تكفوووون ساعدووني....ياأهل الفزعات...

الواضح ان زوجك شخصيته شمالية اذا كرهك نزلك للحضيض وإذا حبك عيشك اطلق ملكة
هو يحب نفسه وأهله ويفضلهم على زوجته لانه يحس انهم جزء منه وانتي دخيلة
يعشق أطفاله بجنون
يكره المرأه الضعيفة والمكشوفة ويعشق المرأه القوية
اقرأي عنه له مفاتيح اذا طبقتيها بيصير خاتم بأصبعك ولكن يحتاج تعب
مميزاته كبيرة وبالمقابل عيوبه كبيرة
يخون لكن مايعرف يخبي خياناته للأسف وبسهوله يقلب عليك الطاولة
يمسك من نقطة ضعفك الي هيا أطفالك فالحل من وجهة نظري بيني انه ماهمك واضغطي على نفسك وطنشي وبيني انك مخططة على حاجة مثل زواج او بعثة علشان تتلخبط اوراقة بس لازم يصير نفسك طويل لانه هو راعي طويله ويطبخك على نار هادية

كل ذا اللي شفتيه وماتعلمتي القوة؟؟
وبعدين عيالك يقعدون عند ابوهم خليهم
ايش المشكلة والله تتكلمين وكأنهم مع شخص غريب . خلي ابوهم يتحملهم ويعرف قدرك اهم شي الصغير معك وهو
خليه يتبهذل بهم ويشيل ويحط .. خليه هو اللي يتأدب..

وتأكدي لعل الصبر في هذي المرحلة يخلي زوجك يعيد حساباته ويعرف انك ودعتي الضعف والتردد ويرجع يتصل ويدور ويراضي.. احسه بلشان اكثر منك لان الموضوع يسود الوجه ومو من صالحه يتمادى وتطلع اسراركم للي يسوى واللي مايسوى وتصير سيرته على كل لسان ومحد يزوجه

فرج الله همك..

اهم شي الاثباتات الا معك عن خيانته خليها معك وفي مكان آمن حتى لو رجعتي خبيها ولا تضعفين وتعطينه ... لانهاراح تفيدك في المحكمه سواء الان او بعد سنين

كان الله في عونك

عشرة 16 سنه لاتباع بسهوله تطمني
نحن الرجال نفهم بعضنا هو تعود على وجودك ومتأكد الان انه نادم اشد الندم
الناس اكيد بتعرف انه هو المخطيء بدون ذكر اسباب واكبر دليل تركك لاطفالك اغلى ماعندك وذهابك لأهلك
الحاصل الآن
ان الناس اللي حوله وفيهم خير بينصحوه ان شاء الله
هو بيتورط في الاطفال ويحتاجك + انه يفتقدك الآن بينكم عشرة عمر ليست بسيطه
الرجل اللي تذهب من عنده زوجته بتزيد عليه المسئوليه تجاه الابناء ويتراكم شغل المنزل عليه مع احتياجات الاطفال بيحس بالفرق غصب عنه لان الاطفال ما احد يتحملهم بالدنيا الا امهم ولا يتطمن الرجل لهم الا برعايه امهم
من ناحيتي بقول تطمني بيرجع ان شاء الله بس انتي خذي بالاسباب انتي مظلومه ارفعي يديك الى خالقك فهو مدبر الأمور

بخصوص الشروط اذكري الاشياء التي تصدر منه بالتفصيل لاتهملي كبيره او صغيره
بحاول بقدر المستطاع ان نقترح شروط انا والاخوان تكون ملائمه للطرفين

