اللي يردون على الأخت ياريت يشوفون مواضيعها قبل عشان يفهمون نوعية زوجها وترى بياضة على اسمها ماهي مقصرة الله يسعدها بس الله يهدي زوجها على فكرة بياضة بالنسبة لكلمته في الرسالة عن الموت ترى كثير يستخدمونها يبغون الزوجة تنفجع وتنصرف عن مطالبها ترى ماراح يموت الا في يومه ماعليك من هذا الكلام قد سارت هوشة بيني وبين زوجي اتذكر قالي لامت سوي اللي تبغين على باله بقوله لاتقول كذا ولا انفجع واسكت رحت طليت فيه بكل برود قلت له وليه ماتسعدني في حياتك افضل مااستني موتك هو اللي قمط وبلع العافية هههه .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

اشكرك الوحيد .. يعلم الله اني لم أقصر معه ابداااا
واذا على الطلعات فهي مره في الأسبوع بين العصر والمغرب لا تتجاوز الساعتين في نفس المكان ما غيره مزرعه يملكها أبوه
.. ولا بأمدح نفسي يعلم الله اني حاولت معه ولا زلت محاوله بما أن مالي رغبه في الطلاق مستحيل مستحيل اضحي بعيالي لأجل سعادتي.

__________________

تواااقه اشكرك 🍃

انا والله أحب الخروج أحب أعيش واشوف الحياه لكن ما اربط سعادتي ولا شقائي بالطلعه من البيت لاحظي اني اطلبه يطلع ويتركني.
. انتي لو كنتي في الجنه وكان معك شخص معبس ما يتكلم ما يضحك ويهاوش صدقيني تكرهين المكان الي انتي فيه .
بالفعل صفات زوجي نفس صفات طليقك غير مبالي، بس خليني شوية أنسى ما أصلح له حاجه يقلب البيت فوق تحت يعني يقصر فيني وفي حقوقي ويطلب مني أصبر واسكت

__________________

بنت طيبة شكله كان بيخوفني عليه لما جاب سيرة الموت انا صحيح خفت لكن ما وضحت ولا أرسلت له شي . الله يسعدك سعادة لا شقاء بعدها 💕

__________________

المستجد اني كلمت اخوي وجا لي للبيت رحت أزور بنات عمي ولسى ما ادري زوجي وينه!!

لما وصلت لهم ارسلت له انا عند أهلي عشان لا يخاف لو رجع البيت وما حصلنا ..
رجعت بيتي الساعة 11 لقيت الملازم عند طاولة المدخل وحصلته نايم .. صراحه حزنت عليه 😔

__________________

السلام عليكم ورحمة الله وبركاته...

بياضة حبيبة كيف مادية زوجك هل عليه ديون وعلى من يصرف؟!

ما الذي تغير فيه خلال الفترة الماضية؟!

غطيه بياضه، تعرفي أحيانا الظروف تجبر الإنسان على تصرفات الطرف الآخر ينظر لها بأنها قسوة وهو لا يعلم بأنه هو يعيش أكثر بؤسا منه..

أظن والله أعلم زوجك حالته المادية مؤثرة عليه والتفكير بأخواته بما هو الكبير،

نعم ليس مبرر على قسوته معك لكن افعلي الاخف ضرر عليكما..

أنت تستحقين كل الفرح.
اكتبي سلبياته وايجابياته؟!

وعليكم آلسلام ورحمة الله وبركاته

ماديته سقيا فوق الممتازة راتبه فوق ال10 آلاف مسكننا ملك سيارتنا ملك مافيه ديون مافيه قروض .

ايجابياته : يحترم أهلي ويقدرهم وما يحرمني منهم
كوووويس مره عند أولادة يعطيهم عيونه . تدينه وخوفه من الله .
سلبياته فقط معي وحدي في كل شي .. يتضجر مني ومن شكلي ومن لبسي ومن تزيني حتى أنه يغار علي من الجن ويخشى افتنهم وكان هذا سبب ضربه لي . كتبت موضوع في هذي النقطه . إذا طلبت طلب يخصني مرفوض او مؤجل ا ذا طلبت طلب يخص أولادي يجيبه .
عصبي وسريع الاشتعال لكن بحمد الله انا عرفت أتعامل معاه من الناحيه هذي . بالصمت والتقبل حتى يهدأ .

ماسك من الناحية المادية .

تعرفين سقيا مشكلته معي انا فقط .

