هي تقول يريد يقهرني يعني هو مو جاد بتغزله
انا لا اعطي حق لمثل هذا الزوج ان يعامل زوجته بهذه الطريقه
هو غلطان بحق المره ...لا يحق ان نعالج الخطأ بخطاء اكبر منه... يعني لو قام هذا الشخص بمخابرة بنت عبر الجوال تروح هي وتفعل نفس الخطا وبنفس الفعل؟؟!! ...من باب السن بالسن والعين بالعين ؟؟!!هل يصح؟! بالتاكيد لا
علمتني الحياة كثير اشياء وعرفت ان هناك ازواج يخونون زوجاتهم ويسهرون مع هذه وتلك ويشربون الخمر وزوجاتهم صابرات محتسبات يسألن الله الهدايه لازواجهن
اختي الكريمه في ظلم بين البشر الى حد كبير
لا تدفعينها ...من تظلمني اظلمك ...ومن تحقرني احقرك ..
ما يلفظ من قول الا لديه رقيب عتيد ..والله ورانه حساب عسير
حتى على صدقنا مع بعض على ايش هل صدقي معكم على مصالح لو مكاسب دنيويه ام لله
هو يعلم ما تبدي الصدور

__________________


ما أنا في الدنيا الأ كراكب أستظل تحت شجرة ثم راح وتركها

ان كان ما تقولين .. فحقيقة مثل نوعية زوجك يعتبر عديم الرجولة من يسخر من زوجته لخلقتها التي خلقها عليها

في حين انه لم يغصبه أحد عليك , فهو من اختارك , أو تم اختيارك فقبل بك .

أخاف يجي يوم يعاقبه المنتقم الجبار على سخريته بك , او ربما ياتي من يسخر ببناته ليذوق وبال أمره

أنا مع رأي خواطر مكسورة

والقصد ليست المقارنة بل بشكل عام !

حتى يعرف انه مو من جماله هوا كمان فيبطل مقارنة بهذي الطريقة الجارحة
وتكون شفت غليلها شوية منه

مثلا قالها وااو شوفي كيف شكلها
كان ردت وشوف الرجال اللي جمبها كمان كلهم يجنون و حلوين !!



طبعا لا تنس تهتمي بنفسك وتعيشي شبابك
زوجك يبغاك لو ماىيبغاكي ما استحمل وجودك !
لكن يمكن يطمح لجسم معين واهتمام بس خانته الطريقة

ردي عليه اذا قالك شي عشان يحرم ينطق بهالامور..اذا قال شي قولي من زينك لاوسامه ولاجسم ولا طبع ..واذا قال خطبت وخطبت قولي وانا خطبوني الفلان والفلان اللي عنده فلوس واللي وظيفته تشرح الخاطر وووو..كان زوجي ببداية زواجنا كذا بس بعد ماتبعت نفس اسلوبه معاه وربي بطل ينبس بكلمه ولا صار يشك بنفسه ويقول من زيني والحمدلله انك رضيتي فيي..

اللي يقولون ردي عليه انا قلت اني رديت عليه ودايم ارد عليه اذا قال شي بس بطريقه تسكته ودااايما بس المشكله مايتوووووووب واحس لدرجه بعض الاحيان ينبسط ويتعمد ذا الاسلوب عشان يشوفني ايش ارد عليه يعني الله المستعان بس وزي ماقلت لكم هو بارد مايهمه لو رديت وقلت الرجال حلوين ومن ذا الكلام عادي عنده ايزي المشكله شايف نفسه حلو وهوه ماعنده ماعند جدتي ......

استغفرالله ماقصدي تريقه بس اوضحلكم
وبصراحه زي ماقلت من اول هوه طبيعته عينه طويله وقد مره مسكته يحادث بنات فانا متوقعه منه ذا الشي انه مايقتنع فيني مهما كنت لانه الاشكال ذي ماتشبع ولا يعجبها لانها بس تقارن اذا ابسط مثال ذبحني بمقارنته باخته ومابغى امدح نفسي انا افضل منها بكثير صفات بس مع ذالك انا منقهره على نفسي اني وصلت لمستوى كرهت نفسي فيه وكرهت اخته وكله بسببه انا ممكن استفيدد من نصايحكم من ناحيه الثقه بالنفس واني اهتم وجزاكم الله خير لكل من رد اعطيتوني دافع اني ابدل جهد على نفسي في اللي هوه فشل انه المفروض يساندني فيه
بس للحين مو عارفه كيف اخليه يبطل تريقه حتى لو مزح لاني بجد ماعاد اتحمل وهاذا الشي اثر على علاقتي فيه ماعاد اتحمل كلمه منه ويقلب يومنا زعل بسبب ذي الامور !!!

