و الله يا كنافه

مدري ايش اقولك

تبغيني اغشك

ممكن اغشك

بس راجعي نفسك

مافي رجال من اللي في بالك

الله يريح بالك

اعطيه اللي يحتاجه من الثقه و التقدير

و ربي يكرمك

__________________
[img]http://im78.***********/FRd0Bi.jpeg[/img]

انا من رايي تاخذين الموضوع بجديه لان حياتكم اتخذت منحى خطير جداً،، روحي وقوليله انا ماراح ارجع لك زي زمان لحد مانشوف مستشار اسري يشوف لوضعنا قوليله انت تشوف الجحيم اللي عايشين فيه وانا ما اقدر اكمل لازم تغير من طريقتك معاي ،،حتى الفراش ماتشبعني ش فايدة الزواج بالله عليك...اجلسي معاه وبيني له كل شي مضايقك منه حتى لو تجيبين ورقه وتكتبين فيها كل اللي بخاطرك وتعطينها ياه

ابحاول اسعى بموضوع المستشار.. لعل وعسى يفيد
رغم انه سبق ورفض بشكل قطعي تماما

هلا كنافه طولتي والحال على ما هو عليه
انا مع ابو مريم والخاله بيتا
محتاجين استشاري يشوف الخلل وين
زوجش واضح يخاف من الاستغلال ويشك بأنش راح تستغلينه
فعشان كذه يصد عنش وما يبوح بمشاعره واحتياجاته يعتبرها ضعف
عقده نتيجه تربيه خاطئه وهو على فكره تعبان ومتعبش
ما هو قادر يترك الافكار القديمه المترسخه في عقله وفي نفس الوقت
خايف يخسرش وبفقدش ومو عارف شو يسوي وكيف يرضيش
وفهمت الحين ليش يقول عنش نكديه لانش ما ترضين بسرعه
هو يبيش مثل امه تتنازل وترضى وتسامح من غير مقابل ولا شروط
والدليل ( مصيتي دمي )

__________________
وهل من مصير اخر ؟

كوكي والله ردودك تبهرني وتحسسني وكأنك عايشه معنا
فعلا هو متخيل اني استغله ودايم يقول هالشي وانا مو فاهمته
واذا اهاني وجرحني هو يقفل على نفسه ويمنع نفسه من اصحابه
ووقت مايراضيني يحلف انه كان يبكي وكان مقهور وزعلان
لكن مستحيل يقول انه ندمان.. يقول لي مثلا: انتي السبب
يحملني مسؤوليه تصرفاته المهينة لمجرد انه شك بتصرف تافه مني


موضوع التنازل بسرعه هذا جربته معه وبشغلات كبيره
وهذا ارخصني عنده كثيييييير وصرت بعينه وحده تافهه
ولاحظي لما قلت له ما ابيك وصديت عنه صار يركض وراي
هذا شخص جدا جدا متعب
وبكل مره اتخيل نفسي فهمته القاني ارجع من الصفر


الان انا جالسه افكر بنفسي
ترى حتى نبره صوتي معه فقدت ذاك الحنية والدلال
صرت اتكلم معه زي ما اكلم زميل عمل او بائع بمحل
جلستي عنده تغيرت.. نظرتي له تغيرت
اهتمامي ببيته قل.. جلوسي معه قل
كلامي معه صار بالضروريات بس
كل هالاشياء صارت غصب عني ما مثلتها ولا ادعيتها

كنافة هل مازال عندك شك ان زوجك عنده ضعف ?

ما ادري والله
لما كنت اتوقع عنده ضعف كنت مرتاحه وراحمته وعاذرته
لكن بما انه يقول يشوف كل النساء اناث الا انا.. فهذا شي ثاني

رجل في عز شبابه لا يصبر علي العلاقة شهر و اكثر و زوجته معه في البيت
الا اذا كان مكتفي بطريقة ما
و بما انه قلتي انه ليس لديه ما يريب في هذه الناحية
فما تفسيرك لعزوفه عن العلاقة

ما ادري وسبق ناقشت هالموضوع هنا ومعه ومع مستشار
ولالقيت اي رد منطقي ولا شي معقول او مبرر


هو مالمسني طول حملي.. يقول الكرش يقرفه
ولدت وبعد النفاس مالمسني بسبب ربكه البنت وتقلب النوم
كبرت بنتي وصار مايلمسني بحجه انه يتذكر مشاكل صارت لنا زمان بأول سنة زواج

وصار بكل خلاف يعلق شماعه هالموضوع
يعني مثلا طبخت شي غير اللي بباله
يقول ضمن الكلام: عرفتي ليه انفر منك وما اشتهيك؟ لانك ماتفهميني!

وهذا هو مواله الدائم والمتكرر
بكل مشكله يقول انتي مو انثى او مافيك ذره انوثه
ويحطم بشكلي واسلوبي وكل مافيني
حتى وصلت معه انه يهين جسمي وملامحي وشكلي
فصرت نفسيا مو متقبلته.. وهو ارتاح مني
لان رغبتي تجاهه ماتت.. وبنفس الوقت احساسي تجاه نفسي صار دوني


عموما موضوع الجماع والفراش مو مهم ولا له حل
الاهم هو الاحترام وانه يكف لسانه البذيء عني
لاني وصلت مرحله ماصرت اتحمل منه اهانات اكثر
صحيح اني طلبت الطلاق ورفضه باصرار
لكن اخاف الموضوع يتطور اكثر وبكرا من قهري اذبحه
لانه هو تخصصه بالحياه انه يقهرني ويهيني بصورة اجراميه
هو جدا شاطر بهالموضوع

لو استبعدنا موضوع العلاقة و ما صارت مهم بالنسبة لك وجودها او عدمه
تبقي امامك شخصية زوجك مجردة :انسان عصبي ,مزاجي ,جارح و قاسي و لسانه بديئ يفجر في الخصومة
مقابل ذلك كريم قايم بواجباته واب جيد
اذا اجابياته تشفعله عندك و انه وضعك انت و ابنتك معاه احسن من وضعك في اي مكان ثاني (اهلك او زواج اخر في االمستقبل)
فاشوف انه ممكن التعايش معه بشرط تتخفي من الحساسية و التدقيق علي كل ما يقوله و أخده علي محمل الجد
ساعود بعد تعليقك