[QUOTE=bosara1;2845668]اخي بومريم الله يطول عمرك ، تدري قبل لا ادش هالموقع كنت ضائع ولا اعرف شو اسوي. بس الحمد الله من اقراء كلامكم يريح أعصابي بالذات الشخص الا يعطيني آمال ، نحنا مسلمين لازم نرضى بحكم الله سبحانه تعالى ، ولاكن في النهاية نحنا خلقه ولدينا مشاعر والأحاسيس بفضلة وتينا الظروف احيانا تكسرنا ، والإخوان مثلكم تخفون عليه المبتلى ، انا بنسبلي حتى لو ما ردت ام ساره بس حاب أعيش في آمل انها بترجع وهذا يكفيني . مشكورين يا إخواني ، بخصوص البنات نعم أشوفهم في الاسبوع مره بس أمها قاعده تحاول تبعد هم عنى لما اتصل ما ترد مانه وفرت التلفون لهم وحجتها انه البنات صغار شو يمسكون تلفون 24 ساعه طبعا هذا كلام بنتي ساره لما اسألها ليش ما تردني لما اتصل أتقول ماما تخللي ونحنا ما نعرف تلفون وين. المهم بديت احس حتى العيال نسوني تعودو على البعد ، اخي بومريم لو ابا لا اخللى حياتها جحيم ولاكن شو بستفيد لأمن مصلحة عيالي ولامن مصلحتها ، والبنات محتاجين لأمهم اكثر منى وأمهم ما تقدر بدونهم مهما كانت هي ام ، انا ابوهم ومب رايم اتحمل فراقهم فمابالك الام من جذي أتحمل كل له قاعده تسوي من ناحية عيالي وصابر ، و اريد اصلح أخطائي مابي أزيد ، خلها تسوي الا تبا ، اذا لى حق الله بياخذه ، والله أنى مفتخر انا مسلم هاى رحمة الله سبحانه تعالى علينا. عسى الله يغفر لنا ويرحمنا برحمة ويزيح هم كل المسلمين. امين اللهم امين

السلام عليكم ورحمة الله وبركاته
كل عام وانتم بالف خير وصحة وراحة
اخي العزيز انا لي موضوع في هل المنتدى نفس قصتك ونفس التفاصيل انا افرق عنك اني متزوج من 14 سنه وعندي 3 اطفال من حوالي 9 اشهر طلقت بسبب تدخل اهلها وانا مثلك في اخر سنتان صرت اطنشها ولا اكلمها بسبب كثرت المشاكل تركت البيت وراحت بيت اهلها وابوها ساعدها على الطلاق وراحت وطلبت خلع وانا قبلت بدون ان ارد المهر وبعد الطلاق اخذت عيالي عندي وحاولت بشتا الطرق انها ترجع وسط ناس وكلمت ابوها لاكن هي رافضه قبل رمضان بيومين ارسلتلي مسج انها تبي ترمضن على العيال وافقت وبعدها صارت تبدي ندمها والحين تبي ترجع .....
اخوي انصحك بعدم الاستعجال في الزواج واصبر هم الحريم كذا عازمات نادمات وحاول انك تخليها تاخذ وقتها بدون ماعاد تكلمها ولا ترسل احد خلي الموضوع يبرد وبعدها هي الي بدور عليك اسمع كلامي وانشا الله ماتندم
والله يجمع بينكم على خير

اتمنى كلامك يتحقق بس لا تنسى هي ردت لان العيال عندك لأكن في موضوعي العيال عندها ، يا اخي الا الله كتابته بيصير. بس بيني بينك قمت افقد الأمل وبديت إكرها. لانها مافيها إحساس .

لا تكرها يا اخوي...

هي حاولت معاك فتره طويييييييييييييييييييييله و انت حرمتها الجماع و من اشياء ثانيه... و بعد ما حسيت بفراقها قمت من غفلتك... لها الحق انها تاخذ وقت لين تتأكد انك فعلا تغيرت و مب مجرد كلام علشان ترجعها و بس...

