اختي اشكرك على الرد المفصل .. لكن في الحقيقة انا ماخرجت من بيتي ولكن في كل مشكلة بيننا يصغر عقلي واقول لزوجي وديني بيت اهلي وبصراحة ماعمره هو قال بوديك بيت اهلك وفوق كذا لما اطلب منه يوديني بيت اهلي يتهرب من ذلك بصور كثيرةوهالشي يثبت تمسكه فيني وحتى هو قالها قال انا متمسك فيك وانتي من ابسط مشكلة تقولي وديني بيت اهلي..

بالنسبة للسيارة فانا اشتريتها كاش باسم زوجي وهو يعطيني اقساطها حسب ظروفه يعني الشهر اللي ماعليه التزامات يعطيني والشهر اللي عليه مايعطيني ويأجلها للشهر اللي بعده .. قبل شوي قالي اعطيني بطاقتك الصراف عشان اودع لك قسط السيارة طبعا من دون ما اطلب منه القسط..

الارض شريتها الحمدلله باقي البناء .. طبعا كنا متفقين من قبل اني ابني شي سكن لنا وشي استثمار .. وكنت اقول لزوجي اني ابي ابني فلة صغيرة على قدنا وكم شقة استثمرها وبصراحة كان رايه اني ابنيها شقق واستغل مساحة الارض في شقق ونسكن بشقة ونستثمر الباقي وماله داعي الفلة تكفينا شقة واستثمر الباقي بس انا قلت لا ابي ابني فلة واعيش حياتي الانسان كم مرة بيبني وكم مرة بيعيش قالي براحتك

اما مؤنة البيت ومصاريفه فهو اللي متكفل فيه من الى وبصراحة ماعمري طلبت شي لي او للبيت وقال لا..

زوجي حاليا قاعد يكمل دراسته وان شاءالله يدخل الجامعة ويدرس لغة ويطور نفسه في عمله وهالشي مريحنيمن جهته كثير لاني احبه طموح ويخطط للمستقبل..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

الله يوفقك وييسر لكم حياتكم الجديدة..

يا أختي واضح أن شخصيتك طيبة وقلبك أبيض، ما شاء الله عليك..
وهذا مبين من حرصك على زوجك ومستقبلك معاه، الله يوفقكم لكل خير.!

ولكن أحذري كل الحذر: من تذكير زوجك بما قدمتي له مهما كانت الظروف، إذا أعطيتي أو بذلتي أعتبريها لوجه الله
ولا تنتظري أن يردها لك، لا تحسسيه إنك متفضله عليه، لأن هذا يمس كرامته وقوامته..

صراحة أعجبني إهتمامك بمستقبلكم ومساندتك لزوجك، الله لا يغير عليكم..
بالنسبة لبناء الأرض أنا أرى أنك تتكفلي ببنائها لوحدك بدون أموال زوجك تفادياً لحدوث مشاكل مستقبلية لا قدر الله.

أما أهله خليهم يجون يزورونكم يوم اسبوع عادي الموضوع، وفي الاخير هذولي أهله صعب أنه يردهم، ولك الأجر بحول الله..

أتمنى لكم التوفيق وحياة سعيدة

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

في كلامك هنا صورتي لنا ان زوجك مافيه اي مشكلة وموضوعك السابق كنت تشتكي من ان عينه طويلة على راتبك ... اعطينا الموضوع من كل جوانبه عشان ننصحك صح .... بعدين 5000آلاف رجعها لك والا سحب عليك ?

نصيحتي اذا اعطيت زوجك وصرفتي وساعدتي في سياره والا غيره حطي في بالك انه مهما طال الزمن راح يجحد مساعدتك ويعتبره امر واجب عليك وتذكري كلامي هذا من وحده مجربه وزوجي مافيه اطيب منه ....وبكره راح يتحسن وضعه وتزيد فلوسه وبتكونين انت اول وحده يجحد مساعدتها ...

اما بناء البيت مادام انه بإسمك عادي ابني ولو صار شئ في الاخير بيتك هو الطالع وانت الجالسه .....

وكلام الرجال هنا انه اعطي وهذا زوجك وما ادري ايش ترى حق الطاعه مقابل النفقه لعلمكم ...وهي لو تتسلف منه 100 بيخلها ترجعها ولاهو راضي بفلوسه لكن تعب غيره عادي يأخذه ولا يرجعه .....
اما البيت

جزاكم الله خير .. ان شاءالله ارد على كل من سأل وعلق .. ولي عودة

لكن السؤال هنا اذا غدا سافرنا هل ممكن ارجع افتح مع زوجي تخطيط حياتنا من جديد وارجع اقوله انه خلاص راح ابني البيت ونرجع لاتفاقاتنا اللي قبل ولا خلاص اظل على ماانا عليه لما قلت له ماراح ابني ؟؟

