هههههههههه..
امين ..الله يرحمنا برحمته ....
منوره خيتووو..


انا من رايك اخوي الكريم ..
بس هذا كلام الرجال ..مهوب كلامي انا ..

طيب انت لو برايك وش تختار ..
السنعه ولا الكتكوته ؟..؟؟

__________________

السلام ,,,توفي و فيصل

أذكر مرة قعدت مع وحدة من الطيباااات ,,,أم صديقتي
لما عزمتني ببيتهم,,و هي أمرأة حبوبة و طيبة
و تكلمنا عن أيام زمان,,بما أنها عاصرت (عمل) الجيلين أقصد بعمل خدمة البيت
هي امرأة بعمر أمي ,,كانوا يسكنون ببيت صغير مع زوجها و في نفس بيت أهل زوجها و زوجة حماها
و الآن تسكن ببيت كبير (فلة) ,,لعائلتهم فقط ..و تعنى بأطفال ابنتها لما تذهب للدراسة ..

تقول ,,كنا سابقا نعجن و نطبخ و ما أكثر العزائم و كانت عمتي هي الآمرة الناهية
نغسل الملابس بأييدينا حتى تتقرح ,نمسح أرضية الحوش,نخيط الملابس,,و الضيوف يتفاوتون على المنزل
و تجهيز الذبائح من و إلى عليهن ,,و غيره و غيره ,,,

لكن كانت زوجة حماها ,,تساعدها و أخوات زوجها ,,فيتقاسمن العمل
الحوش صغير و المنزل قليل الأثاث , فكان العمل يقضى بسرعة
و الأطفال مشغوليين باللعب في الحارة مع أبناء الجيران
حيث كان الدنيا أمن و أمان و الجار يعرف جاره ,,فلا يعطل الأطفال الأم عن عملها
الملابس قليلة ,,و الغرفة التي تنام فيها مع زوجها ,ينام فيها عيالها أيضا
و كلهم بدولاب ,,واحد ,,,و لا ترى زوجها إلا قليلا ,,,فلا خصوصية
ترى عمتها أكثر من زوجها
و الكلمة الأولى و الأخيرة ,,ليس لزوجها و لا لها
بل لعمها و عمتها ,,


في منزلهم الكبير الآن ,,,
تقول هنا الغسالة و المجففة و غسالة المواعين و المكنسة الكهربائية
لكن المنزل ,,كبيير , الملابس لا تنتهي , البنات , يحبن التنوع باللبس
فليس كما أول ,,3 جلابيات و انتهى الموضوع ,,حتى لبس الأولاد ,,منوع
وكل لبس و لون له غسلة خاصة ,,الأواني أكثر
الأثاث أكثر ,,و لا كنة تساعد و لا أخت زوج ,,يساعدنها بناتها ,,لكنهم أغلبهن بالمدرسة أو الجامعة
و عليهن فروض وواجبات لا تنتهي ,,أولاد ابنتها المتزوجة ,يعقن العمل , بكثرة الطلبات
و لا يوجد لعب مع أولاد الجيران ,فالزمن صار يخوف ,,فالعيال ينشبون بالحلق ,,
و أنت تريدين انهاء العمل ,,,لكن لا تقرحات باليد و لا غسيل يدوي للملابس
,,
الخصوصية مع الزوج الآن أكثر ,و للمرأة فرصة لمشاورتها و التحدث إليها و ليس الأمر بيد العم و العمة..
لكل زمان متاعبه ,,لكل زمان ايجابياته و سلبياته

,,,

__________________

كلهن

السنعة والكتكوتة ممكن تصير في بنت وحدة.

__________________
ياصبحِ لاتِقبل !!
عط الليل من وقتك..

الرجال اكيييييييييييد يفضلون الكتكوته اكيد

والا ما تزوج علئ السنعه وحده كتكوته اول ما ذبلت من الكرف

ايوه ممكن تصير في بنت واحده في حالة انها الحالها بدون اطفال

لكن بوجود الاطفال مستحييييييييل مستحييييييل تجتمع
الاطفال الحالهم جهاااااد وكفااااح الله يأجرنا

الاعتدال في كل شي
.... يعني وش أبي فيها اذا هي تتابع صرخات الموضه والشياكه وتعطير البيت وما تعرف المطبخ
...... أو تكون طباخه ومهمله نفسها وبيتها
الجمع بين الثنتين بالمعقول بدون مبالغه
للأسف بعض الحريم تعتقد انها اذا عطرت البيت وماشم ريحة الزفرأو اذا اشبعت بطنه من الماكولات بتملكه وتجلس تنتظر ردااات الفعل منه
أعتدلوا في كل الامور بالقدر المعقول وتبعلوا وراعوا النفسيه خصوصا وقت الازمات الأسهم طايحه متهاوش في العمل لا تحاسبيه على شي
... أحيانا نحتاج الجلوس مع النفس خصوصا اذا فيه شي حاصل ما نبي احد ولا نبي نتكلم في هذه الحاله ضعي بريق الشاهي وانصرفي لمدة ساعه..
كذا ستنعمون بحياة جميله...