يمكن محاولة اخيره منك... روح لها البيت و اطلب مقابلتها امام اخوانها و ابوها و قدامهم اقر بأخطائك و قول لها انك مازلت متمسك فيها مب علشان العيال بس... انما علشانها هي... لأنها كانت نعم الزوجه لك في ظل كل الأخطاء اللي كنت تمارسها معاها.... قول لها هالكلام قدامهم... و اطلب منها ما تقاطعك حتى تخلص كلامك... خلك كلامك ممزوج بحزن و حب و شوق و عاطفه و ندم... و تكلم بكل صدق... و بعدها قول لها راح اتركج (حدد انت المده اللي تبيها) تفكرين فيها إذا نكمل مع بعض او لا... و ما ابي اسمع اي جواب منج حاليا... ربما كنت ما زلتي ما تثقين فيني و ما تثقين اني فعلا تغيرت... و لكن التجربه راح تبين لج ان بو ساره تغير و ما عاد نفس الرجل اللي كنتي تعرفينه قبل.... بو ساره تغير لأنج انتي غيرتيه و ابيج تشوفين ثمار هالتغيير... انا ابيج و ابي عيالي.. خذي الوقت و فكري... و اتركها و بعدها لا تسأل عنها أبدا... روح شوف عيالك و بس... حتى لا تسأل الأطفال عنها علشان ما يوصل لها الكلام...

ما نفع بعد شهر هالكلام... انا اقول لك لالالالالالالالالالالالالالا تطلق... اصبر شهر زياده... يعني المجموع الحين صار شهرين... خلال هالشهرين ما يكون اي تواصل بينكم أبدا أبدا.... و بعدها روح لها البيت و اسأل عن جوابها... شفتها بعدها رافضه ترجع... قول لها بيتج موجود وقت ما تبين ترجعين حياج... و اطلع من البيت و لا تسأل عنها و انشر اشاعه انك ممكن تتزوج... )مع اني احس ان اشاعه الزواج ممكن تعطي اثر عكسي في وضعك)...

اخ بو سارة

مع اني ماعرف وش كان مدى اغلاطك بالضبط
ولكن اعجبني احساسك بخطاك .. اعترافك الصادق
بخطاك رفع قيمتك كانسان اولا وكرجل ثانيا .. حتى بالمنتدى
كبرت بعين الاعضاء وتمنت كثير عضوات (اولهم انا)
لو يكونون ازواجهم مستقبلا بمثل احساسك ..

انت الان اعتذرت وبكيت واتصور ماقصرت من الناحية
هذي


اطلب منها ان الطلاق يتم بعد 3 شهور او اربعة ؟
الهدف من هالطلب انك توصل لها فكرة انك ما راح تماطل
فيها .. وبالمرة تعطيها وقت من غير ما تحس هي
عشان تراجع نفسها ... وخلال اول شهر ترسل لها
هدية تعرف انها تعجبها .. وبس مافي غيرها

جرب هالحل لعل وعسى باذن الله يلين قلبها
ويخليها تراجع نفسها

__________________



احيانا يجب ان نفقد ذواتنا كاملة لكي نستعيدها كاملة ...

اخووووووووي.. الله يفرج كربك ويهدي بالك ويجمعك مع زوجتك وبناتك ياارب يا الله هاجل غير آجل .. اول شيئ.. اوعــــــــــــــــــــــى اخي دير بالك من اللي يحكيلك كرامه وما كرامه وحكي فاضي.. زوجتك من ضلعك يعني منك يعني انت واياها واحد وكرامتها كرامتك.. ولا ترد على اللي يعبي راسك ويقولك اتزوج عليها .. يا ناس حرااااام عليكم اتقوا الله اديروا على النار كاز.. الرجال يحي زوجته وندمان وانتوا بدل ما اتشجعوه تألبوه على زوجته اللي صبرت عليه.. ثانيا.. .. اصبر .. مع طنااااش .. مؤقت.. ومع الوقت زوجتك راح ترجعلك بإذن الله.. لانها تحبك لمن هي الآن اتعاند علشانها بتثأر لنفسها منك.. وهي الآن قاعده تثأر وكل ما اتشوفك تترجى وندمان تثأر أكثر.. ولما انت تطنشها راح اتحس انك بديت اتمل وراح تنساها فهي راح اتخاف وراح ترجع.. بس انت خليك مع ربنا ادعيه واطلب منه ييسر امورك ياااارب

أخي الفاضل ..
ارفع ايدك وادعي وقول كل الي في قلبك لله سبحانه وتعالى
والح في الدعاء ..
هذا اختبار من الله ..
لازم تتقرب له .. بالأعمال الطيبة
اتصدق كل يوم لو بدرهم .. بنية انه يجمعكم على خير وسعادة
وخليك متفائل وواثق انه كل الي كاتبه ربنا خير لنا

