الله يعوضك باخير ويعوض الجميع

بعض مرات وانا اقرأ معاناة المطلقات استنكرها بشدة

مااحس كل شي صار لي زيهم

ماتعلقت معي وﻻ ذكرى خاصه فيه

ماعمره مر على بالي ذاك الآدمي

صح بعض مرات احلم فيه لكن ما اهتم ابد وﻻ افسر نهائي

بديت احس اني غريبة ، ماني مطلقة زيكم


طيب ليه أنا كذا ...!!!

__________________

‏
الوعي هو الملاذ ..

أستغفر الله العظيم ؛
( الفردوس غايتي )

الله يعين
ببدى ادور مكان لتاجير الفستان
والمكياج انا قاعده استخدمه بس العطور وزعت كثير منها
االله يعوضني يارب
عندي لكم سؤال
انا لي حق نفقه عند زوجي
تقريبا عشر الاف ريال وقالي ابوي تبغيها روحي اخذيها من المحكمه بس اجراءاتها تطول
ولازم ارفع قضيه ومشوار والاصعب احتمال اشوف طليقي
شرايكم ارفع قضيه ولا اخليها

خليه و انسيه اختي

مافي داعي تفتحي جروحك علئ نفسك

وقتها أموال الدنيا ما راح تفيدك

يمكن تشفي غليلك

و اذا يعني شفتيه وش بيصير ...!!

عادي تراه زيه زي هندي البقاله ما يعني لك شي

الا اذا تبين تخلقين لنفسك جو ضيقة هذا شي ثاني

يا شيخه شوفي نفسك و فلوسك

بعدين عادي خليها تطول اهم شي تاخذين حقك كامل

ارفعي قضية و انسييييييها ، متى ما جا وقتها بتستعدين

ﻻ تضيعين لحظة من عمرك تفكرين بشيء ما يفيدك

فيه إصدارات حلوة للدكتور صﻻح الراشد ياليت تسمعينها بتعجبك حاسة

طلي عليها باليوتيوب انا الشبكة عندي سيئة وﻻ كان دخلت و جبتلك


اكثر من رائعه .ﻻ تفوتينها ع نفسك مبتعثة

__________________

‏
الوعي هو الملاذ ..

أستغفر الله العظيم ؛
( الفردوس غايتي )

انت من صجك بترفعين قضيه خصوصا بهذا الوقت !
ما عندك اولاد منه ودخلتك للمحكمه ماهي على سنع
وسكتي كل هالمده بعدها تكلمتي معناها انك منقهره وتفكرين فيه
وراح يشهرون فيك ان راعية محاكم وتنقلب عليك ومحد يقرب لك ويطق بابك

وبالنهايه كلها 10 الاف يا بلاش !! راتب شهر واحد !
والله ما تسوى غير خساير المحامي راح تتعبين نفسياً

ياجماعه انا طليفي مايعني لي شي كلها
انا ازعل على احساس الامومه والرغبه بالاستقرار
بس طليقي مابيني وبينه شي
الي ردني من اخذ حقي مع انه المفروض اخذه طليقي مادفع شي بحفله الزواج ولاشي
الي ردني شئين امي مو راضيه تقول لاتدخلي محاكم خاصه ماعندك اطفال تبغي نفقتهم
ةثاني شي اخاف يتكلم طليقي ويكبر الموضوع عند الناس ويقول فلانه رافعه علي قضيه
وشوفته جد ماابغاها ام خالد هندي البقاله ماغثني وظلمني اخاف تنفتح كل جروحي
الي مفكره اسويه اعطي محامي فلوس يتكفل بالقضيه وياخذ حقي منه بدون مااحضر
هالمبلغ يفترض ان طليقي يسلمه لابوي واهلي تعويض لي بدون ماارفع قضيه
خاصه ان هو الي طلق وسعى بالطلاق

الجروح ما تنفتح بشوفة انسان الا اذا كنت ماتخلصتي منها تماماً .

بتدفعين لمحامي يتكفل و المحامي كم بيكلفك ﻻ تتوقعين قليل انا مرة سمعت ابوي يقول دفع 30 لمحامي


القرار بالنهاية لك اذا شايفه انك منتي رايقه لدوشه زي كذا خلاص وشهي تراها عشر الاف ما تسوى

خليك على شور امك ازين

__________________

‏
الوعي هو الملاذ ..

أستغفر الله العظيم ؛
( الفردوس غايتي )

إذا كان اللي رح تصرفيه عشان تستجدي هالمبلغ مقارب للعشرة آلاف
مافي داعي له اتركيها واحتسبي الأجر
وإذا كان اللي رح ينصرف قليل جداا مقارنة بالمبلغ خذيها حبيبتي تفك زنقة عشرة مو شوي
بعدين حبيبتي حتى لو شفتيه بالأخير هو كان زوجك ويمكن حتى ماتصادفيه بالمحكمة
يمكن تصادفيه بأماكن ثانية فخلي الوضع طبيعي

موفقة

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

انا مو رادني اﻻا كلامك يابدوي
مع انه حقي
بنصل بالمحكمه اذا يقدرون يخلصونه من عندهم كان بها اذا لا ولازم مشاوير واوراق بخليها بذمته