أجل طنشيه ولا تعطينه وجه اذا تكلم
ولا تتفاعلين معاه وتبينين انك زعلتي
لاتبررين له شيء خلي ردات فعلك بااااااااردة و حيبطل

أنت قلتيها أنه يعجبه انك تردين عليه فمدامه كذا
حتى لو مو عاجبته الحرمه حيمدحها قدامك من باب المناقر و الاستمتاع بردات فعلك


واعتبري البنات ورد وزوجك اختارك انت له من بينهم

مرحبا اختي , نظرة الرجل للجمال مختلفه عن المراه ولهذا حث النبي صل الله عليه وسلم على النظره الشرعيه ,
لان للرجل معايير ينجذب اليها , فمثلا نعرف ان هناك رجال يعشق الصنف المليان وعلى بياض ويشعر انه ملك الدنيا
, ومنهم من يحب السمراء النحيفه ومنهم القصيره النعومه ومنهم يرى الجمال بحدة الملامح العربيه وطول القوام ,
ومنهم يريد الببي فيس وملامح صغيره وغير مهم ملامح عربيه او اسيويه , اذا هي معايير كثيره مختلفه من رجل الى اخر ,
وحتى معالم انجذاب واثارة الرجل الى المراه تختلف من رجل الى رجل , بناء على مايعجبه ومايراه جميلا من وجهة نظره

واعلمي يا اختي ان زوجك ان لم ياتي لك ليتزوجك لربما جاء رجل اخر يرى مافيك علامات جمال وانوثه ,
فلا منه بانه اختارك او تزوجك , ولا اهميه لرايه فيما يتعلق بالامور التي لا تستطيعي تغييرها مثل طولك ولون بشرتك ,
وهو قد تزوجك واختارك ولديه فترة خطوبه وملكه اعتقد يستطيع ان ينهي الامر ان كان كما يقول لا يرى فيك مايريد ان يرى من الجمال ,

اختي بعض النساء واثقه جدا وتحب ذاتها ومظهرها وملامحها وحتى جسدها ان امتلأ قالت ليونه وانوثه وارتواء
وان خف وزنها قالت رشاقه وما الى ذالكك , ما اقصده ان تحبي نفسك في كل احوالك وان تثقي بذاتك تماما ,
ومن ثم تحاولي التغيير للافضل بقدر الاستطاعه , هذا ماعليك وهذا ماينبغي عليك فقط ,
اما حديث زوجك عنك , فكثير من النساء يسمعونه , وايضا والله سمعت باذني رجل يقول لزوجته بتكشفي اكشفي
انا لا اغار عليك ولا اهتم لامرك , وبصراحه هذا كلام ضعيف , ولكن من الزوجات من ترمي هذا كله وراء ظهرها
وتقول المهم انا عاجبتني نفسي وان تغيرت باتغير من اجل نفسي , وكلها ثقه , وتحب كل نقطه في جسدها ,

انكسارك لن يصلح من الامر شيء بل على العكس , وانا بصراحه مع انك تردي ولكن بذكاء
ومثل ما اخبرتك انك تشعريه ان رايه غير مقبول تماما , وتقولي له اذا لماذا لم تتزوج مواصفات كما تريد ,
لماذا تاتي وتبهدل حياتك من اجلي , ولماذا الاستمراريه في الخطبه والملكه ,
وكوني قويه جدا وصدقيني لن يجد فائده من هذا الكلام ابدا ,

وبالنسبه للمقارنه باخته , فهذه من الامور التي تدل على قصر النظر عند زوجك ,
فالافضل ان يقرب العلاقات والانفس لا ان يباعدها , وايضا لكل امراه جمال ان كانت تخالف معاييره هو ,
ولم تطلبي رايه بك , واخبريه انك تعرفي ذاتك وتحبيها , ومع ثباتك على هذا الراي سيتعمق بداخلك ويظهر في تصرفاتك
وتكون لديك مناعه اكبر من هذه الكلمات الجارحه , ومع الوقت سيتكلم ويتكلم ولا يجد من اي تاثر وردة فعل
بل على العكس ابتسمي وقولي انا معجبه بنفسي وتعزلي بنفسك امامه ,
حينها اخاف ان يطق فيه عرق لا سمح الله


واسال الله لك التوفيق والسداد ,
وبارك الله فيك

كلامك صحيح وهذي بداية ممتازة
وهي تقوية ثقتك بنفسك
والعمل على تحسين ما ترينه محق فيه

زيادة الوزن<<واصحك عينك تسالينه اش رايك نحفت ولا لا
او حتى تعلمينه انك تنزلين بوزنك اشتغلي بهدوووووء
وبشرتك ان كانت باهته اشتغلي عليها تقشير واقنعه وقبلها الغذاااااااء الصحي والمااااااء..

ولحد ما توصلي للوزن المثالي والبشره النضرة ان رمى كلمه ابتسميييي

ما جربتي تاخذين الموضوع بمزح وابتسامه..؟
يمكن شافك تنقهرين اخذ الحكاية تسليه وعناد بينما لما يشوفك تضحكين وتردين عليه بمزح
يعني لما تقوليله من زينك وشف نفسك ووووو جربي تقولينها بمززززززح وضحك

حتى يعرف ان هذا الاسلوب قديييييم وما عاد يزعلك .. بالعكس يخلق لك جو من الضحك معه
جربي يمكن هنا الحل..

وشوي شوي يمل وانتي بنفسك تصيرين تتقبلينها بمزح لانك اوحيتي لعقلك الباطن بان هذا مزااااح
وفرصه للضحك مع زوجك .. هو يضحك عليك وانتي تضحكين عليه😆

وبكذا اخذتي حقك وطفيتي نارك فيه.. كلمه بكلمه
لكن " بضحك ومززززززح" مو جد وعصبيه كذا ماااااسوينا شي..

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..