الله يجمعكم على خير يارب

__________________

>> لا إله إلا أنت سبحانك إني كنت من الظالمين <<

والله انتم يارجال تحسبون المراءة ماتنجرح

ياخي احسن لها بكثر ما ذيتها

__________________
يارب أحفظ لي طفلتي ولا تبتليني بفقدها

ليش القساوه يا أختي ؟ مب كفايه أنى ندمان مب كفايه من 7 اشهر يوميا كل لحظة كل ثانية افكر فيها وأحاول وحاولت بكل طرق ممكنه اى شي يخطر ببالج سويته عسب أرضيها ؟ وللعلم محد شاف اغلاطتها فهمتها عدة مرات لأكن استمرت بغلطتها ، صحيح أسلوبي كان غلط ابتعدت عنها ولا اهتميت فيها وكنت ظالم معها المفروض اصبر اكثر المفروض ما. اعاملها بقساوة ولاكن شو بيدي الحين ، سبب ندمي سبب الانتظاري هو فقط وفقط اصلح غلطتي. اقدر أبدا من يديد وضعي أحسن منها ولاكن لا حبي لها ما قل بل زاد ولا يمكن افكر في غيرها مهما طال الوقت ، مرات إكرها من كثر شوقي لها مرات اقول بس بس الا يباني ليش ذابح نفسي. بس بقول اخر كم كلمة انا شخصيا فقدت امل انها بترجع بس صابر اقول يمكن لو نص في 100٪ ، ويا إخواني ويا خواتي محتاج دعواتكم عسى الله يجمعني بأم عيالي وبناتي . امين.

