السلام عليكم ورحمة الله وبركاته

شلونكم عساكم بخير..

كما هو واضح من العنوان..

الحمدلله انا ووالدتهم حريصين عليهم كثير حتى ما بعد الطلاق..

طلعت لها بطاقة صراف وارسل لها النفقة كاملة وفيها زيادة من عندي..

كل جمعة و سبت اجييهم ومعي هدايا والعاب واجلس معهم..

كل نهاية شهر اخذهم يومين ثلاث امشيهم مع زوجتي ..

طليقتي كانت خايفة من فكرة الزواج مرة اخرى من اجلهم وايضا خوفا من انتقال حضانتهم لي من حبها الشديد لهم..

مرة اتصلت وسألتني قلت لها ولا يهمك تزوجي وعيشي والاطفال بخليهم عندك وما راح اقصر معهم ردت جزاك الله خير وما تقصر..

يوم تزوجت نصيبها كان مع رجل سيئ ومرت عليها فترات عصيبة كانت تتصل علي وتقول مداك تاخذهم الوضع عندي ما يطمن واقولها ابشري.. ( وكانت تتكرر كذا مرة )

البنات كل ما اخذتهم بالقوة الجبرية ارجعهم لامهم متعلقين بي كثير ويجلسوا يبكون..

رغم ان امهم طيبة وبنت اصول وحنونة وما تقصر معهم وانا من طرفي دايم احببهم في امهم واقولهم خلكم عاقلين واحترموها ولا تقصرون معها ولا تزعلونها لكن ما جاب نتيجة...

بعد ما خلعت زوجها وتحسنت امورها رجعت لها البنات بالقوة وصارو يتعبونها قلق وبكى احيانا تتصل علي تقولي سامحني ع الازعاج بس البنات يبونك ومن اول يبكون و يوم اجي ينقزون في حضني وضحك وقوة تبويس فيا ههه..

وهي الضعيفة مكسورة والدمعة في عينها من المنظر..

طليقتي راحم ضعفها وصراحة ما اقدر اخذهم منها والله حزنان عليها وانا عارف مقدار حبها لهم ما تقدر تفارقهم...

وهم دايم في حال بكى وصياح وما يهدون الا يوم تتصل علي اهديهم والوضع متعب..

الحل مع هالنوع من الاطفال..؟ وشاكر لكم مقدما..