لازم تتأكدي بأي طريقه كانت عن طريق الادوية وتعرفي نوع المرض اللي فيه
لان لو طلع فيه مرض جنسي لا قدر الله فيه خطر كبير عليك وممكن ينتقل المرض لك عن طريق المعاشرة الجنسية
وإن شاء الله يكون توقعي خطأ

ما خبا عنك مرضه الا وراه سر ...

وهالسر ان عرفتيه اتوقع انك بتكرهينه ..وهذا اللي خلاه يرمي يمين الطلاق ..


لكن تبين الراحه والسعاده

احتسبي الاجر بهالضعيف وانويها قربة لله ووقفي بجنبه وكوني خير معين له
واعينيه على الخير والتقرب لله

ماتدرين يمكن هالزوج ووقفتك معاه باب خيييير لك وبركة بحياتك وتوفيقك

بس اللي عليك تخلصين النيه لله

ياحبيبتي
بس معلومه .. شرعا يجوز وله الحق اي انسان مريض بانه يخبي وش مرضه لأي احد
فهذا حقه وليس عليه ذنب
هو طلب منك خدمه انك تنتبهين على اوقات الدواء
يابنت انتي سوي اللي أمرك فيه ولا هو شي كبير واحتسبي الاجر عند الله
بإذن الله بتشوفين الخير
لاتنكدين على زوجك ان كنتي تعاندينه ان كنتي تراددين ان كنتي وان كنتي...
حاليا ولمدة كم شهر قدام حطي فبالك فرضا
شهرين خذي عهد مع نفسك انك بتكونين طول اليوم مبتسمه وكل شي اقلبيه مزح معاه
حاولي تهدين النفوس المشحونه
حااااااولي قد ماتقدرين وبكل قوتك
وان هدأ وتحسنت نفسيته عذا بيساعد في علاجه كثير ويمكن يتغير للأفضل
يمكن اللي يسويه معك بسبب الادويه ومرضه يااختي ادبعض الادويه بجد يسبب قلق وتغيير في الشخصيه يصير عصبي ومتوتر وقلق
عشانك وعشان عيالك وابو عيالك
جاهدي لتغيير الحياة بينكم للأفضل
جربي شهر عالاقل شوفي كيف يصير معك..
الله يصلح الاحوال يارب

👍👍👍صحيح كلام ريماس

خلي عنك العاطفه
مامنعك انك تعرفي عن الادويه الاى وراه شيء وشيء كبير
امتنعي عن الجماع
واعرفي ايش الادويه
واسالي شيخ عن يمينه وانك تخشين ان يكون فيه مرض معدي وهو رافض انك تعرفي
لعل يمينه تكون لها كفاره اسالي شيخ ثقه
ولاكن امتنعي عن الجماع
واعرفي مافي زوجك فهو افضل لك

طيب ليه ماتعطينه الامان

يعني قولي له فلان والله لو فيك امراض الدنيا ماراح استغني عنك ..
انت الحب وانت السعاده وبكل حالاتك احبك
مريض او متعب او مقعد تبقى بقلبي
ولا راح اتخلى عنك ..

ياختي واضح ان زوجك مو حاس معك بالامان وخاصة بعد ماتركتيه ورحتي لاهلك
انت انفعاليه ومافيك صبر وطولة بال عليه ..

تقدرين تاخذين عقله وروحه وماله اذا غيرتي شخصيتك وتعلمتي البرود بالمواقف الصعبه واللي ترفع الضغط
يعني مثلا يوم صرف ماله على اهله او اخوانه شكرتيه ومدحتيه واثنيتي عليه ورفعتيه للسماء وبعدين بينتي باسلوب استعطاف او اسلوب مزح مع ابتسامه بان حبيبته مشتاقه للفلوس
وخلاص حتى لو ماعطاك ماتسوين مشكله

وهكذا كل ماعطاهم استخدمتي نفس الاسلوب مع تغيير بسيط

هو نفسه بيقتنع وصدقيني بيتغير وبعطيك اضعاف اللي يعطيهم

واكبر غلط تكونين مستخدمه معه لفتره معينه اسلوب ممتاز وبعده تنتكسين للاسلوب الانفعالي او العتاب
كذا ماراح يتغير



الزبده لو غيرتي اسلوبك وعطيتيه الامان هو من نفسه بيجي وبيعلمك وش المرض

الله يعطيكم العااافيه ويحزاكم الخير

يعلم الله ان حالتيالنفسيه سيئه جدا وزوجي بعد والدليل كل يوم يقولي كولي تبن كولي...والسبب يتنرفز بسرعه

مقهوره وتعبانه وحلف مايعلمني وش فيه
اقوله ماتثق فيني يقول هه97بالميه نسبة الثقه


وبالنسبه لعلاجه اعطيه منه الصبخ والظهر والعشا اتصل عليه تعال خذ علاجك ماياخذه
للنه عند اهله وبرى وينساه واذكره يقول مايمديني اجي للبيت واذا عطيته اذا جا اخر الليل يقول خلاص راح وقته
ترك العلاج الحين يقول ماني ملتزم فيه
مهو ذنبي
وجهه موعاجبني وقلتله وجهك وعيونك متنفخه قال مصدع وابي بندول واعطيته
......

انسان تعبت معاااه ماني مرتاحه وماهو مرتاااح والله
والسبب ؟؟؟؟؟؟

احس الدنيا مقفله بوجهي من كل ناحيه وكارهه كل حيااتي واكره اهله مااحترموني ومااحترموه ومع ذلك نوصلهم
ويقرقون بينه وبين اخوانه هو واطين وجهه
واللي يقول مخدرات مستحيل واهله ياخذون الفلوس منه حسد فيني انا
اللي يقرا مراضيعي القديمه بيفهم
يبغوني عبدة لهم وشغاله لكن يهبون ويخسون
الواجب علي اوصلهم اتطمن عليهم واسلم
اكثر من كذا ماعندي

ادري كلامي منحاس وماهو مرتب بس دعواتكم لي وله

حطي الرقيه ببيتك وسورة البقره وخاصة بوجوده يمكن مريض مرض روحي والله اعلم
القران كله خير
قصص كثير اسمعها بعد ماحطوا سورة البقرة خفت المشاكل والعصبيه
الله يكون بعونك حبيبتي

خليك من هذا كله
وتابعي وضع المؤسسة الي بأسمك
او اغلقيها
لاتلقي نفسك فجأه مطالبة بديون...

الله يفرج همك عزيزتي ويشفي زوجك
ويسعدك دنيا وآخرة
المهم انك عارفة انو زوجك مريض ولا حرج على المريض
فشوفي ئديش بتقدري تتحملي تساعديه وتوقفي بجنبه من دون ما يأثر هالشي على صحتك وافصلي حياتك عن اهله يعني ما تتذكري المواقف اللي بتترك وجع بقلبك
وحاولي تخلي،زوجك يوثق فيكي من خلال اهتمامك فيه وخوفك عليه وعندها ممكن يصارحك ويصير صفحة بيضا الك
أسأل الله ان يبدل حالك الى احسن حال
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه