ما اتوقع انها مماطله
لو مماطله كان في ماده مادتين لكن 6 مواد معناها ان مستواه ضعيف
ومدري ليش هذا الارهاق والمكابده وتضييع زوجك وبيتك ومستواك ضعيف
ترى الله ما خلقنا علشان كلنا ندرس وكلنا نتخرج
عادي مو عيب ولا منقصه انه يكون مستواك ضعيف وتتركي الدراسه وتتفرغي لبيتك
العيب اني احرم زوجي مني واحرم ولدي من ابوه
واجلس عند اهلي بالسنوات كل سنه اشيل 5 و6 مواد فشيله!!

ام نواف كيف طريقة مذاكرتك ؟

انا أفضل إنك تنقلي عند زوجك وحتى لو رسبتي او شي عادي انتي معاه

شوفيني معاي 4 اطفال وناجحه بإمتياز ولله الحمد لكن تعتمد ع طريقة المذاكره

اذا انتي من البنات الي تذاكر الكتاب كامل وبعدين تراجع هذي الطريقه غلط وتضيع المعلومات عليك ولا كأنك ذاكرتي

اذا حابه طرق مذاكره أساعدك والله يوفقك وسالفة الزواج لا تفكري فيها مارح يتزوج ان شاء الله زي ماقال الراسي بالكلمة الحلوه تنسيه
وتقدري تشبعي رغبة زوجك بالصوت وانتي عند اهلك والله يوفقك وتنجحي هانت يابنت

انا اشوف الشهاده مهمه
وضروره ومطلب لكل الناس، نساء ورجال

بس اختي انتي ترسبي بخمس مواد!!
لو تدخلي الاختبار بدون دراسه ماتصير!
جد انا مستغربه جدا جدا
كيف تداومي طول الفصل وترسبي
وياليت ماده او ثنتين.. خمسه!!!
يعني مستواك اضعف من الضعيف
ومنتي ماخذه الدراسه بشكل جدي

الزوج لازم يتحمل دراسه زوجته صح
لكن ماهو مضطر يتحمل رسوبها

اللي بنات الناس يخلصونه بسنه
انتي تخلصينه بسنتين،، مايصير

والله لو انك مجده وشاطره ومهتمه
بنقول حرام يحطم طموحها ودراستها
لكن دراستك متحطمه بيدك انتي
واكيد معدلك دمران من كثر الرسوب
وبعض الجامعات تهدد طلبتها بالطرد
حتى تعطي فرصه للطلبه المجدين


كثره رسوبك غير انها تضايق زوجك
هي هدر وقت وعمر عالفاضي
هدر مجهود الاستاذ الجامعي
هدر فرصه الكرسي الجامعي
هدر مصاريف التنقل والملابس وتكاليف كتب الخ


المشكله فيك طال عمرك

مو أفضل ما تجيها ضرة يا متفائلة ؟؟؟

هي انسانة غير جادة بالدراسة ، زوجها مستحمل البعد
و هي بتلعب ..

يعني ضيعت ترم كامل ، عشان تنجح في مادة وحدة ،.
و عمرها 24 و لسى باقي لها مواد عشان تتخرج

أنا ما أحبطها ، لكن أنا شايفة بنات في الجامعة
ما يداوموا طول الترم ، و تلعب مع صحباتها

و نهاية الترم لما ترسب ، تتصل عالأستاذة و تقول نجحيني
عشان ظروفي كذا كذا كذا ..

لو هي جادة بدراستها ، كانت اهتمت فعلا
و زوجها تحمل بما فيه الكفاية .. و ماحد يلومه لو تزوج

و خليها تاخد ( تأجيل ترم كامل ) ..
أو تقدم على طلب نقل من الجامعة ، لنفس مدينة زوجها
أو تروح تدرس هناك كزائرة ..

اختي لو تنقلين عند زوجك وتدرسين عنده احسن
لان اساسا الجامعات تختلف من منطقه لمنطقه
اعرف واحد زوجته كان ساكن بمدينه وزوجته بالجامعه مستواها ممتاز وخلصت سنتين
ونقل منطقه ثانيه ونقل زوجته للجامعه الثانيه والترم اللي فات شالت كل المواد
مانجحت ولا ماده وحده
انقلي عند زوجك منها تكونين قريبه منه ومنها تغيرين الجامعه

-فلسفتك أنت وأهلك حول الدراسة تكاد تكون مكشوفة لدي.
-يوجد هناك من يضغط عليك لإكمال دراستك بالرغم من عدم جديتك الواضحة.
-يحق للزوج الزواج ولا لوم عليه فليس من المعقول أن ينتظر عدداً من السنين حتى تفرغي خصوصاً أن شخصية الزوج كما تبدو تميل إلى زوجة (ربة منزل) إضافة لمعاناته من البعد.
-الزوج يشعر بعدم الاستقرار ويشعر كأنه ما زال أعزباً.

طيب ادرسي انتساب
وخليك عند زوجك ...

احمدي ربك زوجك يبيك تكونين جنبه ..والله يابعض الرجال مايصدق يفتك من زوجته ويخليها عند اهلها ويفك نفسه من المسؤؤليه ...


بالعكس شي جميل ان زوجك يطلبك تكونين عنده ..

انا قريت جميع الردود الله يعافيكم وحابه اوضحلكم بعض الامور
= بالنسبة للنقل والزيارة بين الجامعات مافيه اي جامعة وافقت علي لان المواد تختلف
= مااحد يضغط علي من اهلي ولكن انا قطعت شوط كبير وباقي قليل واخذ شهاده
= معدلي 1.7 من 4
= زوجي ذيك المره قالي انا تعبا وانا اصرف عليك وانتي عند اهلك وانا مو مستفيد شي ممك
هو يدفع 3000 ريال منها مصروفي انا والولد 2500 و 500 حق السواق اتوقع تعب من ااصرفيه

يعني يدفع شهريا 3000 ريال
ومن بينها مصاريف دراستك ونقلك
وانتي بعيده عنه لا تقابليه ولا تخدميه
ومع ذلك ترسبي بنص درزن مواد

يا اختي زوجك رجل نادر
كثر خيره صبر كل هالمده
وهو عارف انك تاخذي الفصل بفصلين
وكويس عبر لك عن احتياجه.. ما كابر
ولا راح يشبع احتياجه بالحرام

اما معدلك فهو قصه ثانيه صراحه!
يعني لو تخرجتي فبتقدير مقبول
عموما انا ما انصحك تتركي الدراسه
هذا قرارك
بس زوجك رجل لا يعوض
حافظي عليه

انا بتكلم لك على هذه النقطه فقط ..
مادري عن نظام الجامعه عندكم كيف ..
بس على هذا المعدل .. راح تحصلين انذار أولي من الجامعه وراح يلزمونك وتخفيض عدد المواد اللي تنزلينها ..
طبعا اذا مستواك ضعيف صعبه ترفعين المعدل من اول تيرم لــ 2.0 .. هي مب صعبه .. بس رسوبك بــ 5 مواد من أصل 6 يعني انه مستواك لك عليه شوي ..
فاللي راح يصير ان بيجيك انذار ثاني .. ومن بعدها بيلحقه الثالث وتحصلين طرد من الجامعه ..
يعني ضيعتي وقتك وو قت زوجك ..
فلا انتي اللي حصلتي الشهاده ..
ولا انتي اللي راعيتي حقوق زوجك .. وانا مستغرب كيف متحمل ..
يعني هو سمح لك بالدراسه وايدتوا هالشي بالعقد بس ما وضحتوا الا ان باقي لك تيرمين وتتخرجين .. يعني العقد مب ملزم به .. ولكن من طيب خاطره سمح لك ..
ومع رسوبك بعد ما تزوج عليكي ..
الرجال شاريك فلا تضيعينه على حلم تحقيقه ما يتجاوز الــ 50 بالميه ..