كراكب الله خير و اسأله ان يقسم لكي من دعوتك ...
المسكن متوفر و لله الحمد ، و فيما يخص الدعم من الاهل ... هذا الشي الذي لم و لن افكر فيه و لا اقبله و الا ولله الحمد اهلي وضعهم المادي ممتاز بشكل كبير جدا و تكاليف الزواج حتى وان كانت مبالغ بها الا انها بالنسبة لعائلتي ولا شي ولا شي ... ولله الحمد و لكن أنا لا اقبل و لا اقدر ان اطلب وهذا طبع فيني منذ القدم و حتى من قبل زواجي بفترة شبابي لا أخذ من ابي حتى وان أعطاني او عرض علي أنا مؤمن بأن الرجل الحقيقي هو الرجل العصامي ...
ادري غلط و كثير كلموني في هذا الموضوع ولكن هي قناعاتي وانا مقتنع بها .

وش فيها عز الطلب معلمه بس تاكد من كرمهم 😁 وعمرها بالثلاثين
لاتاخذ اصغر من ثلاثين عمرها مناسب وفاهمه الحياة
بس قبل اسال عن امها وخواتها وحياتهم مع ارجالهم وسنعهم وحشيمتهم للزوج وكذا
واهم شي الام ترا وربي الام لها دور كبير وتوصياتها المستمرا كل زياره تحسس البنت مقدره زوجها
والبيوت مليانه دور بنت الاجواد ويتحصل

تذكرت موقف الامي الله يجعلها بالجنة
بنتي قبل فتره تكلم ابوها عمرها 10 سنوات وتطلب منه اغراض وطلبت وسكرت
امي التفتت علي وتهوش فيني الحين ورا ماتعودين بنتك تقول الابوها الله يعافيك الله لايحرمني ابي كذا
طيب يمه هي بزره وانا وش دخلني ماقلت لها تطلب منه هوشيها هي
وتقلب علي ياااويل قلبي اكيد انتي مثلها ماتدعين لزوجتك اذا سوا لك خدمه او جاب لك اغراض
لانك لو تدعين تعودت بنتك منك وابي اقنعها اني ادعي له وتكذبني لو صدق تعلمت بنتك منك
بعدها صرت اتقصد اذا امي عندي ادعي له لو يقول يدق يقول اطلعو انا عند الباب
الشاهد بالموضوع اذا الام طيبه وتعرف فضل الزوج وحقوقه بتاثر ع بناتها وتستمر وراهن


والجمعيه ولا يهمك اول واحد بس الدفعه الجديده تبدا بشهر شوال 😁

__________________
سبحان الله وبحمده

معليش قطعت ابو جد كلامك لأني ابي ارد بإقتباس و داخل من الآيفون و أنا معروف بالتقنية ابل يتمنون يتعاقدون معي لكن واجهتني مشكلة بسيطه ان كلامك اللي طالع لي طالع من النص لأني عارف ارفعه ولا ني عارف انزله قلت ياولد قصقص لين يبين اخر الموضوع واقتبس على كيفك
اولا الله يرحم امك و يجعلها من اهل الفردوس الاعلى ... و نعم الام و نعم التربية رحمة الله عليها ، و مفروض زوجك يدعي لها ليل نهار ... و عشان كذا مو مستغرب طيبك .
بس ما فهمت قصدك تأكد من كرمهم .
أنا عندي معلومات ان الاب طيب و الام ما فيها اللي يعيبها يعني معلومات من بعيد و هل لها اخوات متزوجات مدري .

من اول رد لك قرأته قلت هذا شخص يعاني

من مميزات الشريك الأناني المتبلد انه يوقد فينا الشعور

لكن ياخ ولهان << و معرفك بعد يجسد معاناتك الله بفرجها عليك

ليش ما صارحتها برغبتك فبعض الناس ما تفهم بالإشارة لازم تصريح مباشر

و لا تلومها يمكن تخجل من التعبير عن مشاعرها او ما تحسن التعبير ؟؟؟

بسبب التربية و طبيعة الشخصية ..

