ياعالم إنتوا تخربوا بيوت كذة
ويش يتزوج ثانية ..؟؟

وينكم عن أقوال الرسول صلى الله عليه و سلم ..؟؟

وين حكمة الرجال ..؟؟

أخوي ..

تعامل بالحكمة و الموعظة الحسنة ..

نصيحة لكل اللي عايز يجوز ، احذر من الزواج من البنت التي لا تستطيع ان تتفاهم معها و تفهم كيف تفكر و كيف تزن الامور ، البنت ليست جسم و فقط بل الاهم هو عقلها فاذا غاب الفهم غاب كل شيء . احذر من الزواج من الفتاة التي لا تريد ان تفهم و لا تقبل سلطان احد ، احذر من الفتاة التي ترفض امها سلطان ابوها فكما رفضت امها سلطان ابوها سترفض الفتاة سلطان زوجها ، احذر من الفتاة التي تربط رضاها عنك بطاعتك لها ، احذر من الفتاة التي لا يحب اهلها ان يعترفوا بخطأها .
نصيحة لكل الشباب المقدم علي الزواج ، كل شيء في الحياة ممكن ان يعوض الا الانسان يصعب تعويضة ، فالمال هو رزق و رزق الانسان مكتوب له قبل ان يولد و المصائب ايضا مقدرة من قبل ان يخلق الله الخلق فلا سبيل من الهرب منها ، اذا فلماذا تتغاضي ايها الشاب عن عيوب انت تراها بعينيك ؟

الحين عرفت شو اللي يخرب بيوت كثيره ..اتاريه انتم يادعاة الحلول السريعه..مب ذنب الزوجات مثل مايقولون؟؟؟

يا اخي لو اتحاول اتخلي زيارتها مره بالاسبوعين... بس ترقد ليلة عند اهلها...
صبعا صعب بالبدياه... اول اسبوع بيجي عقب الاسبوع اللي راحت فيه لاهلها.. طلعها مكان اي مكان وباتوا بفندق ومنها تغيير جو وتصفية نفوس
بعدين الاسبوع اللي بعده بتوديها عادي ... ومثل ماقلتلك تتصل بها وانت واقف عند الباب..او ادزلها مسج قبل لا تسير اتييبها..بس اذا اتصلت لاترد عليها لين توصل عند الباب..عشان ماتم اتجادلك ...وبعدين الاسبوع اللي بعده طلعه اخر الاسبوع مكان انت تختاره مطعم او تاخذون عشى وتسيرون حديقه مادري شو اللي يخطر ببالك...المهم اتونسها .. وحاول انك اطنش موضوع روحتها لاهلها... اتجاهل انشغل بتلفونك اي شي..
بس حاول انك اتكون كووول ولاتعصب اذا هي تنرفزت....والاسبوع اللي بعده ودها..وهكذا حاول اطلع مبررات واعذار عشان ماتوديها بالاسبوع اللي ناوي انها ماتسير..
في طريقه سخيفه سواها زوجي معاي اول ماتزوجت وكنت اسوي نفس حركات زوجتك وهي انك تنقعها عند اهلها فوق العشر ايام...اذا قدرت ... هي في البداية بتستانس.. بعدين اذا طلبت روحه لاهلها قلها بس زيارة وانرد المره اللي طافت خليتج تشبعين رقاد..يمكن تزعل منك... خلك على موقفك اسبوعين..وعقب اذا ييت تاخذها وردت اتعند طنشها صدق هالمره وخلها لين هي تتصل...وياليت هالفترة ماتتصل...صدقني اذا هي بنت طيبه مثل ماقلت هي بتحس انك زعلت... وبترد تتصل بس لاترد عليها وماتتصل الا اذا نويت اتردها... واذا سالتك اشفيك ..قللها انتي مرتاحه ببيتكم... حبيت اخليج ترتاحين..ومنها ترتاحين مني بعد.....

السلام عليكم
شكرا جزيلا ياخواني
الحمد لله الذي لا يحمد سواه, ابشركم البنت عرفت خطأها واعتذرت ووعدة بأنها ماتغلط مره ثانيه.

اخواني هناك دروس تعلمتها من هالتجربه هي بأختصار:

1- لاتكن ليناً فتعصر ولا قاسياً فتكسر (اخي المقبل على الزواج ليكن هذا هو ديدنك من بداية زواجك).

2- الصبر ثم الصبر ثم الصبر (ضاقت فلما اشتدت حلقاتها ××× فرجت وكنت اظنها لا تفرج)
لا تتسرع بالطلاق او بأي قرار آخر , امنح نفسك وقت فقد يلهمك الله بحل آخر او يحلها من عنده.

3- ذكر زوجتك بأوامر الله عز وجل بطاعتها لزوجها فكما لها حقوق فعليها واجبات (للأسف بناتنا ما يعرفون الا حقوقهم) والله ياخوان اول ماذكرت لها حديث الرسول عليه الصلاة والسلام (انه من نامت وزوجها غضبان عليها لعنتها املائكة حتى تصبح ) بكت الى شوي.

4-اللين مع الزوجه في حدود صدقوني لا يعتبر ضعف شخصيه(اعط بيتك الجزء الأكبر من وقتك).

شكراً جزيلاً لكل من ادلى بدلوه والله يوفق كل زوج وزوجته قولوا آمين
والله المستعان[/size]

السلام عليكم
شكرا جزيلا ياخواني
الحمد لله الذي لا يحمد سواه, ابشركم البنت عرفت خطأها واعتذرت ووعدة بأنها ماتغلط مره ثانيه.

اخواني هناك دروس تعلمتها من هالتجربه هي بأختصار:

1- لاتكن ليناً فتعصر ولا قاسياً فتكسر (اخي المقبل على الزواج ليكن هذا هو ديدنك من بداية زواجك).

2- الصبر ثم الصبر ثم الصبر (ضاقت فلما اشتدت حلقاتها ××× فرجت وكنت اظنها لا تفرج)
لا تتسرع بالطلاق او بأي قرار آخر , امنح نفسك وقت فقد يلهمك الله بحل آخر او يحلها من عنده.

3- ذكر زوجتك بأوامر الله عز وجل بطاعتها لزوجها فكما لها حقوق فعليها واجبات (للأسف بناتنا ما يعرفون الا حقوقهم) والله ياخوان اول ماذكرت لها حديث الرسول عليه الصلاة والسلام (انه من نامت وزوجها غضبان عليها لعنتها املائكة حتى تصبح ) بكت الى شوي.

4-اللين مع الزوجه في حدود صدقوني لا يعتبر ضعف شخصيه(اعط بيتك الجزء الأكبر من وقتك).

شكراً جزيلاً لكل من ادلى بدلوه والله يوفق كل زوج وزوجته قولوا آمين
والله المستعان[/size]

لو ما لقيت لها سبب انها تنام عند اهلها فاقول زوجتك من جد مالها داعي تتزوج من الاصل ..وشو له تنام عندهم مالها بيت؟؟ بصراحه لوافعلا مالها اي سبب ومقنع مالها اي حق الا لو انت مجننها والا مهبل فيها شي ثاااااااااااني عاد ..اسالها وناقشها ولو ما لقيت شي مقنع عليك فيها ..

انت مكبر الموضوع !!!

ذكرتني ببداية زواجي !!!!!!!!!!
ياخوي ترى البنت اول ماتتزوج تظل متعلقه باهلها وشكل زوجتك ماعندها عيال
او عندها بس توهم صغار واعتقد انها عايشه ببيت هلك يعني مو بيت مستقل
في هالفتره تظل البنت متعقله باهلها بس مع مرور السنوات بتتمسك في بيت زوجها
وبتنسى اهلها وانت بهالحركات تخليها تحس انك منعتها من اهلها .......حكرتها ...!!
ترى البنت تحب لمة امها ..... خواتها ...!! تحس انها ردت صغيره..........
انت باسلوبك عطها الامان وخلها تنام ........ مافيها شي ........!!
يعني اليوم هذا اللي نامته كنت بتسوي لها شي !! أو كنت محتاجها وهي حرمتك !!!
مافيها شي لو انت حبيت تسهر وخليتها تنام بيت اهلها .... ولا المساله مسالة عناد!!!

وعلى فكره وانا ببداية زواجي كنت عايشه معاه في بيت هله وكنت صغيره وكنت
امووووووت من السعاده لما انام بيت هلي !!!! توحشني لمة خواتي .... قعدتنا ....
سوالفنا اللي ماتخلص ..... لاني ماشوفهم الا باسبوع واحيانا اكثر ... !!
لان نوعية زوجي مثلك وكنت عايشه في بيت هله
يعني هو برى البيت وانا محبوسه بغرفتي!!!
شبيصير لو خلاني انام في بيت هلي مو ابرك !!!
واتذكر ان مره اخووي لما شكيت له انه مايحب يخليني ابات قالي:
انا اقول لزوجتي روحي نامي بيت هلج فكيني منج ومو راضيه !!!!!!!!!!!!!!
ويا أخي لاتستعجل على رزقك بيجيك الوقت اللي انت بتقول لزوجتك:
ليش ماتنامين في بيت هلج !!!!!!!!
واللحين انا لما كبروا عيالي وارتبطت بمدارسهم صارت امي تلح علي انام وانا ارفض !!
وصرت ارفض انام باي بيت سواء اخواني او هلي غير بيتي مارتاح ......!!
احس بقلق ....... واحس ان في شي غلط .........وماني مرتاحه ......... !!
رغم اني مو سعيده مع زوجي !!!!!!!!!!!!
بس احس بيتي مع مرور السنوات وبوجود اطفالي صار مملكتي وعالمي الخاص
ومارتاح الا فيه !!

اما موضوع خروجها بدون اذنك فهذي معاك حق .... !! وهي غلطانه !!!!
ولازم تحل هالموضوع ..
والحمدلله دام زوجتك عرفت غلطها في خروجها بدون علمك
اما مسالة النوم في بيت اهلها ياريت تخف عليها والمسالة مسالة وقت ......!
والله الموفق

[B]أنا اقول انك تقولها روحي لا اهلك ونامي الين تشبعين ولا تعطيها اي اهتماام..


يعني كما قال المثل (( دوايها بالتي هي الداؤ)

لكن هذا يتطلب منك صبر لاان الموضوع راح ياخذ وقت....




وملااحظه....صراحها ان كانت تحبك او ..لا....لاان شكلها غير منسجمه معك...



وشكرا...