انتي مشتته ولم تتخذي القرار الحاسم بعد لحياتك

هل التصرف السابق خطا او يمكن يفهمه بشكل خطا ؟؟
ثانيا هل اروح أخذ أغراضي بدون ماارسل له رساله معي المفاتيح البيت وخلاص اطلب الطلاق؟؟ لن فتره ثالث شهور مو سهله كأني معلقه
او هل ارسل له قبل أخذ أغراضي رساله اشوف وش نيته ؟؟وبناء على ذلك أخذ أغراضي عشان مااكون تسرعت او هذا التصرف يقلل من كرامتي لأَنِّي اخر مره كلمته بينت له رغبتي بعدم الانفصال وانا محتاره ماادري وش أسوي ؟؟
ودي بطريقة تخلي كرامتي محفوظة لأَنِّي كلمته قبل وماادري وش أسوي
---------
اتمنى ان اجد رد على الأسئلة السابقة ..
لاني خلال هذا الأسبوع قررت أخذ أغراضي بس كانت حابه أستشيركم هل قبل مااخذأغراضي ارسل رساله أعطيه خبر أني راح امر البيت وأخذ أغراضي لعله يوضح شي او اروح أخذهم بدون ماارسل شي ان شاء الله تكونوا فاهمين قصدي لان انتظار 3شهور وشوي ولايجي منه رد صعبه والله ....

حبيبتي انتي ماتبغي الانفصال
وقرارك هذا من رابع يوم ببيت اهلك
يعني متمسكة بزوجك
حتى بعد 3 شهور
فنصيحة لا تتهوري


انا اتفهم مشاعرك
المرأه احيانا تاخذ اغراضها
او تطلب الطلاق
وكأنها تقول لزوجها: تحرك
بدل الجمود والتطنيش
انتي تبغينه يتحرك
لكن المشكله لو تحرك غلط وطلقك
واعتبر تصرفك وكأنك حسمتي موضوعك

راح تتعبي صدقيني
فلا تستعجلي
ولو انتي مكانه صدقيني بتبعدي
لان الانجاب شي مو بيده
الرجل عزت عليه نفسه
وحس انك بايعته وكارهته

اذكر عضو اختبر زوجته بهالموضوع
ولما عايرته بعدم الانجاب كرهها
وقرر يطلقها
ما ادري طلقها فعلا والا لا


الرجل جرحه كبير
حرمان من الانجاب
وزرجه تركت له البيت
ومجتمع يوجه له اللوم


نصيحة اهدئي
واطلبي احد من اهلك يكلمه
عم او خال الخ

الله يوفقك

بخصوص أني ادخل احد من اهلي صعبه شوي لن زوجي من قبل ماكان يبغى احد يعرف فكان الامر منحصر بين أمي وأمه وابوه فااتوقع اذا دخلت احد راح تكبر المشكلة ...
فعشان كذا انا محتاره ماادري وش أسوي ...

موضوع الانجاب شيء خاص جدا
بينك وبينه

القصد بلغي عمك او خالك
ان زوجك تاركك له 3 شهور
وانك حاولتي تكلميه وقفل الخط
خليهم يكلمونه
ويسألونه ايش في خاطره
ولمتى تستمرون كذا

لازم رجال يتدخلون
انتي بذلتي اللي عليك
بادرتي وصدك
سكتي وصبرتي ومافاد
خلاص دخلي رجل حكيم
على اساس انه تاركك وبس

السلام عليكم اختي الصراحة هذا موضوع صعب اتخاذ القرار فيه وانالايعجبني من يصدر أحكام علي الناس ومايحس بشعورهم هو أصعب حاجة المرأة تتزوج ولايكون لديها أولاد قد ترضي اليوم خاصة إذا كان زوجها يدلعها لكن بمجرد أن تري أطفال الناس تتأثر شئ فوق الطاقة اختي انا اريد ان أنبهك اذا كان زوجك جيد معك ومتدين وفوق هذا مادام عندو حيوانات منوية هناك أمل كبير أن تنجبوا بالحقن المجهري وأيضا أنت موضفة يعنى ماديا يمكنكم أكثر ونفسيا عملك يشغلك علي الأقل بنسبة ولو قليلة ويصبرك يعني معطياتك تدعوك لاتخاذ قرار الصبر مع الزوج واستخيري فرج الله كربك

جزاكم الله خير على الردود
طيب أبغى منكم نصيحة الحين انا من بعد ماطلعت لبيت اهلي وجلست تقريبا اقل من أسبوع رجعت كلمته على أني راح ارجع وزي ماقلت لكم أغلق سماعه الهاتف بوجهي وقال انا مولعبه عندك وخلاص المهم الحين لي ثلاث شهور ماكلم ولا ارسل مسج ..
كيف تنصحوني هل ادق عليه ؟؟
او اتركة لحد هو مايتواصل معي لأَنِّي احس أني جالسه افرض نفسي عليه ؟؟وشئ ثاني انا بينت له أني ماابغى انفصل عنه وهو ولا معبرني..
بخصوص اللي يقول خلي اخوك يتواصل انا وحيده ماعندي خوات ولا اخوان والوالد متوفي ..
الصراحة لااخفيكم أني متعبه جدا الطلاق صعب لما يكون بسب الإنجاب خاصه لما تكون حياتك الحمدلله مافيه مشاكل الاهذه المشكلة يكون القرار صعب وقاتل 😭