هلا بأنثى

والله وانا أفتقدكم كثير ووحشتوني،،

ومالي بعد الله غيركم الجأ وافضفض له،،

قلتيها يا أنثى،، وانا بنت كنت بأصرف على نفسي،، طيب ليه تزوجت واش الفرق اللي صار ،، كان ظليت

في بيت أهلي اصرف عليهم أولى ،،

وقلت له سلف،، أحس كذا تغير وجهه ،، أجل أيش يالحبيب هي سايبة أعطيك فلوس كذا بلوشي، بأمارة ايه

المشكلة دوبنا عرسان وما عرفت خيره من شره، ومدري هو يستحق أصلا او لا،، بس اللي مهون علي الشيك اللي مسكته عليه،، في حال لا سمح الله صار شي يكون عندي ما يثبت انه استلف مني،،

وبالنسبة للطلاق أعوذ بالله، ان شاء الله ما توصل الامور لهذا الحد كل مشكلة ولها حل،،

حياتي أقصر من اني اقضيها في تجارب متكررة ،، ابغا استقرررر،،

بعد قراءة موضوعك أستنتج أن زوجك
طماع واستغلالي ويستنزفك
رتبي أمورك المادية مع اهلك بعيدا عنه
ضعي عند اهلك صرافتك وكل فلوسك
نصيحتي لا لا لا تعطيه حتى لو شفتيه يشحت.
(هذه خلاصة تجارب سنين عمري،،،+ تجارب الكثيران ممن أعرفهن)

أنا من رأيي انك لاتعطي ابوك وماتعطي زوجك .. هذي صعبه يا اختي

حنا لسنا ملائكة .. بالنهاية هذي ضريبة الزوجة الموظفة وانشغالها بدوامها عن بيتها وزوجها ..

وفي المقابل زوجك ماله غيرك .. هذا زواج مو لعبه .. يحتاج منك زوجك وقفاتك جنبه .. ولو ما كان محتاج ماطلبك ..

لاتنسي قول المصطفى علية الصلاة والسلام عندما قال تنكج المرأة لأربع وذكر منها لمالها)
ماهو عيب انه يطلبك ومو حرام انك تعطينه ..قدامكم حياة طويلة .. والحياة الزوجية اذا دخلت فيها حسبة المادة خربت كل شيء..

بالتوفيق

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ما في بشر يثبت تحت سطوة المال الا من رحم ربي،،

هو محتاج وشاف القرض وما قدر يقاوم عاد،،

وتووووبه خلاص بعد هالمساعدة مستحيل ابدًا ولا يمكن أساعده ،، وبظل محتفظة بالشيك حتى يرجع لي الدين..

ومن اليوم ورايح ما رح أرتب أموري المادية بمعيته،،

ومو شرط يكون زوجك طمعان فيك .. انا مثلك موظفة .. وراتبي اضعاف راتب زوجي .. لكن وقفت معه من اول زواجنا .. ولنا الحين 7شهور والحمدلله .. ما خاب ظني في زوحي .. اذا صار معه اكرمني وما بخل بشيء .. واذا احتاجني وقفت جنبه .. وكتب على نفسه شيك مفتوح من هفسه انا ما طلبت شيء .. قالي خليه معك الدنيا حياة وموت ..

صدقيني اذا زوجك يستاهل وخلوق وطيب وحنون ويخاف الله فيك ويحبك اكرميه .. واوقفي جنبه .. بتكبرين في عينه .. وما تدرين وش يصير في الدنيا يمكن ظروفه تتحسن ويقعد شايل هالشيء في خاطره العمر كله ... وش بتفيدك الفلوس فيه وقتها

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أصلا احسه مقهور من فكرة اني اخذ قرض بهالحجم لأبوي ، وانا لجأت له بعد الله لان مافي غيره يقضي مشاوير البنك وخلافه، وابوي ماودي يدري لاني بفاجئه،،

اوكي هو زوجي وع عيني وراسي ما قلنا شي، بس انا خايفة بكرة يتعود وهذا معروف من تجارب الكثيرات،،
وانا يا اختي تزوجته وانا بإجازة يعني الى الان ما داومت وطلعت من البيت وقصرت عشان ادفع ضريبة الخروج،،

وصراحة انا مدري ليه كذا تفكيري ،، بس أحس انه الرجال يبيع خضار وفواكه ولا يطلب من حرمة أحس عيب



وش أسوي لا تلوميني من كثر القصص اللي أسمعها صرت أخاف ، ودوبي في بداية العلاقة ما لحقت اخذ فكرة عن زوجي اذا هو ثقة او لا وان شاء الله يكون قد الثقة ،،

للتو تناقشنا في الموضوع،،

سألني:
اش قلتي في الموضوع اللي كلمتك عليه؟

قلت له دور احد يسلفك انا محتاجة الفلوس عشان أوفر للإقساط

قال والله مالي مخرج بعد الله إلا انت، وقعد يحكيني عن ظروفه من بداية الزواج

ووعدني يرجع الفلوس اول ما تتوفر معاه،،

وهو حاليا ما معاه الا عشرين ريال

انا عارفة البير وغطاه وعارفة انه محتاج.