__________________

سلام عليكم يا اخواني يا خواتي ، حالتي نفسيه تسوء يوم ورا يوم ، انا مب رايم اتحمل غيابهم ووصلت في مرحلة مع ام ساره لو اتصل واريد اسمع صوت عيالي ما تشل التلفون تتعبني زياده ما اريد اتعامل وياها بالقانون وادخل في متاهات واخرب الموضوع الا الابد ، صبري هذا هى تعتبر خوف او ضعف ، لا والله عندي قدره ادش بيتها غصبا عليها واشل عيالي بس خوفي اخرب الآمل له انا حاطنه ان كل شي بيني وبينها بيتصلح ، هذا ظلم منها يا ناس ظلم ليش تدخل بناتي مالهم ذنب ، اذا حد منكم قال انت ظلمتها وايد ترا لا تنسون ايد وحده ما تصفق اذا انا غلطت شو له خلاني اغلط ولا ما عندي سالفه اضارب او ازعل بدون سبب. فقط الفرق حالياً اني اعترف اني غلطت هل هاى اعتبر غلطه من جي تتكبر عليه ، جاوبو يا ناس هل هاى غلطتي اعترف لها كم احبها وكم ترجيتها وكنت مخلص بمشاعري معها هل هاى غلطتي ؟ صدق لما يقالون لا تعطي ضعفك لاى شخص وهي شافتني اترجاها راسها كبر شافتني نزلت من مستواى عند اهلها الا يسوى والا ما يسوى من جي تكبرت . ليش الدنيا وبالذات الحريم جذي من سنه ونص اتقولي انا تعبت انت ما تباني وانت مافيك احساس قلبك مات وانت وانت وانت طيب ، خلاص انا حسيت باغلاطي واعترفت صفيت قلبي وقمت احبج اكثر من ما حبيتج قبل سنين بالعكس قلتلها قبل يمكن كان اعجاب او حب عادي بس الحين احبج بجنون قلت انتي حياتي وحياتي دونج ما تسوى قلت انتي تاج راسي قلت انتي انفاسي قلت مستعد اسوى اى شي لج قلت مشتاق لج قلت احتاج لج انتي حياتي وانتي عمري وانتي ام عيالى وانتي دنيتي انتي شوقي انتي ابتسامتي انتي فرحتي قلت احبج يا ام ساره احبج حبيبي خلليني اسمع صوتج اشتقتله قلت حبيبي ارجوج اسمع صوتج قلت حبيبي اترجاج خلليني اسمع صوتج قلت حبيبي حياتي غناتي وراس اغلا ما عندج وراس بناتج وراس امج تكفى خلليني اسمع صوتج خلليني اهتم فيج خلليني انا اسف لا تسوين جذي لا تسوين ، لاكن للاسف اسف ما كلمتنى ولا تنازلت وطرشت مسج واحد حتى لو عتاب، ليش كل هذا التكبر ليش ؟ وعلى شو التكبر ، اذا تفكر حياتي انتهت غلطانه والله غلطانه ، اذا عن جمال والحمدالله اذا عن ثقافة مثقف اكثر منها بوايد ، واذا عن فلوس عندي خير والحمدالله اقدر واعيش بدال وحده اربع ، واذا عن بيت عندي بيت والبيت اى حد يتمناه شو ناقصني شو الله سبحانه تعالى ما امقصر معاى من خيراته والحمدالله. والله ثم والله مجرد ان قلت لاهلي ابا اتزوج ما بيقصرون بدال وحده عشره تتمنى حد يستر عليهم . لاكن لا اقول ام ساره حبيبتي ما اقدر اظلمها واظلم نفسي واظلم بناتي ، مستعد اصبر لو خمسين سنه لو اعرف واحد 100٪ انها تفكر فيه تفكر في بنات ومستقبلهم ، وليش يا جماعة منو اكون انا الا بشر نعم اخطيت او شو ما سويت اعترفت ومستعد اصلح واسوي اى شي ، مانه حاليا هى صائره عميا لو فيها خير كان قارنت نفسها مع غيرها. اخوها خان زوجته اكثر من ثلاث مرات وانا كنت موجود لما تصالحو ، يباله قلب كبير ان الواحد يتحمل خيانه زوجيه ولاكن الحرمه سامحته عدة مرات وعائشين مع بعض ولين اليوم بعد يخونها وزوجتي تعرف وهي تعرف وتنصحه لاكن دمها اخوها ما بتقول شي ، زوج اختها معذبنها من 12 سنه ما يداوم وهي له تصرف عليه وكل شهر ونص يسافر والمصروف من راتبها ويخللى حرمته روحها مع عيالها في البيت وهي كانت تتصل فيه انا اساس اكلمه وانصحه مانه ما كانت تخبر اهلها عسب ما يعصبون او يتكلمون على زوجها وزوجها بلا احساس هى تشتغل من الصبح لين المغرب وهو راقد لين المغرب هي ترجع البيت وهو يلبس ويكشخ للخروج الى قهوه لين الفجر وما غيره واختها صابره لين الله هداء زوجها وبدا يتغير شويه شويه الله يسعدهم ، القصد من كلامي واخباركم بكل هذا هل ام ساره عميا ما تشوف ناس كيف وانا شو من كبائر له سويته عسب تتعامل معى جذي ، انا اليوم اعترف غلطت لما نزلت دمعتي لها وترجيتها وبينت لها كم احبها والله ما استحق هالمعامله ، خوفي بس الله يشل هالحب من قلبي لها . عمري 33 انا شفت حياتي كل شي سويت سافرت سرت وييت كل شي والحمدالله لاكن عيالي بينظلمون توهم على الدنيا مابي حد يقولهم عيال مطلقه ، والله ما اعرف رب العالمين شو كاتب لنا ، لاكن ادعولى لان قلبي بدا يكره ام ساره يوم ورا يوم بالذات من ناحية عيالي وتكبرها ، وان نفذ صبري الله يعينها لان والله ثم والله ثم احلف يمين لا اخلليها تتبهدل وبخللى حياتها جحيم ، حبي لها بدا يتحول الى غضب صبري بدا ينفذ خاصتاً لما تدخل عيالنا في مشاكلنا ، كنت ابو باحسن ما يمكن ولين الحين عمري ما قصرت في بناتي ، الا تنمو لقو جدامهم قبل لا يطلبون لاكن هاى المينونه تبا تخرب حياتهم ، يالله اجعلني من الصابرين ياالله اجعلني من الصابرين ، واخر كلام للناس له قالو هي صبرت عليك سنين خلنى اعدل معلوماتكم فقط اخر فتره تقريبا سنه ونص كانت فيها مشاكل مب طول زواجي ، وانا صحت دم من 7 شهور ، والدموع الندم وخسارة شخص عزيز على قلبك وعيشه بالوحده في بيتي وغياب بناتي صعب يا جماعة حسيت مب 7 اشهر سبع سنين مرت اعيش في بيت روحي كيف صعب ما اقدر اوصف والذكريات حواليه ، وله يمر من نفس مشكلتي عارف انا شو اقصد. الله يخفف عليه ويفتح عليه ابواب رحمته وللكل مسلم مهمون ويسهل امورنا ويجلعنا من الصابرين والشاكرين له . واللحمدالله على كل حال. اخواني وخواتي اذا كثرت من كلامي او جرحت حد باسلوبي سامحوني لان له فيه انا اعرف وامر منه كل لحظة ارجو انا ضائع اخاف اتصرف بشي غطاء وارد اندم على فعلى رجاء اعطوني رايكم خمس دقائق من عندكم تفرق وايد في حياتي ساعدوني مع السلامه.