اما انا اصعب مشكله واجهتني هي مرور زوجي بحاله نفسيه صعبه جدا والوسواس الزائد حيث انه كان يعتقد انه يتلفظ باشياء وهو في الحقيقه لا يتلفظ بهاوكان يخاف ... كل ما نقعد انسولف يقول لي انا حلفت اعمل هالشي ؟؟ اقول له لا ... ويسكت وبعدين يقول لي اكيد انا ماحلفت ؟؟؟ اقول له : لا .......... وطوووول اليوم على هالحال

عاد انا اتنرفز احيانا واصرخ احيانا وكنت اقول له خلااااااص حرااام عليك اللي اتسويه فيني وكنت انا عايشه في ذاك الوقت في حاله نفسيه صعبه جدا ... كرهت اقعد معاه واسولف وكرهت البيت ... وحتى لما اطلع من البيت وازور هلي كان يتصل وبقول لي انا قلت لفلان كذا وكذا زكذا هل يعتبر هذا حلف ؟؟؟ واقول لا لا ... ويرد يتصل مره ثانيه يبغي يتأكد ... صدقوني كنت بذيك الفتره متضايقه طول الوقت واذا بديت انسى يسال مره ثانيه وعلى هالحال .. وكان يقول لي تعالي اقري علي قرآن واحيانا مااقدر اكمل واصيح في حضنه ... والله كنت اصيح عليه ... احيانا لما يسالني اقول له خلااص خلاص واصيح وكان يقول لي ادري اني مااستاهلج ويعور قلبي زياده

على هالحال يااخواني لمدة 10 شهور تقريبا والله اللي كان عالم ابحالي ... حتى هذا المنتدى ماكنت اعرفه ... اللي يشوفني يقول هذي مستانسه وسعيده وما يعرف اني مهمومه وحزينه ومتضايقة ... كنت ماانام الا بصياح ... ماانام الا والدموع على خدي .... حتى زوجي كان بذيك الفتره هاملني .. كنت اتمنى يواسيني اشوي ... كان هو مشغول بنفسه وبس ....

احيانا اكون مبسوطه والما اكلمه وبنص الكلام يقاطعني ويسألني ويكدر علي

صدقوني عشت معاه اسوأ ايام في حياتي


الحمد لله صار احسن بوااااايد بعد العلاج ونسيت اللي راح ...

لكن من ايام كان صاير سوء تفاهم بيننا وكنت انا ا شوي متضايقه , وزعلانه وهو رجع البيت وهو متضايق على الاخيروانا كنت ساكته ولما رحنا على السرير قال لي انتي ولا تسالين عني ليش متضايق ولا تهتمين فيني وانتي وانتي وانتي ... وانا سااااكته وبعدين قال لي حتى بذيك الايم كانت حالتي النفسيه صعبه كنت على طول متضايق وانت ولا اتكلميني وولا تساليني ... انا لما قال لي هالكلام انقهرت
سكت وسكت وهو خلص كلامه وحضني وقال لي انا اسف ....

لكن انا كنت حاسه ان فيني غصه .... كنت ابي اتكلم ...وتكلمت وقلت له : انا بذيك الفتره كنت ماانام الا بصياح واحيانا كنت اصيح بحضنك وكنت على طول انصحك ... وكنت ادري انت ليش متضايق وانت عارف هالشي ... اشلون الحين اتقول لي اني مااهتميت فيك ..... انت دريت عني بذيك الفتره ... كان همك نفسك وبس ..... اذا قعدت معاي كدرت علي ... واذا طلعت كدرت علي ... فكرت في يوم انك اتخفف علي ... فكرت في يوم انك اتغير علي الجو واتنسيني



وفجأة



زوجي يصيح .......... يصيح بصوت عالي ويقول ... الله يلعن الشيطان ... الله لا يرجع ذيك الأيام ... والله انج لما كنت تحضنيني كنت احس ابحبج لي وكنتي اتخففين عني واييد ... وكان اصياحه بصوت عااالي وكنت انا احاول احضنه واخفف عنه ... انا الصراحه بذيك اللحظه ماعرفت شسوي ... مو انضدقة ان زوجي يبكي في حضني ... اشلون زوجي يضعف ويبكي في حضني

لكن الحين الحمد لله احنا في نعمه والحمدلله وعايشين في حب وسعاده والله لايرجع ذيك الأيام الصعبه


آآآآسفه طولت عليكم

ولا تنسوني من دعواتكم

اما انا اصعب موقف لما نتهاوش انا وزوجي ويكون الحق عليه وتيجي امو وتسير تبهدلني طبعا لاننا نعيش معها والله طلعت روحي منهم كلهم الله المستعان