لكن اش أسوي بنظريتي اللي تغيرت من يوم ما بدأ يطلبني

بالنسبة للحقوق فهو قايم فيها على أكمل وجه ولله الحمد، ويراعيني في شغل البيت

وطيب معي ، بس إبليس صور لي كل تصرفاته الخيرة انها جسر للوصول الى رضاي

من اجل المال،،

__________________
ربي احفظ لي ابنتي ..

عندي احساس ان زوجك على نياته

ولا ماكان طلبك من البدايه اصلا

واللي على نياته اكيد انه طيب قلب ويحب بسرعه

من رأيي ساعديه قد ماتقدرين واحتسبي الاجر عند رب العالمين

وبنفس الوقت كوني حريصه بعض الشي والله يوفقك بحياتك يارب

__________________

وهذا اللي طبقته بالضبط يا وابل،،

لا إفراط ولا تفريط

ساعدته بس بحرص وتوثيق،، كمان انا ما أتحمل أشوفه محتاج،، مع اني كنت أتمنى اني أبادر بالمساعدة من غير ما يطلب،،

صحيح تذكرت،،

مرة كان مديون بثلاث آلاف حاولت معه ياخذهم مني بس رفض،. هذا في بداية الزواج

مرحبا معالي، أتمنى تكوني بألف خير أختي الفاضلة.

ماشاء الله سعيد جداً أني أقرأ اهتمام زوجك فيك وعدم تقصيره وحرصه عليك وتفهمه لك، وهذه نعمة رائعة ضعيها في بالك ولا تجعلي بعض الأمور تنسيكِ إياها، كما أنه يجب ألا تتيحي للشيطان فرصة بأن يجعلكِ تترجمين تعامله الطيب معك بأنه للوصول لهدف آخر، فلئن تخطئي بحسن الظن أفضل من أن تجدي نفسك مخطئة بسوءه، حافظي على الروح الجميلة بينكما والانسجام الرائع، وفقكما الله وجعل حياتكما رائعة ورزقكما الذرية الصالحة، وكما قلت لكِ سابقاً لايوجد إنسان كامل، كلنا فينا من النواقص الكثيرة والكبيرة ولو لم يتحملنا شركائنا لما جلسوا معنا لحظة واحدة.

بالنسبة للمال، لعلي قلت لك من قبل أنه يجب أن ترسلي له رسالة أيام الملكة بأن لايحاول التفكير بمالك ولكن ربما لم تتح الفرصة لك، عموما مالك هو ملكك ولا حق له عليه إلا إن جاء من طيب نفس منكِ، ولكن مبدئياً يفترض أن يتفق الزوجان على كيفية صرف المال فيما هو في صالحهما وصالح أسترهما، بشرط ألا يبخس أحدهما الأخر، وإذا كان ليس لديه القدرة على التصرف في المال فيجب أن تقودي الدفة أنتي.

هناك نقطة مهمة جداً يا معالي وهو حاولي ألا يكون المال سبباً لظهور بعض المشاكل، حاولي أن تستلي فكرة حرصه على مالك "هذا إذا كان حريص فعلاً" من ذهنه بدون أن يكون لذلك آثار جانبية.

أتفق معك أنه ربما يكون غير مناسب أن يطلب الرجل من زوجته بهذا الشكل، لكن ربما أصبحت الميانة بينكما كبيرة جداً مما جعله يطلب منك بصراحة، أنتي الآن بحاجة إلى منهجية واضحة ورسائل صريحة لكنها لطيفة بأن المال يفترض ألا يفكر به، وأنكِ مستعدة أن تفديه بمالك، لكن بالمعقول وبالحاجة، لابد أن يعرف وضوحك في مسألة المال وأنكِ تعرفين أن تديريه جيداً ولكِ منهجية فيه، من الضروري أن يعرف أنه يجب ألا ننزل إلى مرحلة المال، نعم مالي هو مالك بشكل عام بما أني زوجتك، لكن هذا لايعني أني سأكون دائمة الإنفاق عليك، يكفيك أني لن أسألك عن ملابسي وأغراضي الخاصة، حاولي أن تعودي نفسك وتعوديه أن تعيشوا ببساطة وأن يقوم بجزء كبير في متطلبات البيت وغيرها، أسأل الله أن يسهل لكم أموركم ويرزقكم البصيرة.

__________________
ياصبحِ لاتِقبل !!
عط الليل من وقتك..