بس ياختي همس ليش كذا احنا غيرنا كسبن ازوجهن واحنا مانعرف شي عن كيف نتعامل معهم طلاق علي طول أعوذ بالله أشوف أهلي بناتهم متزوجات والله أنهن اصغر مني ومشت حياتهم ليش انا كذاانقهر والله علي حالي ......

(وعسى ان تكرهوا شئياً ويجعل الله فيه خيراً كثيراً )

،
همسة :


رزقك المتأخر ، قد يكون أفضل بكثير من أرزاقهم المتقدمه ، فلا تيأس ، انتظر من الله كل ما هو جميل وتفائل

مصونات استغفري
لا تعترضي على حكم الله وقدره
طيب انتي تشوفين ليه غيرك اعمى
تمشين ليه غيرك مقعد
طيب الرسول صلى الله عليه وسلم ماتوا اولاده وهو نبي الله
وابناء الناس عايشه
مصونات تغيري بس خلاص

مشكورة ياهمس انتي ومبتعثة الله يجزاكم الفردوس الاعلي من الجنة يارب .......وإنتي يامبتعثة مانخطبتي الا الان وإنتي ياهمس مطلقة تكلمي عن نفسك انتي ومبتعثة .......

‏💜

إنّه الله الذي يهبُك أفراح تُنسيك أنك بكيت ليال، والذي يمدّك بالقوّة لتقف بعد أن تنهار قواك.

ثقي بالله واعرفي ان امر المؤمن كله خير .. والعوض على قد الصبر

مصونات ..
انا اشوف نفسي مميزه
الحمد لله الذي اختبر صبري بالطلاق
ويجعله اكبر ما اصابني
الله يحفظ لي امي وابوي واخواني واخواتي وولدي
هم الخساره الحقيقيه اما ولد الناس غيره بلايين يتعوض

قولي الحمد لله وقوي نفسك وصبريها والله لو انهرتي ماحد بيقول بعمري وفيني ولا فيك
اثبتي للمجتمع ان المطلقه منطلقه متفائله سعيده

انت احسن مني
انا ياحبيبتي تطلقت 3 مرات
ومريت بفترة حزن ماتتعدى 3 شهور
بعدين صحصحت وقلت ليش ادفن جمالي بالهم والغم والحزن
الي ماراح تقدم بس بتاخر
بعد اول طلاق اخذت دورات انقلش وحاسب اللي
بعد ثاني طلاق دخلت نادي صحي وماتتوقعين الرياضه قد ايش
تعطي شعور جميل لنفسيه الجسم ينشد ويتنشط الثقه تزيد
تزوجت الثالث وكاني بنت من اهتمامي وعنايتي بنفسي كان يقول خسران الي تركك بس الحمد لله تركوك لي
وشوفي طلقني بعد ماحب غيري
ووالله ماهز فيني شعره بالعكس اذا هو اعمى او طماع ربي
بيعوضني بالي يحبني لنفسي قبل شكلي
ولو تشوفيني بعد اقل من سنه طلاق وجايبه ولد
جسمي عنايه وشعري وبشرتي يومياً
واطلع واتمشى واقابل صديقاتي
اهلي مصدومين من قوتي
ليش انا قويه ... لان والله ماحد بينفعني
زادت انوثتي ورقتي وحناني ع ولدي كاني وحده ماقد ذاقت المعاناة ابداً

مصونات الامل والتفائل سبب من اسباب سعادتي
لولا الله ثم هيه كان انا الحين بالطب النفسي
لان الي شفته مو قليل
الضعف والانهيار ماراح تغير شيء
ماقول لك ماحط راسي ع مخدتي وابكي واتحسر
بس والله اصحى الصباح متفائله

وع فكره انخطبت من رجال متزوج
ولمن شافني وجلس معاي
يقول لاخته صديقتي
هذي كانها ماقد عرفت الرجال
ثقه ورزانه وعنايه ما شاء الله
والله انا الحين مرتاحه مابي اتزوج ابداً وكرهت الرجال
بس اخت هالرجال تقول جربي وشوفي اخوي واجلسي معاه يمكن يتغير رايك .... بس لمن جلست معاه صاحب دين ومو متشدد
ووعدني باشياء جميله وتعلق فيني كثير
بس انا مرتاحه الحين الحمد لله وبعطي نفسي وقت
عندي بزنز صغيرون اتسلى فيه
وبكمل دراستي الجامعيه
وبستمتع بولدي ربي يبارك لي فيه
وبخلي كل تركيزي عليه وع نفسي بس
الزواج ستر وجميل لمن وجدت الرجال المناسب ورغبت به
لكن ماهو كل الحياة

ربما غداً اجمل .... والحمد لله

مهم جداً #

ابعدي عن الاشخاص والبيئه المحبطه

ليتني مثلك انا تصدقيين من اول تهزء فيني طليقي انهرت كيف لك النفسية الحلوة بعد ثلاث زواجات......انتظر ردك

لا ماانخطبت
وهذا انا قاعده بدون اولاد ولا زواج
وحامده ربي وشاكرته
وراضيه وقانعه
العله مو بضروفك
كثير المطلقات
العله فيك وتفكيرك مصونات
اصحي ليمتى بتتبكين وتسوين مناحه وهم وغم
افرحي

كل يوم اسأل نفسي هالسوال متى أنسى ومتى اعيش متى افرح متى اشتاق لبكره يجي بسرعة سبحان الله بس نتزوج ويكتب لنا الانفصال تتغير حياتنا حتى اهلنا يشوفونا غرباء أوقات أقول يارب يطّلع هذا حلم وكابوس واصحى منه اشتقت لنفسي اشتقت اضحك والعب اشتقت يكون اكبر همومي وش اتعشى ولا ما ماانام الا وجوالي بشاحن عشان اصحى ما القاه طافي الطلاق يكبر المراءة سبعين سنه قدام والحمدلله على قضاء رب العالمين .