مرحبا

هذا ما احاول فعله معه الان و احاول اذكره انها أفكار من الشيطان و عليه انه يتعوذ منه ..

اذكر لما كنت بعمر العشر سنوات أو حولها تجيني مشاعر كره لأمي
وكره للعلاقة بين أمي وأبي
أحس بينهم شيء أو يخبون علينا شي
كذا بتفكيري الفطري
كنت لما أشوف أمي تروح لأبوي في مكتبه وتسكر الباب أكرهها أحسها (وصخه)
أو لما تتزين قبل يجي من الدوام أقول وش تبي من بابا بالضبط؟
للعلم ماكنت أفهم شي بالعلاقة الزوجيه وكنت على نياتي تماااااما
بعدها بسنه اتضحت لدي الأمور وفهمت فطريا واستنتاجيا العلاقه الزوجيه وراحت ذيك الأفكار


الغريب بعد 4 سنوات كان لي قريبة اصغر مني صارحتني بنفس الشيء
كانت تقول أنا مدري وش فيني أكره ماما
احسها (وصخه) أحسها تحب الرجال

ربما هالكلام يطمنك وأنا حاليا أفسره إن ما احد علمنا على العلاقه الخاصه بين الزوجين ففطريا كنا نكتشفها بالمراقبه والانتباه لأمهاتنا وآبائنا وتعاملهم مع بعض
ونغار من بعض الافعال اللي تصدر منهم تجاه بعض رغم إننا مو فاهمينها