لا تقلقي اعامله لوجه الله ومو طالبة المحبة من احد

وماراح يحس بشيء واي طفل يدخل لبيتي اعامله زي مااعامل عيالي اكل شرب نظافة لعب
سواء من اهل زوجي او من ابناء خواتي

أمس طلبت اروح لاهلي بالعادة مايمنعني وعادي اروح اكثر من مرة بالاسبوع بس رفض وعدت الطلب وقلت له ابغى السبب امي عندها ضيوف ومحتاجتني رفض
رجعت طلعت وانا طالعه قلت له عشان تعرف ان الغلط غلطك مش غلطي وتقول مارضيتي بعيالي مع اني قلت لك زمان عادي عندهم بس تعطيني حقوقي وماتحاصرني عشان ابنك موجود مابتخليني اطلع


جلس شوي وبنتي الصغيرة اصلا تبكي تبغى تطلع قال تجهزوا رفضت بالبداية بعدين قمت اتجهز قام قال ترى ماكنت بخليك تروحين بس عشان ماتعتبرين ابني السبب رحت والله كنت اساعدهم وانا احس قلبي يبكي بس مظطرة اروح


امي اليوم كمان كلمتها قالت ليش ماجيتي اختك موجودة ..انا كنت مخنوقة ماخبيت عليها قلت عشان تعرفين لو يجيب عياله عندي مابتعرفوني غير مرة بالاسبوع ولا بالاسبوعين ...قالت عادي قوليله الولد مع عيالنا بيلعب سوني لما قالت كذا ..قلت لها ليتني ماتزوجت مطلق ولا واحد معاه عيال ولا واحد اصلا من منطقة ثانية هي ساعتها قالت لا عادي مافي شيء وهذا الشيطان يوسوس لك
انا فاهمه اهلي واغلب الناس انه خذي حقوقك حتى لو عياله عندك واطلعي وادخلي عادي طالما قايمه بواجبهم


وفاهمه زوجي انه يبغى اذا احد من اهله عندي مممنوع اروح واجي ولو يجوا عياله عندي بيصير هذا وضعي اكل وشرب وخدمه
وهو كمان يبغى اتعود على كذا


انا بس غاطسه في النص واحسه انه احد غرقني وابغى اطلع بس مش قادرة
وبس سلامتكم ان شاءالله فهمتوني انه موبس عشانه ولا عشان زواجه انا ماتقبلت الحياة معاه من جديد

الحين انتي ترى ما ضحيتي
يعني معيشة اطفالك بنفسية سيئة و تبكين ويسمعونك ليش ؟
ناقصك نفقة ماكل مشرب ؟؟ يمنعك هو عن الزيارات
هل يضربك!
اللي فات مات
انا اقصد حاليا ارى ان وضعك تمام
ليه ما تكشخين و تزورين الجيران و يزورونك ؟
ليه حزينة وطول الوقت وانتي متحسرة
حرام عشان اطفالك
ليه ماتلعبي معهم و تونسيهم ؟؟؟؟؟
واهلك دايم تروحين لهم خير و بركة

الحمدالله أأكل واشرب واحمدالله على صحتي بكل مافيها

الأكيد حالي احسن من حال اي احد في الصومال او تحت الحرب والحصار

انا افضل من كثيير مشرد وجائع وتحت اجهزة المستشفيات

عمري ماانكرت فضل الله ولا نعمته ولو تحسرت


انا نفسيتي هي المتعبة.....انهكت بصراحه وتعبت ماادري اذا البشر يعتبرون الاذى النفسي ابتلاء او لا

بس أعرف ومتاكدة ان الله يحاسب على الإيذاء بالكلام ..


