اختي الفاضلة

حاولي استمالة قلب زوجك بالكلام الطيب

لتحصلي على مرادك

ولا تخرجي من بيتك دون اذنه مهما كانت المسببات

لان ذلك سيوقعك في امور لم تكن في الحسبان

فقط عليك بالكلمة الطيبة وان كان فيها ضغط على مشاعرك

في الفترة الحالية ولكنها ستؤتي ثمارها ان شاء الله

يسر الله امرك وفرج كربتك

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

ما الومك حبيبتي ..
فترة الوحام صعبة جدا .. وغالبا يزيد تعبك من مكانك .. بيتك وغرفتك وفراشك ..
هالأمر صعب يستوعبه الرجل .. وحتى البنات وحتى المتزوجات وحتى اللي سبق وأنجبوا .. لو كان وحامهم خفيف ماراح يقدروا اللي إنتي فيه ..
أنا جلست شهر ونص طريحة الفراش كأني جثة .. ولأن اهلي بديرة ثانية مارضى زوجي يوديني يخاف علي من الطيارة ويخاف من تعب الطريق بالسيارة .. وكانت صحتي في نزول حتى وصلت مرحلة صعبة جدا .. قامت ام زوجي الله يجزيها خير قالت لزوجي حرام عليك أخذها لأهلها بالسيارة .. تعب الطريق ماراح يفوق تعبها هذا .. هنا اقتنع وأخذني لأهلي .. وطريق 4 ساعات صار يوم كامل لأن لما مرينا الاحساء قلت له تعبانة خلنا ناخذ ليلة بفندق وبكرا نكمل سفرنا .. والحمد لله رحت لأهلي ونفسيتي تحسنت وصحتي تحسنت تدريجيا وبصورة واضحة عن السابق ..
الزوج ماراح يصير له شي لو جلست فترة اسبوعين او شهر بدون حرمته .. بعد لا يصير الانسان كذا يفكر في نفسه وبس .. خصوصا زوجك عنده بديل .. الله يهديه ..
أهم شي إنتي لا تبذلي أي مجهود بالبيت .. يمكن مع الوقت يرق قلبه ويسمح لك ..

حبيبتي واضح زوجك شايل هم التعويض

قولي انا سامحة لك لاتعوضني ولاشي
اذا جيت ابدا اقسم القسم العادي ليله وليله

بس اهم شي اروح ارتاح عند امي
حاولي معاه بالكلام اللين
وانتبهي تطلعي بدون مايرضى رح تنقلب عليك بعدين
والله يكون بعونك ياقلبي .

سقيا .... ماجربتي الوحم ع أشده ... ياليتني اتألم الوحم شي مستخيل اقدر اوصفه لك

انا حملت باولادي الثلاث والحمدلله كان وحمي بسيط وكنت استغرب من بعض الحريم الي لازم تتوحم عند امها او اختها وبعضهم زوجها يستأجر لها شقه مفروشه

لكن بحملي هذا عرفت انه الوحم يختلف من انثى لانثى والله اني دعيت انه ينزل الي في بطني من شدة ما حصلي
غثيان مستمر ومعدة يتهيأ لي انها مقلوبه واي رائحه ارجع منها وطول وقتي في الحوش وبكااااااااا مستمر بدون سبب
واذا شميت شي ع طول ارجع واصعب ترجيع لما تكون معدتك فاضيه يطلع عصاره وريق وتحسي احشائك بتطلع من فمك والنفسيه شي ثاني
ماابغى اقابل احد لدرجة اني اتفرج ع افلام كرتون 😐 شهر مر علي كانه دهر

اللهم لك الحمد حتى ترضى ولك الحمد اذا رضيت ولك الحمد بعد الرضا


منفرده اذا امك موجوده روحي لها شدي ع زوجك وروحي ياليت امي قريبه مني كان حطيته امام الامر الواقع ورحت لها بدون مااستأذنه لانه شي فوق طاقتي

^
^
ياااه يا متفائلة .. وصفتي وحامي بالضبط .. أقل رائحة أستفرغ عليها سواء رائحة طيب أو سيئة .. أكل .. عطر .. معجون .. مو مهم ايش .. المهم ريحة استشعرها أنفي وخلاص ..
وزوجي لو اسمع صوته بالتلفون أستفرغ فما بالك لو اشوفه قدامي ؟
والترجيع على معدة فاضية كأن روحك بتطلع معاه.. وآخرتها عصارة معده وزبد ..
غير التنوم بالمستشفى والمغذيات وغيره ..
الحمدلله على كل حال ..
وحدة صاحبتي عندها اطفال من قبل وكان حملها هاذي المرة برغبة منها وترقب وكانت تدعي إنها تحمل .. لما ربي رزقها وحملت تعبت كثير من الوحام وقالت ياليتني ماحملت .. أنا زعلت منها كثير على هالجملة .. وأنبتها .. قلت لها قولي الحمد لله غيرك يتمنى .. بس طبعا ما ألومها .. عانيت مثلها وأسوأ ..

الله يكون بعونك ويتمم حملك على خير ويسهل ولادتك ويرزقك بالذريه الصالحه،،
مايحس بالوحم الا اللي جربت😖،،،،،
الله يأجرنا بس ،، بالنسبه لك حبيبتي حاولي فيه بالهداوه اذا ماقدرتي ارضي بواقعك وغيري جميع منظفات البيت بروائح ثانيه غير اللي عندك وجيبي اكل من برا وحاولي ماتاكلين الاكل المتسبك ركزي ع الغاكهه والخضار،،
بالنسبه لي وحم البنت يصير شديد عندي واكره كل شي وكل شي له ريحه حتى عطوراتي اكرههن الله لايحرمنا الاجر..

الله يسعدكم يا رب
الحمدلله انه في ناس حاسه بحالتي اللي مو قادرة اوصفها ..

امس ما طلعت من الغرفة طول الوقت ع السرير..
جا بعد المباراة قال يلا اوديك السوق تغيري جو قلت ما ابغى اروح ولا مكان
قال طيب مطعم انتي ما اكلتي شي قلت لا لا لا ما ابغى
قلت بروح لامي هالفترة .. خرج وتركني
راح اشترى فطاير وعصير وجا قال يلا لازم تاكلي ولا أزعل منك
مسكت الاكل ونزلته من يده ومسكت يدينه وقلت له اذا تبغى راحتي وديني لامي وجلست ابكي
قلت له وربي تعبانه ما ابغى الا غرفتي عند امي وصوت امي

طبعا سكت وبعد ساعتين جا وقال اذا يريحك انك تروحي لامك خلاص روحي ومتى ما حبيتي أجي أخذك

الحمدلله وافق وهو مقتنع بس بعد جهد .. الحمدلله
الان امي مسافره بس بروح لاختي الين تجي ...

ربي يسعدكم ويجعل كل حرف كتبتوه في ميزان حسناتكم

قلت أبشركم انه رضي اني اروح .

ارتاحي بس تواصلي معاه بالتليفون والمسجات واشكريه على موقفه

مع الاخت مبتعثه
وايضاً ارسلي له روابط عن الوحم وتعب الحمل لكي يقتنع انك تعبانه فعلاً.

مبارك ، وفعلًا لا يستشعر صعوبة الوحم إلا من جربها ، فترة وتعدي إن شاء الله .. الله يتمم لك بخير .