اختي صاحبة الموضوع هذا زواج يعني تأبيدة وانتبهي اذا انت متقززة منه هذا شعور اولي يمكن مايروح مهما حصل
ياما ناس انفصلوا بعد الملكة والله عوض الجميع ،
اذا منتي مرتاحة لنظافته وهيئته وشكله واسلوبه فصدقيني الانفصال افضل حل والله بيعوضك ويعوضه خير
قبل الزواج انتو فبر الأمان وهذا من فضل الله عليكم
كم قصص نعرفها لبنات ارغموا انفسهم على ازواج ماهم مرتاحين معاهم وبعدين ظل النفور موجود

استخيري الله اكثر من مرة وتوكلي عليه ... موفقه لكل خير

يسلمووو خواتي ع الردود
اول شي انا ماشفته نظره شرعيه
وبعد الملكة بعد الزيارات لاحظت هالشي من ثاني اسبوع حاولت انفصل وهو متمسك فيني وأهلي عصبو علي علشان قررت الانفصال قالوا مافي شي يعيبه ماقلت لهم ع الاهتمام
بنات ثاني شي مايعرف يتكلم مدري كيف مايفتح مواضيع والله تعبت نفسياً ابي عذر قوي للانفصال علشان اقنع اهلي

ليه ما شفتيه!
هو ايضا ما شافك!
الخطأ منك و من اهلك المفروض تشوفيه اكثر من مرة قبل الملكة هذا زواج مو لعبة
عموما اتركيه افضلك و افضله و هو لن يتأثر بشيء فلوسه و مهره حيرجعله

قولي لهم ما متقبله شكله ، وكل الكلام اللي كتبتيه هنا ، بصراحه اشوف انك تستخيري مره ثانيه واكثر من مره

وعدني انه حيتغير مشكلتي عصبيه يعني اعطيه بوجهالكلمه قلت له احد يجي لخطيبته مايهتم بشكله وعدني انه حيتغير وقالي مالك الا سعادتك واللي يرضيك

شكله خام وعلى نياته

كل شي ممكن يتعدل ويهتم بنفسه اكثر ما دام عنده القبول

ولكن شخصيته محتاجه ان تتغير اكثر من شكله الخارجي

كم عمره وما هو مؤهله الدراسي ؟

__________________
وهل من مصير اخر ؟

عصبيتك خليها ببيت ابوك لاتاخذينها معاك لبيت زوجك مهما كانت درجة عدم تقبلك له

الحين عروس ومايبي يكسرك بكلام ولا تصرفات تخليك تتركينه قبل الزواج

بعد الزواج تسوين فيها العصبية بيكسر راسك انتبهي واهلك ماراح يوقفون معك من الاساس ماقتنعوا بكلامك انك ماتبينه تتوقعين يقتنعون بعد الزواج

اضحكي عليه نعم اضحكي عليه

خطيبتي ماعجبها فرقت اسناني الاماميه فيه فراغ بسيط

بكل ادب قالت نفسي لما نبتسم يوم زواجنا يبان ضحكتك بيضاء واسنانك مرتبه ورحت للاسنان وسويت تقويم تستاهل
اللبس سهله بعد الزواج مقدور عليه
السوالف كثير مايعرف يسولف مع الانثى لكن مع اصحابه محبوب وسوالفه عادية

إذا حبك وشاف إهتمامك بنفسك بيستحي من نفسه ويتغير ، سولفي له عن طريقة عنايتك بنفسك طريقة إستحمامك أهدي له منتجات أنتي تستخدمينها في الإستحمام ، إذا إتصل فيك لا تردين وكلميه بعد شوي قولي كنت أتروش ما أرتاح إلا أتروش كل يوم وأستخدم الشور جل (وإذكري الماركه ) والسنفره الفلانيه والديودرنت الفلاني ، تصدق ما أحب الناس الي مايهتمون بنظافتهم وكملي السيناريو عاد شغلي خيالك وقولي له يعالج أسنانه قبل الزواج وبيني له أهمية الأمر بالنسبه لك .

__________________
الحمدلله حمدا جزيلا ...

صدقيني الأمر بسيط مايستدعي الطلاق تقدرين تغيرينه بكل سهوله ، فيه نساء يعالجن مشاكل أكبر من كذا من خيانه وشرب خمر وإدمان مخدرات ، ماتدرين يمكن هالإنسان البسيط يصونك ويسعدك ، سمعت بنساء تحلق له الأماكن الحساسه تعوده على النظافه لين يدمنها .

__________________
الحمدلله حمدا جزيلا ...

مرحباً أختي

أنا لا ألبس عقال نهائي... عادتي
وألبس سروال قصير تحت الثوب بعض الأحيان سواء في الخروج العادي أو بعض المناسبات ولست حريص على السروال الطويل بحيث يمنعني من الخروج

وأما الأسنان فيمكنك أن تقترحي عليه أن يصلحها وتدلعي عليه بذلك وتابعيه إلى أن يصلحها
وأما عدم مدحه فالغالب حسب رأيي أن هذا إنسان نظيف ماله في البنات والتميلح لهم طول عمره .. بل له إهتمامات أخرى البنات ليس من ضمنها

رإيي الشخصي أن لا تتعجلي بأي أمر ويمكنك أن تطيلي فترة الملكة شوي لدراسته وإمكانية أن يستجيب للتغير للأفضل أما لا

خصوصاً إذا كانت سمعته ودينه ومواصفاته طيبة فلا تفرطي فيه بسهولة



أعانك الله