__________________

ماشاء الله جميل جدا

__________________

السلام عليكم ورحمة الله وبركاته ..

لم أقرأ موضوعكِ السابق حبيبتي سأطلع عليه..

هل حصل أمرا معين تغيرت معاملته معك أم هكذا كان معكِ من البداية ؟!

هل تحدثت بأن يعطيك مصروف وشو رده ؟!

من يدفع رسوم الجامعة أنتِ أم هو وهل وافق بسرعة عالدخول ؟!

وهل يصرف على أهله من راتبه ولا فقط أنتم ؟!

بالنسبة لأي نصيحة توجيهها له ادخلي من باب الدين دوماً..

إيجابياته ماشاء الله تبارك الله جميلة ..

وبإنتظار إجابتكِ ..

رده الله إليك رد جميلا ..

اتوقع زوجك نمطه شرقي

اقراي عن النمط الشرقي تلاقين من صفاته كثير من صفات زوجك واذكر لك منها :
* فيه تدين ومحافظة على العادات والتقاليد
*تقليدي في كل شي " تجنبي الصرعات الجديده في كل شيء لانه تقليييييدي يحب الاصاله بكل شي"
*حريص على ماله " حريص وليس بخيل "
*يحب اللباس الساتر ويكره المشخلع " نابع من تدينه وتقليديته"
*يقدس الحياة الزوجيه ومن افضل الانماط في الحفاظ على اسرته
*صامت لا يتكلم الا قليلا
*وهو رجل بمعنى الكلمه
*يحب طلعات البر اكثر من المولات والملاهي "لانه كما قلنا تقليييييدي"
*يحب من النساء الدلوعه والتي تتفجر منها الانوثه هذي يسلمها راسه الصعب
فخليك دلوعه وانثى معه
*يحب اهله كثير " فراعي هذي النقطة في طبعه"
*تحليلي ومخطط يعني اذا بتشترين غرض جديد للبيت اول شي بيني مزاياه وخليه يحلل الموضوع مع نفسه وما تلاقينه الا اشترى هالغرض وجابه
لانه يحب يقتنع بفاءده الشي حتى يشتريه
*ما يحب الحوسه يعني قبل المشوار بيني له اننا بنروح المكان الفلاني نجيب كذا ثم نروح المكان الفلاني نجيب كذا؛ لكن تسكتين وفي السياره تفاجءينه بالمشاوير مااااايحب لانه انسان مخطط ويحب يمشي على خريطه واضحه لمشاويره
*اذا خيرك بين شيءين لا تقولين بكيفك لا اختاري وش تبين
الشرقي يحب تحددين له اش تبين بالضبط " كيفك هذي تجيبله الجلطه لانه يحب يمشي على بصيره
لما قلت يحب اللباس الساتر لاىيعني هذا الساتر كنك امام رجل اجنبي لا
لكن مثلا يكره الانجري لانه مشخلع بزياده لكن يحب يشوفك بلبس ماسك على الجسم
يحب يشوفك ب تنوره وبلوزه ماسكه على جسمك " ترى يحب الضيق اكثر من العاري فركزي على ساتر ضيق "

خلي ستايلك في اللبس امامه يميل للباس الملكي يعني كنها ملكه اللي جالسه امامه
ولا اقصد ترزين نفسك بلبس ما يناسب البيت " بختصار خليك ملكه في كل شي "
اجلسي جلسة الواثقه ظهرك منتصب وراسك مرفوع " لانه يحب الشامخه اللي يحس معها انه ماخذ وحده وااااو ورزه؛ لكن بدون تعالي عليه الشرقي كرامته فوق حبه لك😄


اخي نمطه شرقي وهو قريب من صفات زوجك مع زوجته غير الضرب عمره ما مد يده عليها
ولما مد يده مره " ولا نعرف السبب" جلست تصيح حتى سمعنا صوتها وسوتله حفله هذيك الليله واتوقع بعدها حرم يمد يده عليها
وكان مصررررر ما تتوظف لكن لما شاف اصرارها وصمودها على الوظيفه تنازل وقبل بها
لان الشرقي لديه قناعات ان المراة للبيت والرجل للكد في الخارج

وفعلا اخي ما زال يصرف على بيته وزوجته ولا ياخذ منها ريال واحد " كما قلت لك الشرقي رجل بمعنى الكلمة " بشرط لا تستفزينه ولا تكونين ضعيفه حد الخور امامه فيستقوي"

اتمنى اكون افدتك


وزوجك راءع فلا تخسرينه

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )