لاتتشام يااخوي ترى الناس مشغوله اصبر شوي بس عقب مرخوص ومعذور باللي بتسويه

والله يا اختي بنت ابو ظبي والله ثم والله اني اعيش عيشه لايعلمها الا الله ... حسبنا الله ونعم الوكيل ..احس بالضيق وتعكر المزاج والاكتئاب والوحده قاتله قاتله قاتله ..!! صحيح عندي اصحاب وروحات وجيات وتمشي وزملاء بالدوام واشغال اشغل بها نفسي واشغال ملزم بها لكن للأسف بدون أسرة ترجع لها بعد هذا تلقى قدامك امك او ابوك ابو زوجتك وعيالك صدقيني وصدقوني لن يحس الانسان بالاستقرار والطمأنينه والراحه نهائيا... احس بفراغ كبير في صدري ...يارب رحماك يااارب... كل يوم ارجع لبيتي القاه فاضي خالي مافيه الا انا ..!! حسبي الله ونعم الوكيل اللهم لا اعتراض على قدرك اللهم لا اعتراض...

هونها يااخوي وبتهون وخذ العبره مني انا بنت وانت رجل وعارف قوه البنت نص قوة الرجل الله يشهد اني قبل لااحس بشعورك عايشه على هالاحساس كل يوم مولود فيني.. الفرق يااخوي شي واحد انا لحقت اجمع ذكريات طيبه مع اهلي وانت مالله قدرلك بالطيب في حياتك .. التعب فيني حمل جبل على ظهري..حمل ثجيل القدر حملني اياه في يوم وليله ..
البيت خالي يااخوي لاحس ولاروح فيه الاخوان في صوب وخوات الله العالم اان كانن مرتاحات مع ازواجهن او لا واب ربي يحفظه عايش لعمل الخير ودنياه الباقيه ومتناسي وجودنا.. كبرنا صحيح اعتمدنا ع انفسنا ماانكر هالشي لكن نظل اطفال من داخلنا بحاجه لان نتوسد روسنا على حضن من كان لنا حضن وامان في يوم..
بتلقاها يااخوي بأذن الله بتلقاها .. وبيقولووون كااااان هناك شاب يتيم وصبر والله عوض صبره خير.. اصبر يااخوي ولاتخلي الطامعين يطمعون فيك الناس مافيها خير هالوقت..

الشكر موصول لكم جميعا وجزاكم الله عني كل خير. ...


كلمت ابوها اليوم ورد علي كوفحصنده ظرف وتحمدله بالسلامه وقلت له الموضوع بعد ماسلمت عليه وطولت بالسلام ان كان فيه قبول ولا اشوف وضعي طبعا قلتها باسلوب وهو يقول انا من عندي والله موافق لكن مابعد قلت للبنت الى الان! !!!! قلت اسمعني لاتستحي مني الموضوع هذا مافيه حيا اذا فيه قبول الله يوفق وان ماكان فيه قبول الله يوفق ايضا علمني واسالني واي شي تبيه انا كتاب مفتوح قال انا اعرف ابوك وكان رفيق لي ونعم الرفيق و...و...الخ قلت الله يجزاك خير بس لاتستحي مني قال انتظر لين اكلم البنت والله يسهل ولاعليك ابد انا من عندي ابشر بس بكلم البنت .. قلت.ابشر وانتهت المكالمه

عاد متى الرد مادري والله ان مارد لي خلال اسبوع بتوكل على الله وادور لي بيت ثاني....

الحين ابو البنت يقول لك انا موافق بس بناخذ راي البنت
في احتمالين
ان يكون كلامه صحيح وبهذي الحاله لازم تنطر جوابهم
او انهم رافضين سواء من طرفه او من طرف البنت ويبي يرفضك برد طيب ومحترم ولا عطيته فرصه يجاملك والمفروض تتظاهر انك مصدقه
بس المشكله انك ما مسكت نفسك وقعدت تسأله كأنك تكذبه يا اخي طوف واصبر واثقل
منت واثق من نفسك !
ترى شكلك غير مقبول وانت تركض ورى سؤالهم وملزم بتعرف جوابهم طلعت بمنظر غير مقبول
ومستغرب تقول ردوا لي خبر والا بشوف وضعي !!
ليه انت لاقي بنات كثير وحاطهم على قائمة الانتظار من بنت الى بنت يبيلك مدة اشهر على حسب التوافيق والا بنت وخلاص
مجرد طريقتك واسلوبك كفيل ان يكون سبب لرفضك

حسيت فيك بصراحه وانت صادق الوحده تقتل ، استخير الله وكل امرگ لله م بتندم اذا فيها خيره ربي بييسرها اذا شر ربي بيصرفه ، الله يوفقگ ،

السلام عليكم ورحمة الله وبركاته..

الله يفرج همك ويشرح صدرك

رجل بلا مدينة
بما ني بنت اتوقع ان الاب موافق والبنت رافضة
والرفض قد يكون خوف او تردد او قلق او...او.. من دلع البنات والاب يبي فرصة عشان يقنعها لانك عاجبه
لو انهم رافضينك رفض قاطع ماجاملوك هالامور مافيها مجاملة خصوصاً اذا الرفض جاي من الرجال
توكل على الله وادعي بالخيره
احينا نتمنى اشياء بكل قوتنا ثم نندم انها حصلت والعكس بالعكس
ادعي بالخيره
وبالنسبة لرد الاخ بدوي
بالنسبة لي كبنت لو شفت اصرار شاب علي بنبسط وبحس انه جاد وشاريني
وبالعكس هالشيء يخليني افكر فيه بدل المرة الف
يعني تصرفك سليم مية بالمية
يمكن الكلمة اللي قلتها ( اذا مافيه نصيب اشوف غيركم) يعني هذي اللي اخذتها عليك
لكن بما انك تقول اني جبتها باسلوب
اذن مافي مشاكل ان شاء الله وراح يفسرونها بانها وضوح من طرفك وجدية (رجل مايحب البربسة )
موفق والله ينولك ماتمناه ان شاء الله

اخوي هذي خطبه مو لعبه بتاخذ وقت وفيه ناس شهر
انت مطلق والمطلق الناس تتحذر وتسال عنه اكثر
الله يوفقك

شكرا لكم جميعا وجزاكم الله خير... اتصل علي قبل العيد بيوم اخوي وكلمني بخصوص الموضوع وقال اني كلمت ابو البنت والرجال ماعنده مانع ولكن قال اصبر الى بعد العيد وابشر بالخير بكلم البنت لاني مابعد قلت لها شي وانا الاسبوع الي مضى عندي ظرف وكذا ....الخ

والله يكتب الي فيه الخير يارب ....

لاتنسوني من دعائكم فأنا لم انسكم ....