خذي وقتك وارتاحي

وكل ما ضاقت توضأي وصلي ركعتين وشوفي الفرق

أسأل الله ان يزيح همك عاجلا غير آجل وان يجمعك بأبنائك ويلم شملكم

مشكوورين أخواني ع ردودكم وتفاعلكم ..لاحرمكم الله اﻷجر.
وكل ماقلتووه صحيح..زوجي شخصية شماليه..وبحثت ودرست دراسة دقيقة
على شخصيته..وطبقت كل مفاتيحة..لكن لﻷسف كأنه يعطيني
أشارة مهما فعلتي وتفننتي...أنا هو أنا..لﻷن تأثرين بي..يعني
هو فهم أنني أريده أن يكون خاتم بأصبعي..وهو رافض هذا الشي
بيوصل لي رساله أني ماراح أكون معك كما تريدين..أكون مع أهلي
كما يريدون ومع عشيقاتي كما يردن.أما أنتي.فقط خادمه لي وﻷبنائي
هذا هو تفكيره...مادري وش المانع إذا خلاني أملكه..أنا كسبانه وهو كسبان
والاطفال أيضا..هو دائما يقولي لي..إذا ناقشته بهدوؤ بأفعاله معي.
ينفعل ويزمجر..ليش أنا وش سويت فيك..هذا أنا وماراح أتغير.عجبك ماعجبك
الباب يفوت جمل..هذا كلامه لي دائما..أغلق كل اﻷبواب بوجهي..فسكت وصبرت
وأستغفرت ..وسبق أن خرجت من بيتي ..بسبب عناده وتعذيبه لي..قال
مع السلامه والباب يفوت جمل.بس الا طفال يقعدون ماراح تشوفينهم.
مرة قال لي هالكلام..فبكو أطفالي أمامي ..فبكيت معهم ولم أخرج.قال
ليه ماخرجتي..قلت ماني طالعه..ومرة نفس الدراما لكن لم أحتملة وخرجت
بدونهم....فأخذت فقط يومين لم أستطع الصبر عنهم.فقلت هاتهم لي.
قال..لااااا بخبث ومكر..قال..تبينهم تعالي لهم..قلت يله تعاال خذني
وقلت بيني وبين نفسي الله ياخذ روحك..فلما رجعت ودخلت البيت
هنا أعتذر لي وقبل رجلي ورأسي.وقال سامحني..حينها كدت أركله برجلي
لكن مسكت نفسي ..وقبلت أعتذاره ﻷجل فلذات كبدي..
هو اﻵن ينتظر أنني أكلمه..وأقوله تعال خذني لم أحتمل فراق عيالي.
ﻷنني هالمرة طولت السالفه شهر تقريبآ..ولم أفعل..ﻷنني موجوعه ومجروحه
يريد أن أرجع نفسي بنفسي.زي أول.لكن أنا أريده هو أن يأتي ويعتذر
ويقبل بشروطي..أنا أعرفه تماما..لن يأتي أبدا أبدا لكبرياءه وجبروته وعناده
وع قولته تأديب لي..ولﻷن أهله معه يقونه علي..أصلن مسوين عيد وفرحانين
لفراقنا..أنا اللي أكلتها أنا وأطفالي حرمنا من بعض بسبب ظلمه وعناده
قاال أبي أنا أعرفه أيضا..لن يأتي..إﻻ إذا دعيته لصلح..ﻷنه سبق وأن ضربني
ضرب.وخرجت لبيت أهلي..وأخبرت والدي..فأدبه أبي.وقال غصبن علي..وهي
مثل عيوني وأنا أبيها..ورجعت وباس رجلي وراسي ورضاني..
زوجي يحتاج رجاااال ياقف بوجهه..بس أبوي يقول أدخل لصلح

أبوي الحين ينتظرني أن أقوله ..خلاص برجع..يقول تبي تطول اﻷيام
وتبرد السالفه والناس يتكلمون ويزيدون الفجوة بينكم..ﻷن دائما اﻷنظار
علينا..ولﻷسف من أقاربي أنا من يوصل له كلام أن زوجتك قالت وقالت
فيزيدون هم كذب وأفتراء..وتزيد الفجوة أكثر وأكثر.ويصعب أصلاح اﻷمور
فيما بعد..وأبوي يقول ليش نطولها وهي قصيره..ياكذا أو كذا..
أبوي يقول أعرف ماسيقولة..أنا أريدها و..و..ومن ..طيب ليش
ماحاولت ترجعها..المهم أبوي يقول أدعوة لصلح وأتشره عليه.
طبعآ ابوي يملك أسلوب وحكمه يخلي اللي قدامه ينحرج ممن أفعاله

كتبت رد طويل جدا وللاسف انحذف ، لي عوده ان شاء الله

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

أختي كم المدة من يوم خرجت من بيتك للآن؟

اختي مالك غير رب العالمين انما اشكو بثي وحزني الى الله

ادعي ربك واستغفري ودعوه من القلب ان يسخرلك ويحنن قلبه عليك

واصلحي نفسك من ترك المحرمات وتصلح احوالك وراح تشوفي العجب قادر سبحانه يغير

صفاته وطباعه
واكثري من الاستغفار لحديث من لزم الاستغفار كان له من كل ضيق فرجا ومن كل هما مخرجا