رد : ايش الحل مع خياناته، علاقاته اللي ماتنتهي؟
لاني منشغله راح ارد عليكم في رد واحد في عدة نقاط
* أول شيء من ناحية العلاقة اللي بيني وبينه عشان محد يقول الخلل من البيت
علاقتنا جداً جداً رائعة، صح فيه مشاكل زي اي زوجين لكن تنتهي بالاعتذار والمسامحه
من الناحية الجنسيه ايضاً مافيه اي مشاكل، ويطلبني بكثره ماعدا فتره الحمل صار يقلل شوي لاني اتعب
* معاملته ايضاً رائعة، كريم جداً وحنون، اصلاً مايعاملني الا بالاحضان والكلام الحلو مو عشانه خاين، هو مع الجميع كذا، انسان طيب
عشان كذا انا ابغى اردعه، أأدبه، اشوف له حل، مو انفصل عنه خاصة ان فيه طفل في الطريق
* خياناته وكيف كانت المواجهه
اول خيانه، هي علاقه من قبل الزواج، بمريضه في المستشفى تجيه باستمرار
لما واجهته ارتبك، انكر وخرج من البيت، ماقدر يتحمل دخل في الموضوع خاله، كان خايف اتركه
رجع مغير رقمه، اعتذر، رحنا للحرم وسامحته
ثاني خيانه: جوال كان مخبيه في سيارته، هالمره حبيت افاجئه بطريقه غير
لما واجهته مادرى اني شفت جواله، على باله ان احد اصدقائه بالمستشفى قالي
انا استغليت الوضع، قلت ايه فلان كلمني !! حبيت اكويه
قال تكلمين فلان، قلت ايه وجاب لي خبرك
ليلتها بكى ، مانام واليوم الثاني تعب وتنوم بالمستشفى، بس عشاني كلمت فلان
ادري طريقتي غلط، لكن حبيت اعامله بمثل معاملته
بعدها هددته قلت شوف، لو اكتشف مره ثالثه شيء والله لاخونك !!
الطيبون للطيبات والخبيثون للخبيثات
اخترع قال لا، الا انتي لاا
بعدها اكتشفت خيانتين عن طريق جواله، المره الاولى اللي قالها انقلعي لاعاد تدقين، والثانيه مدري عنها
هذي سويت نفسي مدري عن شيء وسكت ولايدري اني دريت
بس !!
* اهله واهلي عمرهم مادرو ولاسبق وخرجت مشاكلي برا بيتي، لان نتيجتها فضيحه بس
لعدة اسباب: احنا اقارب واهالينا مع بعض، يعني مستحيل يسمحون لنا بالانفصال، يعني فضائح على الفاضي
غالباً يتدخل خاله وهو قريب منا واساساً هو من البدايه دخله، لكن طبعاً خاله يفهمه انه غلط ومن ذا القبيل بس مو يهدده ويردعه
* مستوى تدينه ضعيف، يصلي، بار بوالدينه
*سبب عدم حل المسأله هي طبيعة عمله، هو بالمستشفى ومختلط وكثير اللي ماتخاف ربها
هو ايضاً شخصيته ضعيفه وتتأثر بسرعه
بطبعه حنون على النساء والاطفال ويحب يخدمهم
اما اذا كان قصدكم خلل بالمنزل، احنا مع بعض جداً رائعين، اساساً احيانا يبتسم يقول انا انسان سعيد معك ومبسوط
انا انسانه متعلمه، وواثقه من نفسي، واعرف ايش يبي الرجال
يعني باختصار حياتنا حلوه وكل واحد ملبي رغبات الاخر
هو بس الحريم وعلاقته مع الحريم !!
* اللي يقولي تحبينه وتبين الحل، ولا بايعته
لا انا احبه، احبه كثير، وما كتبت موضوع طويل عريض الا ابغى الحل
هو اول شخص في حياتي، ولقيت منه حسن معامله لدرجه الترف
قدر يصير شيء مهم بالنسبه لي
كل اللي ابي وبالذات الرجال
لو كنتم مكانه، ايش اللي يردعكم ؟؟؟ ايش اللي ممكن يخليه يصحى؟؟
,,,,
انا احاول اقوي الوازع الديني عنده، بس صدقوني الموضوع مو بالسهوله
دائماً لما اذكرله قصص واشياء للعضه يتفاعل معها
ايضاً لما اواجهه او اناقشه، يشوف اني فعلاً صادقه وانه غلطان، ومايبغى يفرط فيني
22-05-2013, 10:50 AM
ضوابط المشاركة
العرض المتطور