المشاركة الأصلية كتبت بواسطة ردة فعل (انما الأعمال بالنيات ) فعندما تكون نية المرأه من الزواج العفه والستر وتكوين اسره فتأكدي أن الله سيساعدك اما ان كان فقط تغيير جو وعشان صديقاتي تزوجو ودي اتزوج واسافر واطلع مثلهم وووو تقليد فقط فلن تصلح الامور إلا بعد تغيير النيه اتقو الله في ازواجكن بعدين انا جالس اتخيل زوج صاحبة الموضوع المسكين اعانه الله وانتي على كل شي تزنيين على راسه كيف صابر . سامحيني انتي من النوع النكدي جدا يتضح عدم احترامك وتقديرك له ولأي شيئ يقوم به . عصبيه وهو مبرد على عمره . لكن انتبهي لا ينفجر واذا خرج لن يعود. واضح انك.تعامليه وتكلميه دائما بصيغة الأمر والنهي كأنه أصغر عيالك لا تسفهي ولا تحطي من قدر زوجك امامك وامام الناس ولا تعطي للناس انطباع سيئ عن زوجك وبالنسبه لنقل الكلام الى اهله اكيد مخطأ. وأكيد انتي صندوق اسرار مغلق ما تعلمين احد باي شي لا امك ولا اختك ولا صديقاتك !!!!!. أكيد ما ترسلين لاحد في الواتس يا بنات زوجي مزوح زوجي اتكالي زوجي نقال كلام زوجي نومه كثير وووو !!!!!!! الانسان ينظر لعيوبه قبل أن ينظر لعيوب الآخرين ويصحح ويعدل في نفسه قبل ان يصلح الآخرين اعتذر إن أزعجك.كلامي

من جدك؟؟؟؟ وش مشكلتي؟؟ وين مشكلتك؟؟؟؟
ولو تطلقتي تحسبين بيجيك واحد احسن منه؟ بيجيك اردى وبتندمين!
يختي زوجك في صفات كثير كويسه تشفع للشي الشين اللي فيه
محد كامل حطيها حلقه باذنك محددددد كاااااااامل
وحتى لو شخصيته مزوحيه وش فيها؟ تبين يعني واحد ثقل وعقل؟
عطيه وقت انتي تلينين قلبه انتي باسلووووبك لاتتوقعين واحد بيتغير فجاه لانك تبين !
الاتكالية مشكله لانه عايش مع اهله ومش اعتمادي .. وهذي حلها سهل
انتي عوديه تصلحون أي شي وكل شي , برررررردي معه انتي شافك حاره وبرد
مع الوقت بيتعود , ولارح يتغير تماما لانها شخصيته
وحتى بالدلع وغيره .. عشان تغيرين من شخص لااااااااااااااااااازم
لازم يا اختي انك تتقبلينه .. يختي انا متزوجة من اربع سنوات
اقسم بالله ماعمره جاب لي ورده جاب لي اول يوم بالملكة قبل الزواج فقققط
تخيلتي؟ ولايحب مفاجات ولا هدايا ولا خرابيط ولا رومانسيات وعادي والحياة ماشيه
لان في بالمقابل امور تشفع له .. صح ودي وصح اتشفق لكن عادي عايشه
دايم حطيها قاعدة , دااااام الامور الاساسيه موجودة ماعليك من الباقي
حياتك طبيعيه علاقته بربه زينه يصلي مافي ضرب مافي تلفط الاحترام والمودة موجودة وعلاقته باهله واهلك كويسه
خلااااااص الحمدلله , أي شي ثاني مقدور عليه , بعدين توك ماكملتي سنه عشان تحكمين
بكره يحبك ويموت عليك ويتعلق فيك ويسوي لك اللي تبينه قبل تقولينه
انتي اكسبيه لاتجلسين تنتقدينه وتدققين عليه وكل شوي تقوليه ليه ولا ومدري ايش
لاتطفشييييينه ترا الرجال يصبر بس يطفش وان طفش انتي الخسرانه
وسعي صدرك , واذا صار شي ماعجبك لا تركزين فيه ركزي باي شي ثاني حلو فيه يخفف عليك
وترا اكثر المشاكل بين الازواج ( الصـــــورة ) , دايم تتصورين وتنتظرين شي معين من زوجك
وبالاخير ماتلقينه ! تنتظرين اذا لبستي شي حلو يعلق, وتتفاجين انه مايعلق
وبالمقابل يمكن اعطاك نظره بسيطة انه معجبه , وجلستي تدققين انه مااقال لك شي ونسيتي تشوفين نظرته !
لاتنتظرين ردات الفعل والاشياء اللي براسك من زوجك يسويها
استمتعي باللي بيدينك اللحين عيشي وانبسطي
حياتك بسيطة وجميلة ومو معقده
عقلك بس مكبرها
الله يسخركم لبعض ويسعدكم