انا عندي بنتين .. عمر 2 ونص وعمر 4 سنوات .

صراحه مصروف ابوهم لهم 1000 ريال
هو متزوج .. وعنده بنت .. وعنده قروض . راتبه حوالي8000
مع راتبي .. الحمد الله واوضاعنا كويسه .
لكن بين فتره والثانيه .. اطلب زياده على حسب الحاجة .
وهو ممكن يزيد شهر شهرين ويرجع بعدها للمبلغ الاساسي .

بس اهم شي اطلب .. عشان يعرف ان هالالف ترا متكفي وانا مكمله باق المصاريف .

بناتي في روضه ..
صراحه شهريا ممكن توصل مصاريفهم 2000- 2500 شهريا .
وخاصة اني ادفع رسوم الروضه .
اطلعهم 3-4 مرات ترفية
لهم ثلاجه خاصه .. تعبئتها ممكن توصل 500 شهريا ( متفرق هالمبلغ طوال الشهر )


وروحه وحده للصيدلية ممكن نصرف على الاحتياجات 300-200 ريال

بيني وبينك .. راتبي انا مخليته لبناتي ... واخذ منه 1000- 1500 لي ..
بناتي يستاهلون اكثر .. والله يعوضهم بكل خير ..
.....

حطي ببالك ممكن اذا زادت النفقه على طليقك .. واستصعبها مع الوقت .. راح يخطط ياخذ بناتك ..
عشان تقل عليه المصروفات ... لما يكبرون .
وممكن ما يصير هالشي .. لكن احتمال وارد .

بصراحه بالنسبه لراتبه والتزاماته كافي جدا

السلام عليكم
أختي فرح
كيف أخذتي حضانة بناتك أنا عندي بنت وأبي اعرف كيف اطالب ببنتي ويكون لي الحق , وقالت لي وحدة الحين إذا تزوجتي تكون في رعاية امك مادري كلامها صحيح ولا لا؟
أرجو توضيح مايخص حضانتي لبنتي لو طلب والدها حضانتها من الأعضاء وجزاكم الله خير .

اختي
انا أرى أن نفقة البنات 1200 تكفي الاحتياجات الاساسية لهم من غير راتب السائق و الخادمة و مركز التحفيظ يمكن ان تكتبي هذه الاشياء ان يتكفل بها والدهم و يبقي نفقة البنات كما هي و ان يزيدهم في الأعياد و المناسبات.

و بنسبة للعب و الترفيه اختي اجعليه مرة واحدة في الاسبوع فقط فلوقت في أيام الدراسة و العمل ضيق جدا فأنتي تعودي من العمل مرهقة ثم ترتاحي قليلا ثم مسؤولية البيت و البنات ثم اعداد العشاء و النوم المبكر لهم يا دوب الوقت يكفي لكل هذا أيام الدراسة و العمل و اجعلي نهاية الاسبوع للاستجام و الترفيه لك و لهم و اكيد والدهم عندما يأخذهم عنده سيأخذهم معه الى أماكن الترفيه .

اذا كان يمكن حل هذا الامر وديا معه فهذا افضل اختي كي لا ينتقدم منك مستقبلا ليأخذ حضانة البنات عندما يبلغوا او تتزوجي اما اذا لم يكن حل هذا الامر وديا ينفع معه افعلي كما اخبرتك بأن يتكفل طليقك براتب السائق و الخادمة و مركز التحفيظ و زيادة النفقة في المناسبات .

يسر الله امرك

تكفي واحمدي ربك

انا النفقة 400 وراتبه فوق 13 الف
لكن كل اللي اشريه ما يشوفه ابوه لي ولاهلي ومناسباتي وطلعاتي بسسسسس واذا جاء ابوهم لبست من حقه هو
وعلى قد فلوسه
ولماكلم اخوي انهم مو شيك في اللبس قال اخوي اختي مو صرافة عليك وعلى ذريتك
هذا نفقتك كانت 200 ورفعها القاضي 400
ماتجي لاحفايظ ولا حليب ولا ادوية ولا كشفيات ولا لبس
صار هو يجيب اللبس يكلفه فوق الفين وطلع كله اما كبير او اصغر او خامة رديئة ولا يعرف يختار
وهو يشوفها عليهم الى ان قرر باعطاءنا كسوة شتاء وكسوة صيف بالفواتير اعطيه لو بقى ريال رجعته وصراحة تترواح بين الالف والالف خمسمية ما تتعداها
لكن العيدين لا ولو طلبنا ما بيقصر بس للامانه ما راح يعيدون معه اللبس عند اهلي فانا اجيبه
وفي حالة المرض والتعب لا سمح الله وتجاوز الحد المسموح نعطيه فواتير ويدفعها


النزهة والطلعات اعطيهم ابوهم يمشيهم لست ملزومة حسسسيه بالمسؤليه
والسواق نفس الشئ لانه يقضي مشاويرك ومشاويرهم فماله خص وفي سواقين ارخص
وو1200 هذا راتب سواق هندي على كفالة عاد لا تبالغين
وهل يركبون البنات مع السائق وحدهم انتبهي !!!!؟؟؟
الملابس معقولة شهريا تشترين لبس ؟!!؟
هل جرت العادة ان والدهم شهريا يشتري لهم ؟!
لست بملزومة بالدفع عن بناتك لكن اذا ما اعطيتهم اعطي من ؟!
لا تكونين انت وابوهم عليهم ؟!


مد لحافك على قد رجليك وخليك صادقة معه ولا تبالغين في المصاريف حتى هو وراه مسؤليات
تفرقتو وربي بيغنيك انت وهو من سعته

سارا مره عجبتني طريقتك
عجبني انك ما خليتيه يشوف على الولد الا الي يدفعه هو
شطوره يا بنت

شكرا اختي وامين على الدعوات وجزاك الله خيرا .. ما زلت اشوف المبلغ قليل انا اصرف عليهم اكثر من هذا المبلغ لهذا السبب راح اطالب بزياده النفقه الحكم في الاول والاخر للشيخ

__________________
Hug

هلا اختي ع الاقل لو كانت2000 مناسب نوعا ما .. الدنيا غاليه والمصاريف كثييييير والاطفال يحتاجوا .. يبقى له من الراتب 5000 اشوفه مناسب لأن ما عنده التزامات .. وراتبه يزيد كل سنه .. خليه يصرف هذول بناته .. وانا مو مقصره عليهم ان شاء الله .. لعلمك وانا معه كان يصرف راتبه ع التفاهات مثل صبغات تسويد الشعر كريمات تنعيم البشره اعشاب للتنحيف نادي رياضي حبوب وادويه من جي ان سي وارمال عطور توصل احيانا ل 2000 و3000 الآف

__________________
Hug

كلامك مثل طليقي ارسلت قبل فتره اطلبه منه مصاريف للبنات قال طالما طالبتي بالحضانه اتحملي المصاريف نسى ان في الشرع النفقه على الاب هذا وهو دارس قانون وانظمه وفاهم اكثر مني المهم ثاني يوم رفعت قضيه طلب نفقه .. اختي ترى هو ابوهم ولازم يدفع بناته اهم وانا مو مقصره معاهم

__________________
Hug

هو ذكر لي مره ان زوجته تتساعد معه يعني التزاماته قليله .. النفقه ما تكفي وهم عندي الله يحفظهم صرفت عليهم اكثر من هذا المبلغ

__________________
Hug