المشاركة الأصلية كتبت بواسطة ورطان ليس منا أحد معصوم .. من النظرات الخاطفه السريعه التي لايتبعها أي شي .. تقوى من الله ..وخوف من العقوبه . وحتى لو رمت بعض الفاسقات نفسها عليه ! فليتذكر أنه له زوجة تصونه بالغيب ان شاء الله . ويجب على الزوجه أن تبذل جهدها لتملأ عين زوجها .. وقلبه . وخلاف ذلك لا يعطي الرجل نفسه تصريحاً بالتمادي في ( زوغان العين ) بعذر أن زوجته مقصره . إلا بالحلال ( فلتحذر المرأه ) . تحياتي للجميع .

السلام عليكم جميعا ورحمة الله


تعالوا اقولكم هالقصه عن جارتي

تقول ان زوجها لو ما كان تزوجها الله العالم انه ماااااااااااات ما شاء الله عليها طول وبياض لا والعيون خضر وهي من بنات عمومته وتنافس مع الكل الين اخذها وبعد ما صار عندهم عيال ومشت الحياه شويه تعالوا وتفرجوا عليها وعلى قهرها لدرجة انه ما خلا من جيرانه وحده الا وعشقها والعياذ بالله من ذيك الشوفه حتى الي معاه بالدوام كل يوم رفيجه شكل. ودائما يعايرها بعيونها الخضر لدرجة انها طلبت مني ادور لها على عدسات سود وبلاخير كان بيتزوج وحده سمره دبس ويقولها انا مليت من بياضك والله انها سالفه حقيقيه .


القصه الثانيه ((((( بصير عليكم اليوم نجيب محفوظ )))))

واحد من الجماعه متزوج وحده بنت حلال اكبر منه بالعمر لا وبالجسم الا انه دائما يذكرها بخير ولا يحب اي احد اين كان يسها بحرف على انه هو احلى واوسم لكن الله

سبحانه وتعالى جعلها ازين الناس بعينه ولا قد سمعنا عنه انه عشق او غازل او من .
هالسوالف القشره الي نسمع عنها هالايام .


قصدي من هالقصتين ان الاصابع ماهي سواسيه وان الله سبحانه وتعالى خلق وفرق

وان في بعض وحطوا خطين على كلمة بعض الرجال ارضائهم غاية لالالالالالالالالالالالالا يمكن ادراكها حتى لو الوحده قطعة عمرها تقطيع لهم وحتى لو تزوج اربعه لالازم يروح يبي الحرام لانه خلاص ما منه فايده وبيقول انا رجال شايل عيبي وحد عليه مني

انا لله ولنا اليه راجعون