اخواني وخواتي

اعرض لكم هذي المشكله وهي مشكلة زوجي معاي وانا قلت له اشرايك نكتب المشكله بالمنتدى وشوف انت راي الشباب مع انه يقول اكتبي المشكله بس انا ماآخذ راي احد من المنتديات وعلى فكره هو مايحب يتابع هالمنتديات ويقول كلها خرابيط وكذب وكلام ماصخ

ارجوكم عطوا زوجي الحل واقنعوه بفايدة هالمنتدى لاني انا وايد استفدت منه

هذي مشكله زوجي يعرضها عليكم :




(زوجتي تتضايق وايد من كثرة نومي واحس انها معتبره هالموضوع مشكله كبيره وااااايد وااايد واايد وانا اقول انها صحيح مشكله لكن ماتستاهل انها اتكون ساكته ومتكدره وشايله افخاطرها طول الاسبوع

اذا اخذت اجازه في يوم انام لين الظهر واكمل نومي بعد العصر حتى المغرب بعدين اتروح بيت اهلها وانا اطلع عند ربعي وارجع البيت ولا تتكلم واتقول مافيني شي وانا ادري انها شايله علي

تكفون قولوا لي شاسوي معاها هي واااايد امكبره الموضوع)