يسعد اوقاتكم ..

اليوم جايتكم بموضوع جديد .. هو مو مشكله بيننا لكنه مجرد اختلاف ..

بداية زواجي كنت لما بروح مكان معه و يكون احد من صغار معنا اطرده و اطول لساني و اقول ماني راكبه انزل روح ورى و والخ .. لحد ما زوجي تعلم وصار من يشوفني اجي يطرد الصغير ورى .. و لما انا اكون قدام يقول اختي جايه روحي ورى و انزل واروح لانها اكبر مني ..

المهم هالفتره اخوانه يدرسون معهد معه و اضطر اركب معهم عشان موعد مستشفى او عشان اهلي .. ولما اجي وافتح الباب القدام واشوف احد استحي اقول انزل روح ورى لان يكون عمره فوق 12 .. ومره اخته 18 فتحت شفتها وتبي تنزل قلت لا خليك .. المهم كلمته بهالموضوع و ان مايصلح اخوك صغير قدام وانا وش كبري ورى قال لان انتي ننزلك ونتعدا بعدين عادي لاتركزين و من هالكلام .. قلت اوك بكبر عقلي و اتغاضى عشان زوجي بس ذيك المره شافتنا بنت اختي < صف اولى ولما شافتني نزلت قالت خااااله ليش انتي ورى و هالبزر قدام .. نرفزتني و اليوم بما انه خميس و اليوم المنتظر عندي ههههههههه قلت له ودني قبل تروحون للدوام لان مابي اركب ورى اخوانك مايحترموني و والخ قال لاحوول رجعنا ع نفس الموضوع ؟ انتي اهلك خطوتين و احنا طريقنا ساعه و مدري ايش و ترى عادي و بعدين اخوي مايعتبر صغير و و والخ وبعدها قال اجل مافي روحه لهلك انتظري لما ارجع الساعه 10 .. تعوذت من الشيطان وقلت له خلص بكبر عقلي واسكت عشانك قال مو عشاني عشان تروحين لاهلك بدري قلت لا والله عشانك بعد ..

انا لان مابي اسوي مشاكل من مواضيع تافهه كذا وبنفس الوقت فيه ناس يقولوا لي هالموضوع مهم و مو تافه و انتي كيف ترضين .. مع العلم ان انا ماتفرق معي كثير بس احس ب استنقاص و احس اهانه لي هالموقف حتى لو انا بشوفه عادي بس من وجهة نظر غيري صرت احس ب اهانه

انتوا وش رايكم ؟

__________________
تم تغيير النك .. < ريتاج2016 سابقا