نعم اجعلها تبقى في بيت أهلها فترة كما قال ابو حكيم طالما أن سلوكياتها بهذه الحدة وتدرج في الحلول وابتعد عن الطلاق

السلام عليكم

نعم منزل اهلها يبعد تقريباً نفس المسافة حتى بيت اهلها مو قريب من دوامها بعيد

يعني لو تحسبها بعقلها نفس الغربله مستمره حتى لو حصل لا سمح الله الطلاق المشكله مستمره معاها

بس انتقلت من بيت زوجها الى الدوام

تصير من بيت اهلها الى الدوام

مسألة بقائها عند اهلها صعبه عليها وهي عارفة ان نظامها بيتلخبط لما تروح لهم انا لما اسافر ماتروح تنام عندهم وعندها دوام لان اهلها ماعندهم سواق وخواتها يوديهم ابوهم الصبح والظهر يرجعهم واحد من اخوانها

فلازمها سواق يودي العيال للمدارس ويوديها للدوام ويرجع يتغدى والظهر يرجعهم لو عند اهلها بتتورط بين مدارس العيال ودوامها

وسبق جربت مانفع نهائياً زحمة الرياض والتأخير عليهم فهي مقتنعه ان افضل حل اقعد ببيت زوجي

قلت لها روحي لاهلك تقول مانيب رايحه الا كاني مطلقة لا وبعد ما تنتهي العدة بعد

ابو حكيم الله يجزاك خير انا شلت فكرة الطلاق من راسي حالياً

انصحني كيف انسف فكرة الانتقال جنب دوامها من راسها مابي امسحها او انسيها ابي انسفها نسف خلاص تنساها

هل تشوف شخصيتي ضعيفه معاها ياخي كثيرين يقولون لي

السلام عليكم

كما ذكرت للأخ ابو حكيم ترفض الذهاب لأهلها وتريد البقاء ببيتها حتى لو طلقت تقول سأبقى الى ان تنتهي العدة

تقترحون اكلم ابوها

ابوها رجل طيب لكن لو مثلاً ذكرنا له موضوع انها خرجت دون اذن

يسألها اخرجتي بدون اذن زوجك تقول نعم يقول خطأ مايجوز تطلعين دون علمه بهدوء وبرود

ثم تقوله بس كلمته واتس اب ولا رد لانه حاظرني او اتصلت مارد علي يلتفت علي ليه مارديت عليها

هي غلطانه وانت غلطان معقوله يعني ؟؟؟ اللي اعرفه ان لو مارديت مفروض ذوقاً ماتطلع سواء برسائل او اتصال او اي وسيلة كانت

هالردود تجنني وانت تكون متوقع ان ردة الفعل تكون ولو مارد عليك حرام عليك تطلعين دون اذنه تلعنك الملائكة وعيب عليك مو كذا ربيتك هذا المتوقع ممكن من محيطي فاهمين علي

الا كانه يقول هالكلام بعد ما اطلع من مجلسه فهذا كلام ثاني لكن انا علي من الظاهر

جا ببالي اطنش واخليها تصيح وتنوح من الطريق والدوام واقولها قريب بس باقي شوي وشوي بعدها شوي الى ما تخلص 5 سنين

ينقل للقسم الانسب

__________________

‏
الوعي هو الملاذ ..

أستغفر الله العظيم ؛
( الفردوس غايتي )

سبحان الله نفس مشكلة الأخ الوحيد
ما اعرف كيف بعض الحريم تجحد نعمة ربي وتدور الشقا ...

سبحان الله الي زوجها طيب تكرهه عمره والي زوجها منكد عيشتها متمسكة به وتجري وراه

سبحان الله الدنيا هذي عجيبة

انا اشوف اقرأ مشكلة الأخ الوحيد راح تستفيد عشان لا تقع في الطلاق ...
واضح ان جو المعلمات واحد عموما يملّون راس بعض ...

