كلامك صحيح وبقولك نقطه زوجي مايحب هالأشياء لاني اعرف وش يتابع اهتمامته كلها كوره وسياسه وبس يعلق على النسوان اذا كنت انا حاطه برنامج او مسلسل يعني الغلط راكبني انا .. لكن مايحق له انه يتمرد بالمزح .. انا صارحته وتفاهمنا وقال مافيه مزح مره ثانيه والله كريم

زوجك مزعج

الحل
اطبعي الكلام اللي كتبتيه لنا بس وجهي الكلام له
قوليله عندي مشكله بكتبها على ورقه ابغاك تحلها لي
وخليه يقرى
لما يقراها حيشوف حجم التفاهه والازعاج اللي قاعد يعمله فوق راسك

__________________

اممم لفتت نظري سلبية واحده وهي سمنته الكبيرة ...

من هالنقطه ممكن اقدر اقولك ان حركات زوجك يمكن نابعة من قلة ثقته بنفسه؟ ممكن سؤاله المتكرر لك يبغي منه يحس بانه مقبول؟ بانه انسان يغار عليه ويستاهل الغيرة ؟! ،، بعض الاحيان او بعض الاشخاص اذا غير متقبلين اجسامهم يحسون بالنقص في وجود الطرف الاخر اللي ممكن يكون عكسهم .. بالتالي يحس نفسه كانسان مايستحق الغيرة؟ او الحب ؟ ويقدر يربط هالاثنين ببعض والسبب؟ احساسه بعدم ثقته بنفسه وبجسده او بشكله فلازم دائما يحس بالقبول وبالرغبة من الطرف الاخر حتى وان كان بشكل مفررررط جداا ...

بمرة من المرات جانا مريض بهالحالة واللي تتكلم زوجته ،، الرجل بمجرد انه تابع مع استشارين تغذية ، جراحة و نفسي .. انقلب وضعه و قلت حركة لفت النظر والازعاج اللي كانت تعاني منها زوجته و بما اتذكرها دائما ما تناديه طفلي! تقوول انا فعلا احسه مثل الطفل ولازم اعطيه سكاكر كل وقت!

الحل ،، صارحييه بجلسه هادئة اسئليه عن سبب فعله ؟؟ هل يحس بنقص معين؟ هل يحس بعدم الحب من قبلك؟ هل وزنه هو السبب ؟ واذا لا فشنو السبب الحقيقي لاحساسه المتواصل بفرض غيرتك حتى بغير وقتها ؟؟؟

هذا الي انا لاحظته وفهمته ان المشكله هذي كلها من سبب سمنته لانه له فتره يناقشني بموضوع ربط المعدة وجالس يفكر بالموضوع .. لكن انا متعجبه من نقطه انه يشوف نفسه وسيم وهو فعلا قبل ما يسمن كان وسيم لكن بعد السمنه راحت ملامح الوسامه لكنه يكابر ويقول ان اي وحده تشوفني رح تعجب بوسامتي طبعا هذا كله عشان اغار واسوي فوضاء ويستمتع هو .. وبعد اشوف انه نقص لانه يحس بانه لم يملى عيني .. انا احبه وعاجبني ومالي عيني فعلا صفاته الايجابيه غطت عالسلبيه .. والسلبيه مع الوقت رح نتغلب عليها وصح ابيه ينحف لكن ماكنت اتوقع ان كل هذا يطلع بسبب السمنه .. هو ماقالها بلسانه لكن هذا الي اتضح لي .. ومن كلامكم عرفت ان الحل بسيط وهو ازيد من جرعة الغيرة والكلمات الحلوه الرومنسيه حتي ازيد من نقص ثقته بنفسهوجزاكم الله خير جميعا على المشوره
وبارك الله لي ولكم في رمضان وفي العشر الاواخر وجمعنا واياكم في اعلى الجنان وكل عام وانتم بخير

احنا تصارحنا وفهمته كيف ان الموضوع صار مزعج ومقلق وصرت اكره الجلسه معه اول شي
قال انتي حساسه وانا طبعي مزوح .. قلت ماعندي مشكله خلك مزوح بس مو المزح هذا الي يكره الواحد بعيشته .. واتفقنا ان لامزح مزرن بعد اليوم

