تسلمين يالغاليه
ماقصرتي ربي يسعدك
الله يعطيك العافيه معليش بتعبك معاي
انتظرك ..

حبيبتي ..
طفلك بحاجة وظيفتك اكثر من حاجته لك ..

ركزي : الوظيفة ضرورية لك جدا ،
وبعدين على أساس الوظيفة جاهزة !!

انتي اشتغلي عليها .. وسجلي بالضمان ..
واشتغلي على نفسك شوية ..

الاحلام مع الاصرار والتحدي تصير ..
أما الأماني ، فكل الناس تتمنى ..

الله يسخر لك ويفرج همك ويرزقك من
واسع فضله ..

لا يالغاليه
اساليني انا اطفل اذا غاب الام والاب عنه بحياته
وانشغلو واحد في نفسه والثاني يجمع المال
يضيع لايوجد توجيه او حتى يحس بوجودهم جنبه
بعدين ايش راح تفيده الفلوس!
انا مستعده اعيش في خيمه بس اجلس اربي ولدي
تربيه صالحه انا الان امه وابوه بحاول احسن تربيته
خايفه كثير عليه كيف اطلعه رجل صالح فمجتمع كذا
اللي اصبحت الترببيه صعبه حتى بوجود لاب
فمبالك بولدي !
على فكره انا شهادتي حلوه واتوضف بالراحه
بس لا مستحيل طفلي بحاجتي اكثر من الوضيفه
صدقيني لاني اناا مريت بهذا الشي صعبه الطفل
يعيش حياته بدون اب وام مشغوله عنه يفقد اشياء كثيرهه اهم من المال
الله يصلحه ويسخره لطاعته ثم لبري وطاعتي ..
ورزقنا على الله

حبيبتي زينه

سآلتك لك ، قالت : الضمان مايقدر يساعد بشي ، فقط الاعانه السنويه ( المقطوعه ) هي الي بتفيدك
تقدمي عليها وتطلع لك مبلغ محرز بالسنه ( اتوقع تعرفي هالشي )

كمان قالت : البنك السعودي للتسليف والادخار تقدري تطلعي منه قرض ، وتبني لك ملحق
ادخلي علي موقعهم بقوقل وشوفي الشروط والاوراق المطلوبه ، وخذي رقمهم من الاستعلامات واتصلي عليهم
اشرحي وضعك وشوفي ايش الخيارات المتاحه لك ،


حبيبتي عجبني كلامك انك ماتبي وظيفه عشان ولدك ، الله يخليكم لبعض يارب

طيب بقولك ، فيه اعمال تقدري تسويها بالبيت واستثمارها حلوووو مررره ومردودها المادي بعد حلو
ولو عندك مبلغ صغيرون تقدري تدخليه بالاسهم ، وبتجليك ارباح حلوه ،

__________________







بين منطُوٓقّ لم يُقصَد ،
ومٓقٓصُود لمُ يُنٓطق ،
تٓضِيٓع الكٓثِيرٓ مٍن المحٓبة . . .


هديتك لخطيبتك ، النظره الشرعيه ، ليلة الدخله
تدخلات الاقارب ، اختيار شريك الحياه ، نصائح ذهبيه
تجهيزات وترتيبات شهر العسل ، مكالمات ولقآءت الملكة
هديتنا للمقبلين والمقبلات علي الزواج

مفضلة المقبلين على الزواج 2014

اشكرك معليش تعبتك معاي ..
فعلا البيوت الان غاليه حاتى الييوت الجاهزه تعبت وانا ادور عن طريق النت عنها فالسعوديه مالقيت شركه فالسعوديه تسويها بس لقيت وحده شغلها حلو فالبحرين وللاسف طلع المبلغ مع الشحن والجماركم ب160 اغلا من الاسمنت والطوب الله يعين . .
بالنسبه لبنك التسليف فكرت فيه مع انه يعطيك 60 الف
بس يحتاج كفيل ولفه طويله
فكرة بالعمال اللي فالبيت زي العمل عن بعد لباب رزق
ان شاء الله بروح اشوفهم قريبا
الاسهم للاسف ماعرفلها ابدا ولا ادري من وين تبدا ..

