لو أختك يابائعة بعمرها وستذهبان سوية مع ابنك من ستركب في الأمام ؟

المبدأ مبدأ أحترام لسنها لاأكثر .. وإلا الأمام والوراء سيان , والأمر لك .

انتي طيوبه خلج مثل ما انتي
وخلي الشيء قربةً لله تعالى
و دامها كبيرة بالسن واحتراماً لسنها واذا اهيه طيبة وتستاهل فليش لا

😊 انه ما اقدر اسوي اللي سويتيه
لان ام عياله غلطت علي وايد وايد وايدددد
ومو قادرة اتقبلها كلش بعد اللي سوته
فما بالج اسمح لها ان تقعد جدام وانه وراء
ولو ان الصح المفروض او تكون نفسيتي اكبر من چذي والوضع عادي
بس صعبة علي اتقبل شخص يتقصد اهانتي اذا احسنت له

زين أبيها صحيح هي احرجتني بااحترامها وطيبها
فااعتبرت هالشي سخيف اني اناقشه فيه أساسا
ولو تقصدت اهانتي واقهرتني مستحيل أقبل طبعاً
هوا حسب التعامل الواحد يفرض احترامه

اهيه طيبة
وانتي بعد طيبة يا بائعة
الله يرزقكم حياة حلوة وسعيدة
والله استانس لما اشوف چذي نماذج
وهم امي ومرت ابوي سمنة على عسل الحمدلله
كنت اتمنى يتكرر نفس النموذج معاي
بس مشكلتي ما اقدر اتجاوز الاهانة ..
اسامح اي بس ما انسى
و بصراحة كلامها للحين يرن بإذني

عموماً ❤️❤️ لا تفتحين مثل هالموضوع السخيف معاه
عقلج كبير ما شاء الله
الله يهنيج ويسعدج يا ررررب

بالنسبه عن تجربتي بمااني الزوجه الاولى وأم أولاده وهي الثانيه يعني كل وحده لها مكانها انا الاولى ودائما اركب قدام ذلك لآني الاولى وأم أولاده وهي الثانيه تركب خلف زوجي واذا نزلت هي تركب قدام وهذا كله من احسن أخلاقها ونعم تربيتها لانه صعب انا اركب وراء اكيد بتعب وبتاثر والحمدلله طلعت بنت أصول وتحشم وتقدر ولله الحمد

__________________
الذهب والالماس لاتغيره السنين ولاتغيره الظروف بل يحتفظ بقيمته ورونقه وتزداد قيمته مع السنين 💎

زوجه أولى أو ثانيه جميعهم لهم الاحقيه

لا بالترتيب والاولويه والتفضيل

ولانها تقدر كثيرا ,, يحز في خاطرها وان لم تبديه

__________________
وهل من مصير اخر ؟

اها يا باءعه
اذا عرف السبب بطل العجب
موقفك صح يا عزيزتي مادام انها كبيرة بالسن وطيبه ف معك حق تخلينها تجلس امام
وهذا من طيبك انتي بعد
والله يديم فضله عليكم..



عزيزتي دره انا معجبه بشخصيتك وصبرك وحكمتك الله يوفقك ويسعدك🌹

لكن يا دره بمجرد زواج زوجك منها صارت زوووجه " مافيه اولى ولا ثانيه "
صارت زوجه وبس.. هذا مجرد ترتيب رقمي في الاحداث ماله دخل بالحقوق والواجبات
ما تراعيك وتراعي نفسيتك "في الكماليات" الا بالسته شهور الاولى وبعد كذا لها مثل ما لك بكللللل شي
كونك الاولى ما يميزك عنها بشي .. وكونها الثانيه ما يميزها عنك بشي..

حتى هي صارت زوجته وبتصير ام عياله وبتصير بينهم عشره مع الايام وتتلاشى حكاية انك ام العيال والعشره
ف من الحين وازني اموك واللي يومها تركب قدام اذا مضطرين مع بعض..
قبل تتفاجءين فيها راكبه قدام لانها انتظرت تجي منك ما فيه امل
انتبهي ترى السكوت مو داءما علامة رضا.. واذا حبيبك عسل.......

وانتي عسل ما يحتاج احد ينبهك الله يوفقك ويسعدك❤

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

بلا عدل بلا خرابيط،

خلوا الرجال يعدلوا اول في النفقة والسكنى بعدين يفكروا في هالمواضيع،

ومعليش على الي بقوله ومن دون زعل وانا ما اقصد الاخت الفاضلة بائعة لكن الي بتتصنع مشكلة من مثل هالمواضيع عقلها صغير وامرأة تافهة،

سواء ركبتي قدام ولا ورا اهم شيء اوصل مشواري وخلاص،
ما راح تصيرين الكوين ولا البرنسيس اذا ركبتي قدام،

وصلى الله وبارك على نبينا

بس فيه شي بداخلي مو مرضيني بالطريقه
سبحان الله
دره تقول انا أم عياله والأولى
ياحبيبتي الثانيه راح تجيب عيال وبتكون أم لعياله كمان
ومكتوب في الورق زوجه
مثلك مكتوب زوجه
مافيه زوجه برتبه أولى وكلام آخر. .
يادره انا اقولك شعوري
مستصعبه جلستها ورأي وهي كبيره بالعمر
استحي بصراحه
وبنفس الوقت أفكر كيف هي مااستحت تجلس بالامام وانا وهي زوجات
شي بداخلي يقول اذا مرررا مفروض يجلس ولده الكبير بالامام وانا وهيا مثل بعض
وراه
تقديرا لمشاعرنا الاثنتين. .
نصيحة ملاذ لك يادره بمحلها انتبهي
لاني والله فكرت اسويها اجلس فجأه قدام واحرجهم
بس خفت من هالخطوه قلت مو بالمشاكل زي ماهيا محترمه
لازم يجي بللاحترام مني كمان وفي نفسي شيء عليها انها ولا مرا قالت انتي قدام
صحيح لها احترام ولكن يبقى بالنفس شيء وانا على حق فيه.

بائعة حبيبتي..

طبيعي إن يبقى شيءٌ في نفسكِ .. وطبيعي ألا تبادر هي وتعرض عليكِ الجلوس في المقعد الأمامي.

حل مثل هذه الأمور ليس في يدكِ ولا في يدها .... الحل في يد الزوج فقط .. وهو الذي يجب أن يراعي مثل هذه التفاصيل.

__________________


اللهم طِيبَ الأثر .. وحُسْنَ الرحيل.