كلامكم درر
طيب انا ليه الوم نفسي

لانك ما زلتي تحت تاثير الصدمة مو متقبله فكرة الطلاق

ومو مستوعبه اللي صار

لكن مع الوقت بتنسين كل شي بالذات لما يطرق بابك رجل اخر

راح تنسينه وتقولين انا كيف كنت افكر فيه صدقيني هي مسالة وقتيه بس وراح تعدي

الله يفرج علي وعليك وعلى كل مهموم يا رب عاجلا غير اجل

امين
هل اخطات لما طلبت مصروف وانا موظفه

لا ما أخطأتي أنتي طلبتي حقّ من حقوقك ليش التنازل عنه؟

اذا ربي رزقك بزوج غيره انتبهي تتنازلين عن حقوقك عشان ترضينه انتي كذا بتخلينه يتسلط عليك و يحرمك من كل شي ..

__________________

أغيب و ذو اللطائف لا يغيب - نشيد لأصحاب الهُموم -
http://www.youtube.com/watch?v=piXtKN5nS3Y

الله يجزاكم خير دعواتكم لي بالعوض

‏من مقوﻻ‌ت " ميسره طاهر " 
*المفيده للنفس والحياه
ﻻ‌ للتضحية ( العرجاء )*
وإعدام الذات اﻹ‌رادي ،
والطيبه الغبيه ،*
وإلزام النفس بما ﻻ‌ يلزم ،
*كل هذا حتى يَسعد اﻵ‌خرون ،
وأبدو شخصا رائعاً في أعينهم !
★★★★★★★★★★

ليس بالضرورة أن يحبك كل الناس ،
وليس فرضاً عليك أن تلبي رغبات الكل !
هرولةٌ مُنهكة نحو إرضاء اﻵ‌خرين ،
وخوفٌمُهلك منهم ،
حتى ﻻ‌ نوصفّ بـ أننا :*" غير لطفاء "
♡♡♡♡♡♡♡♡♡

تفريطٌ بـ حقوقنا وعبثٌ بـ أولوياتنا ،
فقط حتى يُقال :" طيبون 
☆★☆★☆★☆★☆

"لذلك ،- سأفعل ما في قدرتي*- سأنام ﻷ‌ني متعب*- لن أمدحك فوق ما تستحق*- لن ارحب بك بـ حراره "
وانت ﻻ‌ تعجبني أو ﻻ‌ أعجبك
★☆★☆★☆★☆★☆★

*- لن أستغرق في مشكلتك طالما أنك " ﻻ‌ " تراني أملك عصا سحرية*

هذه هي " اﻷ‌نانية الصحيحة "
،*وهي عدم اﻻ‌نجراف لـ الـآخرين ..
وتعد أفضل وسيلة للفوز بـ :*اﻹ‌حترام ، والحب ، والتقدير ، وتنمية احترام النفس ..

بعدها ستتخلص من كل الضغوط*،
وتحرر وعيك المُحتل

ّ*رضاا الناس غآيه ( ما تلزمني )

__________________

السلام عليكم ورحمة الله تعالى وبركاته

اللي يحبك عشان شيء معين ، بس يروح هالشي يكرهك..!!
اللي يحبك عشان جمالك ، بس يختفي هالجمال بيتركك.
اللي يحبك عشان جسمك ، بس يخرب هالجسم بيتنازل عنك.
اللي يحبك عشان فلوسك ، بس تروح فلوسك يبيعك.

الحب الحقيقي هو ان الشخص يحب شخص من غير اسباب معينة ، يحبة كذا ومن غير مايعرف الاسباب ، هذا والله الحب الحقيقي اللي يبيع فيه الإنسان كل ماوراة ودونة عشان يتمسك فيه.

سبب طلاقك ماكان عشان موضوع النفقة او انك طلبتية فلوس ، موضوع طلاقك هو لأنه ماعرف يستغلك او يستفيد منك ، ولما حس انك مفتحة وتبين نفقتك (وهذا حقك حتى لو كنتي موظفة) تعامل معاكِ بنيتة الخسيسة وطلقك لانه عرف انه ماراح ياخذ شي منك.

بقولك قصة صغيرونة حصلتلي شخصياً
أتصل علي زوج أختي مرة ، ف قالي أبي اقابلك في موضوع ، ف قلت له حياك الله المجلس ، قال لا خليها برى !! فقلت له خير فيه شي خوفتني ترى ؟؟ قال لاتخاف كل الخير ان شاء الله ، ف رحتلة وتقابلنا في "كوفي شوب" ف قالي يا متفائل انا رجال موظف والله رازقني من فضلة ومقتدر ، وزوجتي (اللي هي اختي) موظفة في التعليم ، وحالتنا جداً طيبة ومرتاحة ولله الحمد ، بس عندي مشكلة معاها ، فقلت له خير شفيه ؟؟ قال كل ما اجيها اعطيها نفقتها ترفضها بحجة انها مو محتاجتهم ومتنازلة عنهم ، وانا رجال اخاف الله ، واخاف اموت والله يسألني عن نفقتها ، ف حتى لو مهي محتاجتهم لازم تاخذهم مني تحقيقاً لما امر الله ، وانا عجزت عنها ف قلت اجيلك لانك اقرب واحد من اخوانها لها يمكن تقنعها تاخذهم..!! بصراحة كبر بعيني واجد.