طليقي كان يسوي مثل زوجج

وكنت اسوي مثلج اتغزل برجل خيالي من مخي وكان نفس زوجج يعصب ويصدق

باللخير قمت اقوله سو اللي تسويه ما همني

حسسته باللا مبالاة

__________________
لا اله الا انت سبحانك اني كنت من الظالمين

هل كان هذا سبب الطلاق فقد اجيبي بنعم او لا

وجهة نظري اتضحت اكثر لما عرفت انه خلل نفسي ونقص بالثقه ومستعده اعين واعاون عشان ما اخسر زوجي

قرار إنقاص الوزن , لازم يكون قرار ذاتي , حتى لو كان السبب غير مُقنِع

إذا كان دافعه لانقاص الوزن كلام الآخرين , لن يستفيد شيئا لأنه سيعود لوزنه السابق إلا من رحم الله ,

أنتِ ممكن تبدأين معه , بالأكل الصحي , ثم تطلبين منه المشي مرة كل أسبوع أو مرتين , واجعليه يعرف أنكِ تقومين بذلك لأجلك أنتِ لا لأجله هو , ويا حبذا يكون المشي في أماكن مُخصصة للمشي ليرى الناس وهي تقوم بهذه الرياضة , بهذا الفعل سيتحرك داخليا هو حتى ولو بعد حين ,

وفقكِ الله

__________________

اخي تتوقع مني ماسويت كل هذي الاشياء سويتها واكثر لكن مافيه فايده يستمر اسبوع ويوقف
فيه كسل مو طبيعي لدرجة اني اخترت شقة جنبها على طول النادي الصحي حتى مايحتاج يروح له بسياره
ولا فاد ..هو الحين مقتنع انه ينحف لكن كسله يمنعه وله فترة يتكلم عن قص المعدة بس للحين ما جزم
وانا اشجعه باي شي يقوله عشان ينحف رياضه او اكل صحي او عملية بس ما افرض عليه رايي بس مجرد تشجيع لان العملية صعبه والراي الاول والاخير له .. والله يعين

شكرا لمشاركتك .. الحمدلله فهمت وجهات نظركم وعرفت العلة من كلامكم الله يجزاكم خير جميعا على ردودكم وتعليقاتكم الي ساعدتني والله الف شكر للجميع والله يتقبل منا ومنكم صالح الاعمال ..

اتمنى ان يغلق الموضوع شكرا .

اختي الكريمه
ما شاء الله
اعجبني فيك حبك وتقديرك لزوجك والحرص على ان لا تظهري عيوب زوجك لاهلك وصديقاتك
وحرصك على كسب زوجك لا خسارته

بارك الله فيكما

اختي نأتي الان لموضوعك
في البدايه انتي تنزعجين من مزح زوجك وليس غيرتك هي السبب

لانك حتى الان لا تغارين عليه وهذه هي الحقيقه
فقط لا تريدينه ان يتجرأ على فعل ذلك ويحترمك


وزوجك عارف وفاهم كل ذلك وسيظل يزعجك هكذا

طيب والحل

باذن الله سهل

عندما تشاهدون التلفاز دعي الريموت في يدك انتي
واختاري المباريات
واذا اختار اي قناه في فتيات غيري القناه من تلقاء نفسك قبل ان ينطق وهكذا

ابدي انتي بالغيره
ولا تنتظري يتكلم حتى تردي علي وتبالغي

بل بالغي من الان وتقمصي ذلك حتى ترتاحين فيما بعد وحتى يستعيد زوجك ثقته بنفسه

مثلا في السوق

قولي اوه هنا متبرجات رجاء اخرجني من هنا بسرعه وهكذا ابدئي دايما انتي

نعم سنتعبك معنا ولكن لراحتك انتي حتى لا تزيد حالة زوجك

دعواتك لنا في هذه الايام ان يشفي الله ابنتي التوحديه ومن يقرأ ردودي
بارك الله فيكم جميع ووفقكم