السلام عليكم ورحمة الله وبركاته

شر البلية مايضحك
اكلمكم الان وشعري معركش لاني توي صاحي من النوم
بس غسلت وجهي واتجهت هنا فورا احكي لكم الموضوع
اعتقد اغلبكم يعرف موضوعي (اخبروني هل الوضع طبيعي)
بعد ردودكم صبرت ودورنا اعذار واتصلت على العائلة الكريمة
(القصة بإختصار .. خطبنا وكنا ننتظر اب البنت يرد لنا بخصوص اني اشوف البنت وتأخر)

الي حصل الوالد دق قبل شوي ورد الاب .. ويكلم ابوي وهو يضحك؟؟؟
خير وش فيه ؟؟
قال والله طول هذيك الفتره (حوالي اسبوع ونصف) واحنا نقنع البنت بموضوع الشوفه ورافضه من الخجل .. ولكن بنرسل لكم صورتها على الجوال ..
وصار ابوي يضحك معاه .. طبعا هذا كله حصل وانا نايم
قمت على وقفت ابوي وامي الله يحفظهم فوق راسي .. خير وش فيه قالو لي السالفة وهم يضحكون الاثنين جعل ضحكاتهم دايم يارب ..
ولاني نايم مااستوعبت قلت شوي ارد .. صحصحت وغسلت وجهي وجلست افكر
قلت مالي الا الله ثم منتدى عالم الحياة الزوجيه
الحقيقه ان الواحد لابغى يشتري بضاعه مثلا مايكرويف او بلاي ستيشن او اي جهاز اخر
يقعد يتمقل فيه ساعه (يتفرج عليه) عشان يقنتع انه جيد ومافيه شوائب .. وهو قيمته تافهه .. مابالكم بزواج ابدي ..


اتمنى منكم تعطوني حلول لان الصورة ماتنفع مثل الطبيعه
والحقيقه اني من بغيت اتزوج وانا احلم بيوم الشوفه يعني ودي اخوض هذي التجربه كاي شاب .. لكن مالله اراد

انتظر آرائكم بارك الله فيكم