لو قراتي مواضيعي بتعرفين اني ممنوع ازور او اطلع الا مكان عام بالاوقات العادية بس لو عياله عندي بيصير كله من المحرمات


محاسبة على الجوال وممنوع وساىل التواصل وكنت وكل تصرفاتي وممتلكاتي تحت الرقابة بس قاومت شوي ولازلت بنظره ملامةوغلطانة وبطريقة وباخرى يحاول يرجع الوضع للسابق الحمدالله داىما وأبدا

هل انتي الان محاصرة و مضيق عليك ؟؟
اللي فهمته انك تطلعين
وتزورين اهلك صح؟؟
واكيد بالاوقات العادية مافيه وحدة تطلع كل يوم
نقعد ببيوتنا ايام عادي
انا قلت لك خلاص لا تلتفتين لورا اللي فات انسيه تماما وحاليا اعتقد انه اوك و مسالم معك صح
يعني خلاص فرفشي وفليها

امل عيشي حياتك برضاه وبدون رضاه ^^

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

حبيبتي انا مثلك جدا وزوجي مثل زووجك
مارتحت الا يوم رحت لاهلي انا وعيالي انا وهم ارتحنا حتى هو تادب وصار يداري عياله بشششكل عجيب
ياقلبي زوجي يستهتر ويحقر الشخص الضعيف
انا مو ضعيفه وانتي كذلك لكن الامومه اقوى
بصراحه مابي تسوين مثلي وتهدمين بيتك

لكن اقولك الي صار معاي انا كنت اعييييش نفس حياااتك بالضبط ونفس شعورك
الان رغم المشاكل لكن رجعت ثقتي بنفسي وراحتي وهدوؤي
لكن اكون صريحه موسهل تتحملين اطفال بدون ابوهم رغم انه مايطول عليهم ابداااا
لكن والله ماقدر ارجع لو اقدر كان رجعت لعيون اولادي لكن ماقدر

__________________

الله يعينك يارب ويختار لك الخيرة الطيبة اكيد فاهمه وضعك وعارفة الصعوبات اللي بتواجهني وعشان كذا طلبت منه انفصال عاطفي عشان كلنا نعطي عيالنا ونربيهم بس بدون مشاكل وهالشيء اللي هو مايبغاه ووضحها لي صريحه يعتبره اني اتمرد وامشيه على كيفي وهو مايقبل بهالشيء ...رغم اني دايما افهمه الفكرة صح وانه مايعني اننا بنكون اعداء او واحد مشى كلامه بس هي حل يخفف من المشاكل ونعيش زي اخوان زي اصحاب المهم نربي عيالنا باستقلال وبدون عدة تدخلات ....

راح تتعببن قرري قرار وسكري ملفه لاترجعين تعيدين وتزيدين فيه

ترا كثر الكلام بنفس الموضوع يتعبك ويستهلك طاااقتك الي المفروض هي اك ولعيالك

__________________

للأمل حكاية......... ما اروع هذا الاسم........ لتكن حياتك أملا و أمل و آمال........ اريد ان اقول لك يا حبيبتي بأن هذه الدنيا فانية و التسامح هو خير انتقام و هو سيفيدك أنت أولا و سيكون لمصلحتك أنت. عيشي حياتك و احمدي الله ليلا و نهارا فالنعم تغمرك من كل جانب.... الصحة و الماديات و الذرية و الامن و الامان...... انظري الي الجانب المشرق من حياتك و لا تتألمي ولا تسودي حياتك لأن زوجك....... تزوج......... فهذا هو المشكل الذي ينخر نفسيتك و يدمر حياتك..... لا تعلقي سعادتك بأحد... تعلقي بالله و قوي صلتك به و ستنظرين بنفسك كيف ستنجلي غمامة الكدر و الاستياء... انظري الى النصف الملآن من الكوب...... ابتسمي واضحكي مع اطفالك.... ولا تنظري لزوجك بعداوة فهو مجرد بشر يخطئ ويصيب.... لما تتفاءلي و تعيشي حياتك و تتبدل أفكارك اتجاه الحياة سينعكس ايجابا عليك و سيهرول اليك زوجك فهو يحب المرأة السعيدة المتفائلة ويهرب من النكدية البكائية.... لذا ياعزيزتي انفضي عنك غبار اليأس والحزن وافرحي فمادام في جسدك روح ثقي أن هناك غد مشرق و الله لم يخلقنا ليعذبنا.... حاشاه..... اكثري من الاستغفار وسترين العجب العجاب....... عيشي حياتك و ألغي وجود..... زوجة اخرى........من قاموسك.... فهي لن تحبس عنك الماء ولا الهواء و لا....... السعادة........ فالسعادة تكمن في كيفية تفكيرنا ولا نربطها بالظروف. فكم من زوجة وحيدة لدى زوجها وتعاني الويلات........ والعكس صحيح.... سامحيني ان جرحتك بكلامي