وه اشد ما تخاف البنت من الرجل البخيل
عشان كذا وضح لـ اهلك انك مو بخيل خذهم وسفرهم وعيش ع طبيعتك
بس لازم تفرفش معاهم وتناقشهم واذا رحت اي مكان تكلم عن يومك
كل هذا راح ينتشر خاصه اذا عندك اخوات عندهم بلاك 😁>> اذا وديتهم مطعم يصورون ويحطون بالبلاك وهيك
الله يوفقك وتنزل موضوع قرييييب انك ملكت يارب
وعليك بـ الاستغفار

__________________
سبحان الله وبحمده ** سبحان الله العظيم

ههههههههه
الله يجزاك خير

كلامك منطقي وجميل

الله يجزاك خير

وانا عارف هالطريق يا اختي بس متردد اجربه ما ودي اصير بدوامة مراقبة الناس

وشكرا علي دعائك

يعني يوم بتغير نفسك راح ترضي اهلك ووالناس؟؟!!!!ا
انت موب ملزوم تبرر تصرفاتك للغير الا لوالدينك وبسسسس ابصراحه الناس مايعجبها شي تتكلم في الغير اكثر مما انها تنظر لنفسها يعني يوم تبا ترضيهم يبالك ستين سنه جدام عشان تقنعهم انه الناس مخابر موب مظاهر بس شو بتقول اكثر من جي خذها نصيحه من اخت عيش حياتك مثل ماتبا موب مثل الناس ماتبا واترك عن سوالف سلفت ماسلفت وخل الطيبه الزايده ورى ظهرك الطيبه هالوقت سذاجه بنظر الناس الا ان حاب فعل الخير انصحك في هالحاله سوي خير وفره بحر لاتتريا المديح من حد وعلى الدنيا السلام

الله يجزاك خير

اختي كل عمري مطنش الناس لين اخذوا عني افكار سيئه ولا اهتميت لهم
بس المشكله حاليا جت عكسيه علي

الواحد لازم يمسك العصا من النص

والله يا اخي انا لاحظت انك تسقط الكثير على المجتمع
ولا تعترف بعيوبك
وقرات لك مواضيع بالإضافة الى هذا الموضوع
شعرت من خلالها بأن هناك شيء تخفيه
لو تكون صريح معنا يكون افضل حتى نقدر نساعدك

اللي بدا لي من قراءة مشكلتك ان علاقتك بأهلك مو بالقوة والمتانة اللازمين.
انت بنفسك قلت ان دمك خفيف ولكن ( ليس معهم)
انت ذكرت كيف دينت فلان وعلان لكن ما جبت سيرة شي اعطيته لامك
تكلمك عن نفسك كشخص اجتماعي لكن مو مع اهلك
الخلاصة في كلامك عن اهلك انت أدنت نفسك.

من واجبك تقوي علاقتك باهلك يا اخي
اقض معهم وقت كاف عشان يعرفوا انك اجتماعي وخيف دم.
اشتري لامك واخواتك.. هدايا عشان يعرفوا كرمك.

هناك مقولة تقول: افعالنا هي اللي تحدد من نحن وليست افكارنا.

__________________
نحن لا نبذل مجهودًا كي نبلغ عمرًا ما, بل نبلغه لأننا نبلغه وهذا هو مايحدث؛ لكننا مسؤولون عن أن نبلغه بما يليق به، أو على الأقل بذخيرة تليق به. * ليلى الجهني

مآينلآمون أهلك لو اخذوا عنك فكرة خطا
لأنك ماتعطيهم من وقتك
أغلب الشباب كذا برا البيت يفلها مع اصحابه او حتى لوحدة ومايخلي شيء ضحك وناسة وبس يرجع البيت ينقلب ويصير ساكت بس يبغى ياكل وينام حتى امه مآيسولف معاها
إذا عندك خوآت خذهم وطلعهم ومشيهم مو مرة ولامرتين كل ويكند طلعهم
اخوي لو يطلعنا ولو نص لفه عالبحر مآنخلي احد مانعلمه من الفرحة
عارف وش يصير بجمعاتنا يالبنات تجي وحدة تقول والله اخوي فلان الله يسعده امس ودآنا السوق وعشآنا في المطعم الفلاني اخونا هذا مايقصر معنا ابد تجي الثانيه تقول ياحظكم ودي انه اخونا كذا وكل وحدة بخاطرها تقول يارب انه زوجي المستقبلي
غير الفكرة عند اهلك وبتتغير عند الناس
ومنها أجر إنك ابسطتهم
ولآتتوقع إن الي يتصيع إنه مرغوب من البنات وإنه يتوفق بزوجة صالحة بالعكس ربك يمهل ولآ يهمل وبآقي فيه آخره وحسآب وعقآب يارب رحمتك
اسأل الله ان يرزقك من حيث لاتحسب ويحققلك مرآدك في هذا الشهر الفضيل يارب

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

والله يااخي معك حق
واقلك احيانا الاهل ياخدو فكرة معينة عن احد الابناء او البنات
بسبب دلالات معينة دون التقصي عن الحقيقة
ويصدقوها
وخلص يخلوها واقع وحقيقة يتعايشو معها ويصفوك بها !!!
شيء غريب من الاهل انو يكونو اهل و مش عارفين انو هما غلطانين ببعض الاوصاف !!
عموما اغلب الاهل هيك فلا تاخد في بالك
حاول تناقشهم وتقلهم كل اطباعك الحقيقية وانك بسيط ولا تسعى لاظهار كل شيء
وفي النهاية المهم انك مبسوط و مقتنع بنفسك وربنا يهدينا ويهديك

__________________

معك حل واحد الثقه ثم الثقه ثم الثقه بالنفس
تاكد ان من راقب الناس مات من الهم
ناظر نفسك بعين الرضا راح تلاحظ كل شي مختلف بعينك
اسمحلي لاتناظر لنفسك بمنظور هذا يناظرني بمنظور كذا وهذا وش يخكي او يقول عني لاتكسر بنفسك وخاطرك
لان النفس اذا اعتادت تنكسر ماعاد ترجع ثاني تنضبط
انتبه لنفسك قبل تروح منك ولاعاد ترجع
داري خاطرك دامك عارف وش حكيت وشهي وجهة نظرك
خذو بها كان ماخذو هم احرار مشكلتهم ماهي مشكلتك
تصالح مع نفسك وراح تناظر الدنيا بشكل اخر