ادري انها مشكله ممكن تكون بسيطه
لكن اسأل كون هذه المشكلة تكمن بأسلوب حياة .. بطريقة تعامل ..
لساا انا ببداية المشوار علشان كذا ابغى اعرف ايش التصرف السليم ..

زوجي متعلم اذا تزاعلنا يحظرني ..
سواها مرتين او ثلاثه بداية الزواج والان مرت شهور ما سواها .. وقبل يسافر حظرني .. لا مو بس كذا قفل بوجهي كمان لما اتصلت من جوال اختي وعاتبته على تصرفه ..

طيب انا غلطت عليه وهو غلط بس خلاص قبل يسافر المفروض يسلم عليا ويودعني مو يعاملني كذا ..

الان هو رجع من السفر واليوم الظهر فك الحظر عني ...
ايش المفروض اعمل ؟!
اكلمه ؟ ولا اطنشه الين هو يكلمني ؟
طيب اذا اتصل ارد عليه او أعامله بالمثل ؟
طيب احظره علشان يحس ب إحساسي لما يحظرني ؟
ولا اسكت ومتى ما اتصل او رسل لو بعد اسبوع ارد عليه وأتكلم ما كأنه صار شي.. ؟!

المشكلة اللي خلته يحظرني كانت بوقتها تقهر .. بس لما أعيدها بيني وبين نفسي احس انها سخافه .. مر على هذا الكلام اربعه ايام يعني اليوم الرابع ..

زمان لما كان يحظرني كان يقول علشان ما اقرأ كلامك وازعل منك او تتصلي وارد وانا زعلان .. احظرك لما اهدأ أرجعك ..
لكن مهما كان السبب مو من حقه يحظرني والله تصرفات اطفال .