته أكثر ..

إنك رافضة فكرة الزواج أصلاً ، و ثاني شي إنت مو متخيلة إنك بيوم من الأيام بتكوني ( زوجة )
أتوقع كذا ؟

ايه ماني متخيله ابدا ابدا
الحين اذا فكرت ان اسمي متزوجه انفض راسي ماحطيت بباليي كذا
كل شي صار بسرعه
الحين الزوجات اذا تزوجوا جهزا انفسهم بس انا جايني برود ولا فيه احد يساعدني باللي اشتريه
احس فوق راسي مسؤوليه كبيره ابي اتحمس مثله بس فيني بلاده موب طبيعيه

وضعك صعب
بس صراحه اسلوبك كوميدي
احس من القهر

اسمعي كلميه هو طيب وقولي له ترضى اني اتزوجك وانا ماابيك وش راح تكون حياتنا وفهميه وضعك وان ابوك مجبرك
وقولي له ان وافق يتركك مايقول لابوك انك انت اللي قايله له يعني يجيبها على انه هو اللي مايبيك اذا رجل ويحترم نفسه
ويبي استقرار وراحة بال راح يوافق على كلامك

وغير كذا بيحقد عليك وبيهبلك زيادة

الله يعينك والله كسرتي خاطري

انت رافضة فكرة الزواج

فكرتيني بحالي أول ما انخطبت .. كنت مثلك ^_^

بس إنت مو كارهة ولد خالتك ..

يعني ممكن يجي شخص غيره ، و لا سمح الله يكون سيئ ..
فلا تضيعي من يدك ولد خالتك ..

و بالعشرة و وقت تعيشوا سوا .. راح تحبيه أكثر ..
بس أعطيه فرص مو فرصة وحدة ..

و لا تضغطي على حالك ، خلي الأمور تمشي براحتها ..

انت ماقريت الرابط اللي قبل ؟
هو داري اني ما ابيه اصلا

ياروح يعني بعدين كل شي يتعدل واتقبله واضحك على نفسي ؟


طيب انا كلمته اليوم في الدوام على اساس اخذ واعطي معاه جلسننا ساعتين ندخل بمشكله ونطلع بمشكله وسكرنا بمشكله

وهو كلامه كثير يعني ما شاء الله يتكلم بكذا سالفه مالها دخل ببعض وانا لا
هم يقولون الرجال لاتتكلمي معاه اكثر من 15 دقيقه بعدها يفهي
هذا جلس ساعتين يتكلم وانا والله اللي فهيت وتنحت

اليوم خالتي عندها عزيمه عشان ولدها مدري وش جايه
دقت علي اجي وانا ماحب جمعات الحريم كلها دق وتفاخر ورسميات
وتقهرني تقولي هلا بزوجه ولدي وتجلس تكلمني عنه
احسها تقول خذتيه غصب عن وجهك


ويقولي ابو الجيران خطبني لبنته بدون مهر قلت ليه ما اخذتها قال باخذها الثانيه اذا تزوجتك عشان اذا جننتيني اروح لها واقهرك
هذا رد بالله ؟

احس كل مانكلم بعض بس نجلس نقهر فينا
طفشت انا

هو بس حابب يمزح معاك مزح ثقيييييييييل ..

:*

سأقولها لك صريحة:
إذا كنتِ لم تتقبليه فلاتتزوجيه فعمرك ستعيشينه مرة واحدة فقط فلاتجازفي
فأنتِ مازلتِ على البر وهذا الرجل لديك كراهية له ولكِ معه تجربة سيئة جداً

:*
أنا مؤمنة جداً أن القبول أحد ركائز الزواج الناجح
وبدونه ستكون الحياة الزوجية مجاملة حتى ينهار أحد الطرفين

:*

__________________

وعليكم السلام ورحمة الله وبركاته

أختي لمى الله يفرج همك ويقر عينك بما يسرك
ممممم الحقيقة ماعندي خبره بحيث اوجهك توجيه صحيح بس احب اذكرك بالدعاء تحري مواطن الاجابه مثل السجود بين الأذان والإقامة وآخر الليل وادعي ربك
( ربنا هب لنا من ازواجنا وذزياتنا قرة أعين واجعلنا للمتقين إماما)
حاجه ثانيه احب أنبهك لها انك حاولتي محاولات كثيره ترفضين هذا الشخص لأكن كل محاولاتك فشلت ولعل في الامر خيره لك ... الحين الافضل انك تحاولي تتقبلين ولد خالتك حاولي تحسنين صورته قدامك مع أني ادري انه جداً صعب بس بإذن الله مع الدعاء ثم قوة إرادتك تتحسن احوالك بإذن الله
مممم بعد حلو منك لو تجاملينه شوي وتسلكين أمورك معه لمصلحتك عشان ماتدخلين معه بمشكله وتطلعين بمشكله
مع انك ماشاءالله واضح ان أخلاقك حلوه دليل كل كلمه والثانيه تقولين رحمته رحمته
الله يوفقك ويسعدك ويعطيك من خير الدنيا والاخره وكل المسلمين