حبيبتي بناء دور في المنطقة اللي انا فيها في حدود 120 الف مع التشطيب لو كانت مساحته حلوة والله يرزقك من واسع فضلة
بس انتي جدا غلطانه المال راح يفيدك ويفيد ولدك وكلها ساعات معدودة وترجعين له ﻻتنشفي راسك ادرسي الموضوع زين راح تفيدك وتفيد ولدك يختي هو في شي ببلاش كله محتاج فلوس

الله يعين ماملك ربعه الان .. لاكن ربي كريم
صحيح المال مهم بس التربيه اهم .. الحمدلله انا ع الجمعيه
و ولدي مصروفه اللي ابوه يرسله الحمدلله
رزقًي على الله

من يصرف عليكم طيب
اكيد ولدك يحتاجك
لكن ايضا يحتاج لامان مادي
الالعاب والاكل الصحي التمشيات والبرامج التعليميه المدارس الكويسه
الناس الحين تصرف دم قلبها على عيالها ومو ملحقين
طفلك صغير محتاج حضنك بس الحين لكن اذا كبر بتزيد دائره احتياجاته

لاتخافي .. رزقي عَ الله
بعدين انا افكر اشتغل اذا ولدي دخل المدرسه
بحيث ان نرجع البيت الظهر مع بعض ..
و اكون معاه باقي اليوم ..
ان شاء الله

..

طيب يازينه ليش تشتري من البيوت الجاهزه الي قيمتها
40 او 60 الف ، غاااليه مرره الا اذا كانت مؤثثها نقول تستاهل ،

تقدري تبني لك غرفه وحمام ومطبخ صغيرون بالسطح بآقل من هالمبلغ بكثير( من 10 الي 14 الف تقريبآ)
ولو تبني بالحوش لو كان واسع ومساحته تسمح افضل عشان طفلك يلعب فيه

وكل السالفه كم طوبه وكم كيس اسمنت ورص فوق بعض
بدون اساسات وصب اسمنت وحفر ، مايحتاج الارضيه جاهزه
تقومي غرفه عطول

يعني تختاري مساحة الغرفه 10 في 7
كبيره مره تقسميها بالنص ،
نص غرفة نوم ، ونص تحطي فيه كنب وطاوله وتلفزيون
بس ماتقسميها بالطوب لا
تقسميها بالسواتر الخشب المنظر الي سعرها 54 ريال افضل
توفري عنفسك مكيفين بكل غرفه بكذا ، وتحطي مكيف واحد سبلت يبرد الغرفه كلها
مطبخ صغير عقدك يشترك مع الحمام بنفس السخان اوفر

شوفي حبيبتي سعر الطوبه ( 1 ريال ) ويمكن تحتاجي من ( 500 الي 1000) طوبه
سعر كيس الاسمنت ( 13) ريال يعني (لو تستخدمي 13) كيس اسمنت قيمتها بتكون ( 260 ريال )
الحمام يمكن يكلفك التسليك كامل من ( 400 الي 500 ريال )
ادوات الحمام طقم كامل ( كرسي حمام و بانيو ومغسله ومرايه ) تكلف من ( 400 الي 800 ريال ) ويمكن اقل
السيرميك عندك انواع ارخصها البورسلان يمكن المتر ( 16) ريال
الكهرباء بتكلفك من ( 500 الي 1000) ريال مع شغل اليد ويمكن اقل لاانك ماراح تحتاجي كهرباء كثير
كلها كم لمبه وكم فيش كهرباء ،
السقف حق الغرفه ماراح يحتاج لاطوب ولا حديد ولاصب ، ركبي عازل حراري وفوقه زنك وسوي سقف مستعار سعر المتر للسقف المستعار ( 25) ريال
الدهان والبويه يمكن تكلفك ( من 500 وفوق شوي مع شغل اليد ) ولو تدهنينها انتي افضل انا دهنت غرفة اولادي بنفسي
الابواب ماراح تحتاجي الا بابين باب للحمام الله يكرمك وباب للغرفه وفيه ابواب سعرها ( 200) ريال وابواب سعرها (1000) انتي خذي الي ب (200) ريال
الشباك سوي شباك واحد كبير بالغرفه ارخص يكلف حدود ( 300 الي 400) ريال ويمكن اقل

مع قيمة شغل العماله ماادري كم يآخذو والله بس الي اعرفه انهم يآخذو علي سعر المتر

حبيتي السالفه كلها كم طوبه وترصيها فوق بعض وتفرشي براحتك بعدين حبه حبه لين تكتمل مع الايام
ارخص لك من البيوت الجاهزه الي ب 40 و 60 الف علي وش ؟؟؟

__________________







بين منطُوٓقّ لم يُقصَد ،
ومٓقٓصُود لمُ يُنٓطق ،
تٓضِيٓع الكٓثِيرٓ مٍن المحٓبة . . .


هديتك لخطيبتك ، النظره الشرعيه ، ليلة الدخله
تدخلات الاقارب ، اختيار شريك الحياه ، نصائح ذهبيه
تجهيزات وترتيبات شهر العسل ، مكالمات ولقآءت الملكة
هديتنا للمقبلين والمقبلات علي الزواج

مفضلة المقبلين على الزواج 2014