فعلا انا لما قريت موضوع الاخ
فيه تصرفات كثيره متشابهه

الظاهر اخوي ان زوجتك فيه من يلعب براسها
هو ماخرب بيوتنا الا هالوظايف الا تشتغل ساعه والباقي دق حنك وتحريض

الله يعيينك اخوووي ويفرج همك ويصلح أموركم يااااارب. .
بكل صراحة أخوي مشكلتك لاتستدعي الطلاق أبدا. .

وأنا أهنيييييييك على قلبك الرحيييييم. .تفكر وتهتم

ومااااتبغى الطلاق علشاااان نفسيااااتهم. ..

الله يعطيييك على قد نيييتك. ..

أنا جررربت الحرمااااان من أطفالي شهر ونص
وهم محروومين من حضني. .

حرمهم مني أبوهم. .لقهري وذلي وأهانتي

حتى أرجع رغما عن أنفي وفعلا هذا اللي حصل

رجعت. ..لكن تعاال شووف فرحت اﻻطفال
لمن صرنا تحت سقف واحد. .فرحة لاتوصف

ولاتسألني عن حاالهم كيف كان بدووني
كاااانو كل ليلة يبكوون. .كانت نفسيااااتهم
بالحضيييض. ..ولا أبالغ ان قلت لك. .للحين
يعانووون يخااافون نتفرق مرة ثانيه. .

للأسف ألاب ماااافكر أبدا ولا أهتم بنفسياتهم

بالعكس يوبخهم اذا كلمووني. .كله علششاان
يبي يذلني ويقهرني ويكسر ظهري باأطفالي

أتعلم أخي ماهو السبب لحرماانه لي من أطفالي

لأني كشفت وساخته وخيانته. .وقلت له انت ماتخاف ربك
وماتخاف على عرضك. ..أتق الله. ..
وقلب الطاولة علي وليش تفتشين. و..و..
ويعلم الله أني ماأبغى افتشش لكن قلبي كان
حاسس...لأنه مقصر علي بكل حقوقي وموريني
نجوم الظهر. ..
لكن أدعو من كل قلبي أن ربي يريحني منه
دمرررني ودمر نفسيااتهم. ..

-




ابي أعرف وظيفة زوجتك بعيدة يعني خارج عن منطقتكم الي ساكنين فيها
والا بعيدة بس في نفس المنطقه

__________________
استغفر الله وأتوب إليه

كلامك الطيب لولدك له اثر ايجابي اكيد ان شاء الله .. لو هي ماتأثرت علي الاقل الولد يحس بالمشاعر الطيبة بين الابوين .. لان اكثر مايتعب الابناء .. شجار الوالدين ..

بصراحة اخي اشوف مشاكلكم ماتستاهل الطلاق وتفكيك اسرة .. يبيلها بس تفاهم .. انت ترخي شوي وهي ترخي .. تحاولون تتكيفون مع الوظيفة وبعدها عن المسكن .. مع الوقت تتعود .. لو تدري انا مكان عملي يبعد عن بيتي بالسيارة ساعة كاملة .. وانا اسوق .. يعني ساعة الصبح وساعة الظهر احس اني بتكسر .. لكن مع ذلك لا انوي ترك وظيفتي.. وزوجي تقبل رجوعي متأخرا مع انه يرجع قبلي .. لكن هذا باب رزق وماودنا نسده . . احتجنا الي تنسيق وتنظيم حياتنا من جديد وسارت امورنا رغم التعب والصعوبات وبعض التقصير .. لابد من التغاضي احيانا ..
وانت حاول تخغف من العصبية والحدة في الكلام .. وشيل الحظر عن الواتس ..

انت معصب ومتضايق من زوجتك للاسباب التاليه ...

1/ ماتبغاها تتوظف
او لانها
2/ ترجع متاخره من الدوام
او لانها
3/ تخرج من غير اذنك

ممكن تكتب لنا الاشياء اللي مضايقتك من زوجتك على شكل نقاط
لان صراحه عجزت لافهم وش المشكله بالضبط ..الكلام صاير مرصوص ورا بعض