من متى الازواج يمسكون الاطفال ولا يهتمون الا من رحم ربي بالذات الاطفال مايتحملونهم ساعه عموما بعد مايرجع ولا كنه حصل شي وكلميه عادي الله يهدي سرك يارب

__________________
حسبي الله لا اله الا هو عليه توكلت وهو رب العرش العظيم

يمكن في مجتمعك ما يمسك بس عندنا يمسك عادي لانهم عياله هو مثل ما هم عيالي اشوف كثير جدا في مجتمعي يمسكون عيالهم عادي ولا يتضمرون منهم بالعكس يحبوهم
اسفة للمداخله لكن سمعت الكلام اكثر من مره من متى من متى حرام نظلم الرجال كلهم

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

عروس حبيبتي..

لله الحمد زوجي من النوع اللي يساعدني في عيالي .. من أول ما ولدت كل واحد منهم وهو يساعدني في كل تفاصيلهم .. يأكلهم ويسبّحهم ويلبّسهم وينوّمهم .. حتى البامبرز يغيره لهم .. ولما نطلع هو اللي يمسك الصغير اللي فيهم ويكون مسؤول بشكل شبه كامل عنه .. وعمره ما تذمر أو استثقل هالأمور أبداً.

وفي نفس الوقت أنا عندي قناعة إن تربية الأطفال والاهتمام بتفاصيلهم مسؤولية مشتركة بين الزوجين.

ومع ذلك عمري ما حسيت بيني وبين نفسي إنه فرض عليه أو مجبور أو ملزوم يسويه .. وعمري ما طلبت منه يساعدني فيهم بصيغة الأمر أو الإجبار .. رغم إني أدري إن هالمساعدة على قلبه مثل العسل.

يعني: الأسلوب .. ثم الأسلوب .. ثم الأسلوب.




بعدين .. تقولين: عندكم يمسك عادي لأنهم عياله مثل ما هم عيالج.

تتكلمين عن مجتمعج ام مجتمعه هو؟

__________________


اللهم طِيبَ الأثر .. وحُسْنَ الرحيل.

الحياة مشاركة بالحلو و المر
وبما انك مشغولة و الأخ فاضي من الواجب عليه انه يمسكها عنك
ويعتبر نوع من أنواع المشاركة
أنتي طبيعي تتنرفزي مثلك مثل أي كائن بشري له طاقة و له حدود
وبنفس الوقت عليك ان تعلمي أن مشكلتكم هذي طبيعية جداً و تحدث داخل كل بيت
والدليل أنها طبيعية انه وضع لك اعتبار يوم راح يطالع المباراة ولا تجاهلك
نصيحة مشي المشاكل و الأختلافات الصغيرة و المتوسطة
وبالتوفيق

__________________

(تم دمج الموضوعين لترابط المحتوى)

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

علشان كذا اي موضوع دايما
اسأل عن الجنسية اوالبلد والمذهب احيانا
ويفهمون غلط
مع ان الاجابة توضح امور كثيرة
في مجتمعات مايمسك عياله نهائيا
وفي بعض المجتمعات بساعدها حتى بأعمال البيت
وانا من اول ماقرأت انها تركت البنت عنده
عرفت ان بيصير زعل.......
كلامي هذا للتوضيح...

__________________
الحمد لله الذي اذهب عنا الحزن

مبتعثه ايوه هي انا ياقلبي
بس مافهمت كيف اسلوبي يفتقر لكلمة انا
وناسيه حقي كأمرأه وضحيلي اكثر بليز

مهره..
هو عادي يساعدني ويوم كنت حامل حتى الطبخ وتنظيف المطبخ يساعدني فيه
وترتيب البيت بشكل عام
وبنتي بعد يساعدني فيها ويداريها كثير
بس هذاك اليوم استفزني قاعد يشيش
وعلى جواله ويقول لي تعالي اخذيها
يمكن قصده خايف عليها من الشيشه الله العالم
مع إننا انا وهو متفقين مستحيل يشيش في مكان تكون اهي موجوده فيه
وكثير اهو اللي ياخذها ويوديها غرفه ثانيه

بس جد تنرفزت وانفعلت منه..

طيب حلو .. يعني الريال مب مقصر تبارك الرحمن.

يصير عاد ما نذكر له كل الأوقات اللي كان يساعدنا فيها .. وننفجر ونعلّي صوتنا عشان موقف؟!



شوفي يا عروس.

في زوج يمكن يي بالانفعال والصوت العالي .. وهذا ما أعرفه ولا مرّ علي.

وفي زوج الانفعال والصوت العالي يعفرته ويفرعنه حتى لو كان الغلط راكبه من ساسه لراسه .. لأنه ياخذ انفعالج وعصبيتج على كرامته .. وما يشوفه حق أو رد فعل طبيعي لأنه هو اللي غلطان .. وهالعينة أعرفها عدل.

والهدف الأساسي من النقاش هو أن تكسبي الموقف لصالحج وتوصلين للي تبينه .. فإن كان كسب الموقف وتحقيق اللي تبينه ما بيتم إلا بالمسايسة واللين فسايسي وليني .. لأن المهم هو تحقيق الهدف اللي تبينه وليس كسر راسه وإجباره بالغصب على تنفيذ مطلبج.

خصوصاً لو كان الزوج متجاوب ومتفاعل بشكل جيد وإيجابي في مواقف أخرى.

يعني شي يشيل شي .. وموقف حلو يخلينا نتحمل الموقف اللي مب حلو.

__________________


اللهم طِيبَ الأثر .. وحُسْنَ الرحيل.

مشكوره مهره حبيبتي..

بس لا تقللي من احترامه يمكن يجي يوم و ينفجر