وان كنت صارحتها و ما وجدت نتيجة فتزوج على بركة الله

و احمد ربك انت بنعمة كبيرة و الامر اولا و أخيرا بيدك لكن فيه غيرك يعاني

و لا بيده من الامر شي

دايم الاحظ اذا كان الزوج يعطي حب وحنان ووفاء تكون الزوجه ×
والعكس تماما .. لآحول ولآقوه الا بالله

__________________
ياآاآاآاآرب .. والباقي أنت تعلمه

ماعليك زود ونعم فيك
اولا زوجي الحمدالله مب يدعي لها وبس دايم يحطمني ليتك ع امك
واغلب اخبار اهلي اعرفهن منه قاط مع امي بقوه قهوة الصبح اذا نزلني لدوام هو دوامه ساعه 8 الغالب عندها قولو ماشاء الله 😊 بذات بعد وفاة امه الله يرحمها ويجمعنا فيها بالفردوس صار يحسها مثل امه

كرمها اقصد لان ظروفك الماليه مش ولا بد اذا كانت كريمه بتصرف ع نفسها وكذا
مابتطلب منك الا الاشياء الاساسيه

بعدين وش هذا ياشاطر 😡😡
جامع لي معلومات رؤس اقلام
انت انكويت من زوجتك الاولى لاتتوهق بالثانيه
لاتخطب الا انت عرف اخلاق البنت مررره اسلوبها تعاملها
امها كيف علاقتها مع زوجها واهل زوجها
عندها خوات متزوجات كيف علاقتهم
ياااخوي لاتخطب ع رؤس اقلام اسال عن كل شي وتاكد قبل تتوهق

__________________
سبحان الله وبحمده

[QUOTE=ريفاان;2828553
كرمها اقصد لان ظروفك الماليه مش ولا بد اذا كانت كريمه بتصرف ع نفسها وكذا
مابتطلب منك الا الاشياء الاساسيه

بعدين وش هذا ياشاطر 😡😡
جامع لي معلومات رؤس اقلام
انت انكويت من زوجتك الاولى لاتتوهق بالثانيه
لاتخطب الا انت عرف اخلاق البنت مررره اسلوبها تعاملها
امها كيف علاقتها مع زوجها واهل زوجها
عندها خوات متزوجات كيف علاقتهم
ياااخوي لاتخطب ع رؤس اقلام اسال عن كل شي وتاكد قبل تتوهق[/QUOTE]
تحملي تناحتي ... كيف اعرف اللي قلتي عليه و لا المخابرات تقدر تفيدني ...
كيف اعرف كرمها ؟ كيف اعرف أخلاقها ؟ أمها أكيد بتكون عجوز ان كانها قشرا و شرانيه أكيد بتكون هجدت او خرفت و عقلت ... مشكلتنا شختك بختك بطيخة بيضا حمرا الله اعلم ما تبين الا بعد السكين وهنا ان صارت حمرا انعم وأكرم و ان طلعت بيضا طارت سنينك يا صابر

و الأهم هل بتقبل بمتزوج وعنده اطفال ؟

وش وش عرفك
اسال عنهم منا مناك احد مدرستها ثقه
خواتك او احد من خالتك او عماتك ثقه حرمه بطلع لك لو مقاس جزمتها الله يكرمك
احد من زملائك الثقه اذا له قريبه تعرف البنت وكذا
بعدين مب شرط امها عجوز اذا هي اكبر خواتها بتكون امها توها بالعمر
واذا شرانيه حتي لو عجوز وعقلت ع قولتك بتحصل البنت فيها فيها منها الا من رحمه ربي
المثل الظاهر يقولك اقلب الجره ع فمها تطلع البنت ع امها

__________________
سبحان الله وبحمده

ايه ليش ماتقبل حاليا البنات في منهن
طلبها متزوج
وذا تخاف من الرفض دور مطلقه مامعها اطفال اذا ماتبي معها عيال
وياكثر المطلقات الي وربي ذهب بخلاقها وادبها بس النصيب

__________________
سبحان الله وبحمده