موضوع ثاني نسيت ماكلمتكم عنه اكيد تتذكرون البيت اللي نويت اسويه بقرية اهل زوجي طبعا ابو زوجي عطى زوجي قطعة ارض كبيرة يبني فيها وانا قلت زوجي خلينا نبنيها شي على قدنا عشان اذا سافرنا عند اهلك نستقل بحياتنا وطبعا لان ماعند زوجي المادة انا تكفلت في البناء بس ماكملته .. والشهادة لله زوجي ماكلمني عنه ولا لمح له ابد .. سؤالي هل ارجع افتح موضوع البيت وانه نكمله عشان لو سافرنا يكون لنا بيتنا المستقل؟

هل افتح مع زوجي في سفرتنا هذي كل مواضيع حياتنا ونقسم كل شي بيننا ونتفق كيف نبني مستقبلنا ونبدأ بداية جديدة؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

بديتوا صفحة جديدة انت المبادرة فيها بكل شي
هو وش قدم ؟!
ولا شي
تريثي لا تستعجلين
زوجك ما تغير ، بس انت متفاءلة بزيادة ومستعجلة جداً
طالما انك تعطين هو مبسوط
خلي هالسفرة تخلص من غير ما تسوين فيها حاتم الطاءي
وبعدها بتذكرين كلامي وبتشوفين انه ما عنده استعداد يقدم كثر ما ياخذ منك

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

مع مسز داني وشوك

لاتندفعي وتستعجلي ، انا عارفة انك تبغي تصلحي الوضع وتنتهي من المشاكل
بس اصبري ، شوفي هو اول ايش بيقدم ويفعل ؟
هل اتغير حقيقي ؟
مو من يوم او يومين التغيير ، مع الايام ومواقف زوجك راح يبان اذا اتغير او لا

انا اشوف لا ، لاتفتحي مواضيع البناء والفلوس والتخطيط مع زوجك وقت السفر
انتوا رايحييين تغيروا جو وتنبسطوا والوقت مو مناسب

ياشيخة خوديها فترة نقاهة ليكي بعيدة عن التوتر والزعل والنكد

لا تبادري لأنك كدا ما استفدتي واختصرتي عليه موضوع البناء وراح يكون كل شي عليكي
قفلي عن الموضوع لحد هو مايفتحه وتسمعي اللي يقوله وعليها يعتمد تصرفك

والله يكتب لكِ اللي فيه الخير

اختي ما ابي أحبطك بس أنا مع اللي قالوا لا تستعجلين وتقررين أمورك المادية من الحين

تريثي وشوفي زوجك تغير وللا لا

واقرئي رد الأخ الرسمي بتمعن شديد خصوصا:

وبالنسبة للسفره لا تفاتحي فيها زوجك بأي شي خليها فرصه للاستجمام واختبار زوجك بعد

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

مدري احس كلامكم احبطني كثير ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

اختي
بيت القريه مالك علاقه فيه
لانك ماراح تستفيدي استثماريا منه
والافضل توفير المال بناء الفله والشقق الاستثماريه
نضيحتي ابني
مو كل النساء ازواجهم يصرفون عليهم ويبنون
احيانا الظروف تحد الوحده تلعب دور الرجل
اما لبخل الزوج او قله حيلته الماديه
السياره خليه يعطيكي اقساطها
مافيها اي مشكله لكم
والبناء استمري فيه وسوي لك استثمارات زي ماقلتي بشرط العائد منها يرجع لك
والله يعينك
اهم شي تقتنعي ان كل هذا تسوينه بحسن نيه
مو تتمني عليه بعدين
السفره روحوا استانسوا ولا تفتحين اي موضوع ابد
للراحه والاستجمام فقط

جزاك الله خير .. بيت القرية صحيح مابستفيد استثماريا بس بستفيد نفسيا .. اذا سافرنا لاهله زوجي عادي جدا نجلس مدة السفرة عند اهله بس انا مااخذ راحتي واحيان يجون اخوانه وزوجاتهم ويصير زحمة وما ارتاح .. وباقي امور بسيطة في البيت ماراح تكلف علي كثير وبالنهاية هذي بيتي والكل يعرف اني انا اللي سويته وزوجي كان مصر ان الكل يعرف اني انا اللي بنيته وهالشي يحسب له بهالموضوع،،

اذا بنيت بيت وشقق استثمرها اكيد العائد علي .. بصراحة زوجي ماقد طلب شي لنفسه .. او طلبني اطلع قرض مثلا عشان هو يستفيد ،، بالعكس كان هو اللي يساعدني اجمع فلوسي وكان دايم يقول البيت اهم شي عشان لاسمح الله مت ماتلاقي نفسك بالشارع يكون عندك بيت واستثمار يعود عليك بالفائدة ..
زوجي صحيح يبيني اساعده في امور حياتنا بس مو لانه بخيل او لانه طماع لا لانه ماعنده .. بس اللي يقهرني فيه انه مايحاول يدور دخل ثاني مع انه يتمنى يلاقي دخل ثاني يحسن فيه وضعه ..

والله ان المودة والحنان والاحترام تساوي عندي فلوس الدنيا كلها.. واكثر من رأي قرأته يقول أن انتي ادرى بزوجك اذا يستاهل توقفي جنبه وتساعديه ولا مايستاهل.. وهذا اللي مريحني من هالناحية..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..