بصراحه من حق البكر يتزوج بكر زيه
مثل مانعارض زواج الصغيرة من المعدد او من الكبير نفس الشى ..

لو تقدم لك الان معدد ليش ماتقبلى ؟!!
نفس الشي الاعزب له الحق باختياره ..

ليش نبغى نقيد حريات الناس بالاختيار
مو احنا برضو لنا حرية في السابق ..

انا لما كنت بكر تزوجت باقل مهر في عائلتنا من المطلقات والابكار
وتزوجت دون ان يقيم لي طليقتي حفله عرس حتى عشا رجال ماعمل
واخذت مطلق وانا بكر
وانتي فرح اخذتي عزابي وكنتي اول فرحته
هل كانت هذي ميزه فيه
يختي اهم شي التوفيق سواء كان مطلق ولا معدد ولا عزابي
والمهر على التوافيق ولا يقدم ولا ياخر
هو على النصيب و الحظ
كم مطلقه تزوجت باحسن من طليقها
وكم مطلقه لك تتزوج وسعيده كذلك
الحمدلله كل شي من عند الله خير
اجتهدي فقط بالدعاء وتوكلي على الله
وانتي بعافيه وبنتك عندك بعافيه هذي من اكبر النعم لا تلتلفي للبوستات المزعجه

خلال بحثي عن زوجة مناسبة لي وانا مطلق بطفلين

وجدت ابكار ووجدت مطلقات وكلهم يقولون تعال نزوجك

وفيه من رفضني لأني مطلق وفيه من رفضني لان اطفالي يعيشون معي وفيه من وافقوا بشرط اتخلى عن اطفالي واوديهم لأمهم

لكني تزوجت الأنسب لي ولم اهتم اكانت بكر ام لا ولم اهتم بعمرها كنت سأستمر بالبحث عمن تناسبني

الغرب يَرَوْن أن المرأة سلعة
لا يغركم الإعلام و تزينه لصورة الغرب

و المرأة لها قدرة و إحترامها

و بخصوص

الزواج من ثيب أو بكر

فهو أمر شخصي يتعلق بالشخص نفسه و قناعاته بعد توفيق الله

أسأل الله التوفيق للجميع

اختي طبيعي الاعزب يريد عزباء مثله
هل البنات الابكار يرغبون بالمطلق!
قليل اسمع بنت تتزوج مطلق

يا اخي انا نقلت الواقع وما قلت غلط بالعكس.. كل واحد عنده الحق يتزوج بكر او ثيب كل حسب رغبته ماناقشت هالكلام..

__________________
وإني ذقت الطيبات كلها، فلم أجد أطيب من العافية..
وذقت المرارات كلها، فلم أجد أمر من الحاجة إلى الناس..
ونقلت الحديد والصخر، فلم أجد أثقل من الدَّين..

حبيبتي إنتي رزقك عند ربي مو عند الناس
اللي مايبي ياخذ مطلقة سلامة قلبه
رزق المطلقات مو واقف عليه
ومانقدر نجبر الناس على شي الزواج أهم عامل فيه القناعة
ومسألة إن المهر أقل أنا مو مع هالشي
أطلبي اللي تبين من حقك مو عشانك مطلقة تستخسرين نفسك
و"بعض" الرجال يرغبون المطلقة بس لأن طلباتها ومهرها أقل مو عن قناعة ماخذها وبعد مايطيح اللي براسه يدور البكر
تعلمي من الرجال كيف تحبين نفسك
الرجال لو عمره 60 لو هو مطلق وأبو عيال لو أيش مايكون وضعه مايرضى بأي شي يتشرط ويتشرط ويتشرط
خلي ثقتك بالله كبيرة وإحنا بالدنيا عابرين سبيل وإنخلقنا للعبادة خليها همك الأكبر

حقيقه ان هذي مشكلة بالمجتمع.النظره دايما سلبيه للمطلقات.

بعد انفصالي ودي اتزوج بس الاولويه للبكر وان ما حصلت بكر تناسبني ممكن اخذ مطلقه لكن بشرط اعرف تفاصيل سبب طلاقها او ما اتكون اهي السبب

اما المطلقه مع أطفال ف هذي ما أفكر. صحيح اهي او اطفالها مالهم ذنب لكن مادري احس نفسيا ما راح اكون مرتاح.

انا مطلق واولادي عندي ومستحيل اوديهم لأحد علشان الزوجه القادمه ف فرصتي اكيد اقل حاليا.

مجتمعنا للاسف ينتقص المطلقة للاسف
وانا مطلق وأب لأولاد وعمري 35 ولكني سأبحث عن بكر ان لم اجد سأتوجه للمطلقة
فمجتمعنا للاسف مهمش للمطلقة سبحان الله