زوجي يبيني اسلفه عشان أمور الزواج
السلام عليكم اخواتي واخواني
زواجي بعد.شهرين .. وزوجي ظروفه المادية على قده .. راتبه ضئيل .. وأنا موظفة وراتبي زين .. المهم هو من قبل فتح معي موضوع إنا نسوي عزيمة بسيطة وياخذني بدون مراسم زواج زي ماهو معمول هالايام مع إن طبيعة زواجاتنا عادية ومافي تكلف .. ويقول إن هالمراسم ماهي إلا شكليات وخرابيط .. بس أنا رفضت وقلت ليش ماقلت هالكلام في الخطبة ولما الوالد شرط هالاشياء هذي عليك ليش مافاوضته وحاولت تكنسلها معه أو تكنسل الموضوع كله ماكنت مجبور .. قال مابغيت أكنسل الموضوع عشان هالامور وكان في بالي فلوس لي عند رجال ومتأمل إنه يعطيني .. المهم رجع البارح وطلب مني طلب كنت أحس إنه راح يطلبني هو بيوم .. الطلب هو : إني اسلفه50 الف وبيرجعها لي إذا قبض فلوسه من الرجال أو إذا تحسنت ظروفه .. طبعا أنا ما أقدر لاني باقي عند أهلي وحيلاحظو إن فلوسي نقصت قال أهلك مالهم دخل بفلوسك زي ما أنا مالي دخل .. بصراحة هالكلام عصبني وزعلني مرة .. عموما قعدنا نأخذ ونعطي وقالي أنا أقدر اتدين بس بيروح راتبي كله بالاقساط وبعدها تبين أعيش عالة عليك .. ونمت وأنا متضايقة مرة .. عموما اليوم جت في بالي فكرة قلت له تدين أنت وبعد مانتزوج راح أعطيك المبلغ تسد دينك وبعدين تعطيني ..
مدري ياجماعة هل طلبه مني عادي ؟
وهل إذا عطيته بيفتح له المجال بعدين إنه يطلب مني كل ما أحتاج؟
وهل فكرتي الاخيرة صح ولا لا؟
ارشدوني الله يجزاكم خير
__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..
02-09-2012, 11:48 AM
ضوابط المشاركة
العرض الشجري