الله يصلحه
ما ادري اذا يحق لك طلب الطلاق
بس عموما ان كنتي معزمه عالطلاق لا تمشين بالإجراءات من دون علمه ومن دون ما تعلمينه السبب
بالعربي ارجعي له وبيني له الوضع وقولي له يا فلان ان ما تعدلت راح اطلب الطلاق وان مسكتي عليه شي قولي له ودني بيت اهلي ومثلي انك تبين الطلاق وان طلب الصلح ارجعي وهكذا عطيه اكثر من فرصه مع الوقت يستحي ويخاف و يتعدل وان ما تعدل الوجه من الوجه ابيض

اما سالفة زعلانه وتمشين بالطلاق وهو ما عنده فكره عن السبب وعن نيتك بالطلاق هذي مصيبه

ياويلي. جفوووووه
كل شي ماهمني
اتنازلي اشوي وحسي بالأشخاص من حولك تشاركي معهم
مشاعرهم عيشي اللحظة
المثالية لا زادة عن حدها تسيئ لك اكثر ماتفيدك
زوجك مابه شي انتي مو فاهمته!!
اكيد راح تندمي كثير وتتحسري في حال بعدتي بين الأطفال وابوهم. يمكن يكون قليل المسؤولية مثل ما وصفتي لكن بعد حنون وانتي تحرمينهم حنانه كذا

عطيته خبر .. وهو مسوي ولاهمني كلامك.. واجلسي عند اهلك لين تطحلبين وتحمضين..

مو هذا اللي مخليني اتردد عيالي..

كوني له جميع الشخصيات الي يحبها خارج المنزل

احتمال هذا الشي ما وجده فيكي

-





هل الخيانة وصلت للزنا انتي تقوليين وصلت للمقابلة
انسان لايبالي
خاين
لايوجد عنده حس بالمسئووليه

لايكلف الله نفس الا وسعها مشكله انه عمره 40 او بيوصل للاربيعين
بتفكير شخص عمره 15

__________________
استغفر الله وأتوب إليه

بالظبط..

مدري وش ارد عليك .. جد جلطتني.. طباخه وام عيال وبوابه (افتح له الباب لانه دايم ناسي المفاتيح)
وخدامه . ومستشاره.. وممرضه.. واخر الليل رقاصه .. اكثر من كذا وش اسوي؟!

مو هذي الفكره اللي احاول اوصلها

ثقتك الزايدة في نفسك وانشغالك عنه ممكن سبب خيانته
هذا حال الزوج أو الزوجة اذا ما اتشبعت عاطفتهم في بيت الزوجيه شيء أكيد راح يدوروا تعويض النقص برا هالبيت طبعا البعض وليس الكل
لكن مايصح انك تتكلمي ع خلقته وشكله لأنها من الله .مهما كنتي زعلانه منه.مدري ليه حسيت كلامك قاسي وجارح بس نصيحه من اخت دام بينكم اطفال ودام زوجك طيب وحنون العني ابليس وسامحيه وحاولي تهتمي فيه وتعدليه عشان اولادك وصدقيني هذي نزوه وبتروح باذن الله وهذا ترى حال ازواجنا مع تطور وسائل التواصل والانفتاح.الله ييسر امرك يارب ويسخره لك...

كلامك معقول.. يمكن حس انو مايصلح لي.. عشان كذا كان يدور الاقل .. الحلقه الاضعف من
العاهات اللي يغازلهن عشان يحس بتفوق.. وحاليا لقى وحده .. اتوقع حبيبته منذو مبطي..
هاللي خلاه يتغير حيل الفتره الاخيره .. وخلاني خلااااااااص .. بموت من حركاته..
يعني ................... انا متحملته عشاني زوجته وام عياله ..وهو جنه ونار.. انتي وش حادك عليه؟!!
المصيبه انها متزوجه ومنحله .. هاللي خلاني اشك ان علاقته الاخيره فيها مقابلات ..
لانو تغير علي تغير واضح وقوي..

اختي

انتي ليه معطيته وقت ياخذ راحته؟

اسلوبك معه مشجعه يستمر بمراهقته

نصيحتي باختصار اشغليه , لاتسوين كل شي يخص الاولاد او المصروف او المشاوير
حاولي تبينين انك موب حريصة كثير على الامور المشتركة بينكم , لكن شبي عليه يقوم بواجباته

يافلان سو كذا , وين الغرض الفلاني , ودنا , جبنا نبي كذا وكذا, لو اذا طلع تخربين الثلاجة وتتصلين عليه تعال ثلاجتنا خربت والاكل بيخرب وووو عشان ينشغل ويرهق ولايكون عنده وقت للخرابيط.

خلك حنانه و مشغلته دايم, ادري مو شخصيتك لاكن اذا ودك تغيرينه وتمشي حياتك لازم تظهرين بالشخصية هذي قدامه.

الطلاق انا ضده تماما دام فيه أولاد. والاصلاح ممكن دائما لكن يبيله شوية دهاء وكيد نساء.

عندك عيال منه؟ ممتاز ,,, اشغليه فيهم , ضخمي تعبهم او احتياجاتهم له , خليه يقوم بكل شي ممكن
ركزي في كثرة مطالباته بهالامور والتكرار عليه.
اذا طلع اتصلي عليه كل شوي, وينك ووين رحت ومتى بتجي , وجب لنا معك كذا وكذا..

نوعية زوجك مايصلح له الا شخصية المرأة اللي كذا..المرأة الاعتمادية عليه..فإما أن يتسنع ويشيل مسؤوليتها ومسؤولية بيته والا ينحاش ويطلق...ان طلق ساعتها الذنب ذنبه....
شخصيتك الحالية امراة تتحمل مسؤولية وكأنها رجال وتقوم بكل شي وعندها حس عالي من المسؤولية تخلي رجال زي زوجك يتمادى في أن يعيش مراهقته ويعيش حياته وينبسط والحمدلله عندي زوجة ضامن اخلاقها ودينها وضامن انها بتشيل البيت والعيال.

يوم اكتشفتي مكالماته وعلاقاته اكبر خطأ أنك تطنشين بحجة ان البنات مو بذاك المستوى او ان ذوقه غبي ,,, لاغلط, الخيانة خيانه سواء مع وحده شينه او ملكة جمال, غلط تحتقرين هالامر وماتهتمين , هذا تشجيع ضمني له.

مفروض تقلبين الدنيا على راسه وتهاوشين وتزعلين وتبينيين له ان هالامر خطير دينيا واجتماعيا
وقوليله وش يكون شعورك لو اتعرف على رجال واجلس اسولف معه واسوي معاه علاقه؟ ترى أنا لي مشاعر وعندي كرامة.

اعانك الله

سيدة الموقف .. ياشيخه روحي الله يسهل امرك ويوفقك وين مارحتي<<دعوه من قلب قلبي
من جد جبتي كل الكلام اللي عجزت اشرحه.. صعب اني اعيش الدورين..
وخصوصا .. ان طبعي فيه انوثه وحابه انوثتي مابي استرجل .. مابي اشيل هم ليه السخان خرب .. ومتى بيصلح
بعد حن وزن .. وبالاخير انا اللي اتفق مع السباك .. وهو بس محتاجين زوله انه رجال بالبيت..
كرهته لما اجبرني اتعامل بخشونه .. واشيل اشياء مو من مسؤلياتي.. وبالاخير .. يوووه نسيت اصرف عطيه
وانا اعطيك بعدين .. !! وهلم جرا