يابعدي أنتي شوفي الرجال بعضهم مالهم خاتمه ولائبين بعيونهم شيء
ومالهم حل إلا الوحدة تعاملهم بما يرضى الله ؛ ولاتكلف نفسها فوق طاقتها.
موضوعك سبحان جاء بوقته " تراني أتكلم من واقع تجربه وبما انه أبوي العزيز معدد
بقولك إلي شايفته و إن شاءالله إني مااظلم أحد.
ثنتين منهن ماشاءالله نظافه وطبخ وسنعات وفوقه جميلات ؛
وثنتين الله لايبلانا لاطبخ ولا نظافه وفوقه طولت لسان ولا احترام حتى أكله ووضيوفه يحطنه
بلاستيك !!
وماهو شايف إلا الشينات مدري يبي يسلم من لسانهن ولا حب أما إذا كان يحبهن (مع احترامي للوالد أشوفه ماعنده ذوق ).

خلاصة كلامي لاتصدقينهم يوم يقول ودي بسنعه ولاكتكوته ، ماينعرف لهم.
عني صراحه أخذت درس أعامله بما يرضي الله ولا أعطيه أكبر من حجمه ولا أتركه محور اهتمامي.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

اعجبتني صراحتك
واوافقك الفكرة .. اسوي الي اقدر عليه
والي يريحني .. والباقي اصلا مفروض من زوجي
ما يطالبني فيه لو عرف اني ماحب اسويه
او مقدر اسويه .. بغض النظر هو صح او لا !

__________________



احيانا يجب ان نفقد ذواتنا كاملة لكي نستعيدها كاملة ...

22ماشـاء الله عليه جرب جميع الانواع


الــــــــــــزين غســــال يدين كما قيل قديما

الغالية توفي

رجعت لموضوعك بقول شي

عن نفسي .. مهما شفت الرجال يمدحون
ويقدرون البنت السنعة .. ما يثير هالشي حماسي
ولا يحسسني بالنقص ابدا .. ! لعدة اسباب

اولها .. شخصيا ما حب الطبخ كثير
بمعنى مهو من الامور الي تستهويني
غير انه مرهق ومتعب لانه يومي ! فليش اكلف
نفسي فوق طاقتها خصوصا لو عندي اطفال ..
لذلك ماراح اجبر نفسي احب شي بالاصل
انا ما اتقبله بس عشان ارضي زوجي !

ثانيا .. عندي قناعة بان الرجل الي يركز
كثير على الطبخ وامور المنزل اما انه رجل سطحي
او انه رجل يطلب الكمال .. فليش المفروض اجاريه !
ايماني عميق بان الحياة الزوجية ليست سجن مسؤوليات
عشان الواحد يجلس يتشرط ويتطلب
الحياة الزوجية سكن واستقرار .. كيف يتحقق الاستقرار
اذا كان احد الطرفين على الاقل مرهق ويتحمل فوق
طاقته ؟

ثالثا .. لو سلمنا جدلا بان الطبخ
مهم بهالقدر بحيث لايخل به ابدا !!
فاذن ترفيه الزوجة عن نفسها هو مهم بنفس القدر
الزوجة الي قايمة بمطبخها وبيتها على اكمل وجه
تستحق بكل تاكيد الترفيه عن نفسها بالشكل الي هي تحبه
اما من خلال الاجتماع بمن تحب او بالخروج للنزهة لمكان هي تحبه
او السفر نهاية السنة لمكان هي تحبه .. السؤال هو :
من رؤويتنا لواقع الحياة من خلال هالمنتدى .. هل نرى
دائما الزوجة تحصل على ماتريد بالنهاية مقابل تعبها
واجتهادها في خدمة زوجها ؟ يعني هل تحصل المراة
في النهاية على سفرة جميلة نهاية السنة ؟
هل تخرج اسبوعيا الى المكان الي تحبه بدون ازعاج ومنه ؟
اتصور تعرفين الاجابة توفي ..

بالاخير ارجع واقول اني ماحس بكوني ناقصة
بس عشاني ماحب اطبخ كثير ! لان قيمة الزوجة
ولله الحمد لا تختزل بمطبخ ! قيمتي كزوجة
هي في مستوى تعاملي واخلاقياتي ونظافتي
من الداخل والخارج .. راحتي ماحس بالذنب لمن ادورها
وليش احس بالذنب ؟ بالعكس اذا صرت مرتاحة
نفسيا اعطي اكثر واتقبل اكثر ..

__________________



احيانا يجب ان نفقد ذواتنا كاملة لكي نستعيدها كاملة ...