رحت كلمت اختي ورفضت ف البداية وقلت لها ان الموضوع ديني اكثر من انه يكون موضوع عدم حاجة او كذا ، ف قالت خلاص اذا هو بيعطيني نفقة خله يسويلي وقف خيري بقيمة النفقة يمشيلي طول العمر ، ف قلت خلاص اتفقي انتي معة على كذا وشوفي وش يقول ، ف قالتله ووافق على ان نفقتها تروح للاوقاف الخيرية.

ف شوفي الفرق بين الزوج اللي يخاف الله ، وبين الزوج اللي مايخاف الله
بين اللي يعرف الحق ويمشي علية ، وبين اللي ينكر الحق ويمشي بخلافة.

اقولج شي يامتفائلة!! اذا بتندمين اندمي على رجل حقيقي بكل معنى الكلمة.
او اندمي على ايامك اللي قضيتيها مع واحد سخيف وخسيس مثل هذا حطم حياتك عشان وصخ دنيا.

أتصدقين انا مرتاح من طلاقج ، وجداً متفائل ، وادري انك راح ترتاحين مستقبلاً بس تروح منك الصدمة.
حتى والدتي والله جمبي اسولفلها عن موضوعك تقول من كل قلبها " ياعلة مايعَود" وفراقة عيد وسعد.

كل اللي لازم اتفكرين فيه الحين كيف تبدأين حياة جديدة ، خصوصاً ان ماعندك اولاد منة والحمدلله.
استانسي وافرحي والبسي واكشخي وبيني للناس كلهم انك مو ندمانة على اللي صار وانك انتي الكسبانة ، واحضري افراح وخلي كل الناس يشوفونك ، وعيشي مثل ماكنتِ عايشة عند اهلك قبل الزواج.

ولا تخافين ترى الطلاق ما يحققة الله للبشر إلا من منطلق (الطيبون للطيبات ، والخبيثون للخبيثات) فإذا حصل الطلاق تأكدي ان الله سبحانه وتعالى بيفصل الخبيث عن الطيب والطيب عن الخبيث ، وبيرزق الطيب طيب مثلة ، وذاك الخبيث بيسلط علية الخبيثة اللي مثلة.

هذا معنى الطلاق ترى وهاذي حكمة الله منة.

فهل انتي تشوفي نفسك طيبة ام خبيثة ؟؟
اذا كنتي تشوفين نفسك طيبة ، ف أبشرك بالطيب اللي بيجيلك لحد عندك.


لاتضايقين وانا اخوج ، وأولاً واخراً رضا رب العالمين اهم ، والدنيا حلوة ، بس نعيشها بتفاؤل.

الله يارب يهون عليك اللي بقلبك ، ويريح بالك ، ويكشف عنك الهم والغم ، ويبث في قلبك الرضا والسعادة.

__________________
استغفر الله واتوب إليه

انتي سألتي عن الحريم اللي رجالهم طايرين فيهم و لأجل ترتاحي تأكدي انهم عدد قليل جدا لأن الرجل ماراح يطير بوحده لو غرفته فلوس مع إهانة ممكن يمثل عليها دور انه يحبها اذا كان شخص طماع اما ان كان عنده كرامة ماراح يحبها لفلوسها لا يحبه اذا سوت له كم حاجة اذا أمرها أطاعته واذا نظر اليها اسرته وان غاب عنها حفظته في نفسها وماله وأولاده و بيته ولا تكون مقصره في بيته من نظافة وأكل وان تكون سببا لعفافه وكل خير يعمله .... هذي يطير فيها لو ماعندها و لا فلس ....
اما موظفه و ابي مصروف و اذا قال لا انقال عنه بخيل ... اي مصروف و خروجك للعمل على حساب بيتك و زوجك وتطلبي مصروف ... افترااااااء
عموما اللي فات فات وربك يعين

اجل يطلق عشان مصروف ولا ينقال عنه بخيل انت قلت يطير فيها اذ نظر اليها اسرته و اذا حفظته ببيته وماله و طبخت له وقامت بحقوقه طيب اذا سوت هذا كله ولا اهتم ولا راعاها ولا حبها مو كل الزوجات الي ازواجهم حاقرينهم فيهم عيب ولا كل لزوجات الي ططايرين فيهم فيهم ميزه الدنيا حظوظ انى ماوصفتلوحدي زوجي بالبخل اخوه وصديقه وطليقته الاولى كلهم اوصفوه انا لاحظت بخله وماتهمته لان المده قصيره انا طالبته بمسروف وبعدين طلقني حسبي الله عليه وعلى كل ظالم يارب يحسب الزواج لعبه وان كانت الزوجه على قولتك تخرج للعمل على حساب بيتها انا قلت له بقعد بتلبيت وهو رفض

اختي النقطة برايي
مو مسالة بخيل لانه ماعطاك مصروف

نقطة انه علي طول يطلق عشان طلبتي مصروف؟؟
يعني ماعليه امان الطلاق عنده لعبة

المنطقي انه يكلمك يحاورك .. حتي يقولك ماعندي..
اما انه كدا يطلق عند اول مطب في الحياة الزوجية وانتو ماكملتو السنة

عيل بكرة ايش بيسوي لما تهل المشاااكل .؟؟ ماعليه اماااااااااااااااااان

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله