الهدف منه اكتب تجربتي فقط واسمع مواساتكم او تحليلكم ل تجربتي لاني ابدا محد افضفض له من اهلي او حتى صديقاتي ( تبت ) ممكن احد يستفيد من تجربتي ويمكن ابي اعرف الغلط من مين و ع مين ماادري بس بخاطري وطلعته

لا ماكنت مطلقة كنت ع ذمته شلون اروح معاه وانا مطلقه كنت رايحة لمنطقة اهله ومنطقتي بعد عشان عندي موعد هناك قالي ب نسلم ع اهلي عشان يشوفون البيبي وبعدها برجعك ل اهلك الين يأمن لي بيت لان بيتي فيه زوجته الثانيه : )

طيب لما رجعك لبيت اهلك
طلقك
وكيف تم الطلاق

اشوف ان الخطأ منك بالبداية
ربما صغر سنك وتخطيطك مع امك واخوك هدم حياتك
إذا زوجته الثانية استطاعت أن تكسب محبة أهله فهو من شطارتها وسنعها وعرفت كيف تجعلهم في صفها

أما انتي فلم تجدي التوجيه الصحيح من البداية مفروض اخوك وامك ماقالوا البنت ماتبيك انتي ب 6 أشهر كرهتيه منها 4 أشهر عند اهلك وبشهر حبيتيه وبعد حملك حبيتيه أكثر وأكثر سبحان الله ماحلى بعينك إلا لما شاركتك فيه أخرى؟
ومثل ماانتي سمعتي لأمك واخوك هو سمع لأمه واخواته ورأيهم أن الثانية أفضل من الأولى

نصيحتي إذا بيرجعك ببيت الحالك أو شقة وانتي بالعدة خير وبركه
إذا مافيه رجعه تعلمي من اخطائك ولاتكرريها مع زوج المستقبل

والله يرزقك بالخير

اول شي سمعت كلام اختي واخوي امي كانت تهمها راحتي ولا كانت تبيني اتطلق ونفس الوقت ماودها تجبرني ثاني شي انا جلست عنده ستة شهور بعد الستة شهور رحت اهلي اربع شهور وجلست عنده شهرين الشهر الثاني عرفت بزواجه وملكته كانت بالشهر الثالث من وجعتي قبل كانت خطبة فقط وكنت حامل لما عرفت نيته بالزواج لكن كملت معاه ولا تركته حاولت انه مايكمل وكنت هاديه جدا وكان هو مستغرب الصدق رضيت بزواجه عشان حبيته ولا ودي طفلي يتشتت كلامي هذا مايبرر غلطي لكن اتضايق لما احد يقول ماحلى بعينك الا لما تزوج انا رجعت ونيتي اكمل معاه قبل اعرف انه ناوي يتزوج وحتى بعد علمي بزواجه كملت معاه

الله يعوضك حبيبتي

اللي راح راح .. وأنا متأكده انك خرجتي من هذي التجربه بدروس بتفيدك مستقبلاً

إذا رجع لك زوجك خير وبركه واسأل الله أن يجمع مابينكم
وإذا ما رجع أنا متأكده ان ملاك بتصير انسانه ثانيه وناجحه جداً في تجربتها الثانيه لأنها تعلمت الكثير ..

اسأل الله تعالى ان تكون تجربتك الثانيه مع طليقك برجوعك له ويحفظ لك ولدك ويرزقك بره وصلاحه ..

__________________

(( لا شيء يجعلنا عظماء سوى ألم عظيم ))

عليك بالاستغفار ووكلي امرك ربي والله مايخيبك
الله يكتب لك اللي فيه خيرة

ونصيحه من أخت تبغى لك الخير انتي وجميع بنات المنتدى ..

إذا كنتي متزوجه حاولي تتكتمي ع أمورك انتي وزوجك .. صدقوني يابنات الصبر أول شي يجي من الانثى .. أما الرجل ممكن يكون فوضوي بداية العرس ويغفل عن شغلات كثيرة .. هو مايعرف انها تزعج شريكة حياته
مثل الأمور اللي تكلمت عنها ملاك ..
الزوج مايعملها متعمد .. بالعكس ممكن نقول غشيم ومو فاهم شي بداية الزواج ..

طيب انتي دورك تصبري وتتحملي وتحافظي ع اسرارك معاه لغاية ماتمضي الشهور وشوي شوي تتعرفوا ع طباع بعض وهو يتمسك فيك ويبدأ يفهمك ويعرف الأمور اللي تضايقك عشان يتجنبها ..

أي مشكله يا بنات لو طلعت للأهل صدقوني في كثير من الحالات نهايتها طلاق
فلا تسمع الوحده في زوجها وتتحامل عليه وتحط في بالها والله لو حصل طلاق جميع اللي كانوا يحرضونها على زوجها هم أول الشامتين في وضعها ..

المشاكل البسيطه المفروض تكون بين الزوجين وماتطلع لأهاليهم تجنباً للتخبيب اللي يعملوه بعض الأهل الله يسامحهم ..

__________________

(( لا شيء يجعلنا عظماء سوى ألم عظيم ))

لما رجعني رحنا لفندق وكان هو طالع يجيب اغراض واتصلت امه فيني تهاوش عشان طلعت فوق وتتكلم علي وانا مارفعت صوتي وكانت تتهجم علي وماتسمعني وكنت بس اقول هدي شوي واحاول أهليها تسمعني الا زوجي داخل قلت تعال كلم امك وسكرت هي بوجهي اليوم الثاني رحت ل اهلي اتصل فيني يقول انتي وش قلتي ل امي !؟ انا طبعا قلت له قبل عن مكالمة امه وقال طنشي المهم قال كلام انا والله ماقلته ابدا اصلا ماعطتني فرصة اتكلم ويقول انها رفضت تسلم عليه وبكت ومدري ايش حلفت اني ماقلت شي واحس ماصدقني قلت ب اكلمها قدامك او اوجهها رفض قلت عشانك مستعدة اعتذر منها وانا والله ماقلت هالكلام بس عشان خاطرك بعدها يكلمني يسال عن الأحوال ويسكر ع طول تقريبا مر اسبوع ونص بعدها اتصل ع طول بدون سلام قال تراك طالق قلت ليش وش السبب قال خلاص انتهى كل شي وسكر اتصلت ع طول ما رد وتركته ماعاد فكرت أتواصل معاه حاليا انتظر ورقتي

الله يكتب لك الللي فيه خير
عموما لا تسبقين الأحداث اصبري وشوفي وش راح يصير