هل الجن يسرقون - الصفحة 3 - منتدى عالم الأسرة والمجتمع

30-05-2013, 12:33 AM

أم خالد.

عضو مميز

تاريخ التسجيل: Oct 2011

المشاركات: 3,950

هل الجن يسرقون

سكنهم مساكنهم

اسعد الله اوقاتكم بكل خير اخواني واخواتي الاعضاء

وبسم الله عليكم من الخرعات و فالكم طيب من الفجعات

سؤال غريب يمكن , لكن انا بديت اتجنن مزبوط و قلت بدل ما انجن لحالي

اشارككم الحيرة مو انتم جماعتي

يا جماعه الخير بيتنا دائما يتعرض للسرقات وضياع الأموال

انا دايم افقد فلوس لي احيان ثلاثمية و احيان خمسمية و قبل فترة الفين

و اختفائها يكون غريب يعني مثلا مجهزتها بالشنطة عشان بعطيها لأحد

اختي بتروح تجيب اغراض او بطلع فيها للسوق اقوم افقدها فجأه ..

واختي نفس الوضع دايم تفقد ميتين ثلاث ... آخر شي فقدت 6 آلاف ...!!

و امي برضو اختفت فلوس منها وبالرغم من أن امي غرفتها بعيده عننا وحاطتها

بالخزنة و الخزنة برقم سري يعني مافي أمل احد يعرفه غيرها هي وابوي

ومع ذلك اختفت فلوسها .. و تقول انا متأكدة اني حطيتها بالخزنة ..!!

الصاعقة قبل اسبوع , عيالي نجحوا و جابو شهايدهم لأبويه و اعطاهم كل واحد

فلوس مكافئة النجاح و قلت لهم هاتو الحصاله نفتحها ونشوف كم فيها

عيو قالو لا نبغى نفتحها فالعيد مرة وحده .. و حطوا فلوسهم

يوم الجمعه كان عندي ترتيبات في غرفتي وغيرت مكان السرير و بعض الدواليب

و تذكرت الحصاله قلت بغير مكانها ,.

دورت عليها ما حصلتها , دورت دورت قشعت مالقيت لها آثررررر

يا قهر حقت البزران وين تروح يا ناس

و اقوم اقلب البيت قلب ... سألت امي و كلهم يقولون ما شافوها

علمت اخوي قلت يمكن عيالك يلعبون وطقوها معهم قال ما شفنا معهم شي

احترت بالمرة .. وين تروح بالله ...!

هذا غير المبالغ اللي يفقدها ابوي بعد فترة وفترة

والله شي يحير يا جماعه , آخر ما توصل له عقلي انو ممكن ذولاك بسم الله يعني

اخوي الكبير لما قلت له قال انقلعي بس بلا جنان

طيب انا مرة كنت اتفرج تلفزيون زمان و كان في شريط الشات واحد كاتب

ان الجن سرقت له مبلغ جامد حوالي 50 الف

انا تذكرت الكلام هذا تو لما زاد الوضع عندنا

وقبل فترة كنت اسولف انا وجارتنا و حكيتها عن الشي هذا قالت انتي

لما تخبين فلوسك على طول ادعي واستودعيها الله

داومت على الدعاء هذا و الحمدلله ما عاد ضاع لي شي

وشوي بديت أهمل وانسى سبحان الله , احيانا ارجع من السوق ومعاي في الشنطة تفاريق

يعني حدود الخمسين اجي ادورها ما القاها

الحين انا كثرت كلام و نسيت وش ابغى

ردوا علي ... توقعون الجن يسرقون ...!

طيب واذا كانو يسرقون عندهم بقالات و كذا يعني يصرفونها

اشتغل الخيال >

__________________

‏
الوعي هو الملاذ ..

أستغفر الله العظيم ؛
( الفردوس غايتي )

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 10:24 PM.

روابط سريعه