السلام عليكم ورحمة الله وبركاته
شكرا على المنتدى الرائع ومالقيت احسن منكم اشكي لكم همي.........
أنا عمري20سنه قريبا جدا سوف يصبح عمري 21سنه انا كنت مخطوبه(معقود قراني) على شخص طبعا ماكنت اعرفه ولايقرب لي تقدم لي وتمت الموافقه من قبل الجميع ومالقيت سبب للرفض وتمت الخطوبه(العقد)
من اول لحظه شفته مارتحت له بس انا من النوع الصبور قلت اصبر اتعرف عليه بعدين احكم عليه وبدأت مأساتي شخص كرهني في كل شي من اول اسبوع ماعنده حنان ولامشاعر كان يتصل لي في اليوم لمده5دقايق واذا اتصلت انا مايرد ولايرد على مسجاتي عشت بحيره عجيبه موعارفه وش اسوي صبرت كان يجي لي مرتين بالاسبوع اذا تكلم يتكلم عن الفلوس ماحسسني ابد بحبه او ذره اهتمام كرهني بكل شي يعاملني بجفاء حاولت انا الين قلبه صرت اجيب له هدايا كان ياخذها واهوساكت ولايعلق واذا علق قالي موحلوه بس تمشي ولاعمري شكيت صبرت وكنت ماابين لاحد شي مهما كان, طلعت معه مره بس قالي اذا نزلنا المجمع تمشي وراي مو جنبي قلت له ليش قالي اناكذا مااحب حرمه تمشي جنبي حاولت حاولت مالقيت فايده قلت له رجعني البيت احسن ورجعني على طول قالي احسن اذا بقى مني شي مايناديني باسمي مستحيل يقولي انتي قومي جيبي كذا وانا ماكنت اقول شي.
لكن جات الصدمه الي خلتني اوقف صبري وادخل اهلي في الموضوع اهو من يدخل ياخذ جوالي ويشوف كل شي ويسال عن كل شي وانا كنت عادي ارد بدون تردد لان مافيه شي اخاف منه صارت الصدفه ان اخوي الي اكبر مني باربع سنوات جواله مقطوع ويبقى يسوي تليفون ضروري جى اخذ جوالي وانا مادري وربي من غير علمي ورجعه وخطيبي جى بعد مكالمه اخوي بنصف ساعه كالعاده اخذ جوالي وشاف الرقم وسالني قلت له مااعرفه قالي انا اتصلت لقيت ولد قلت له وربي اول مره اشوف الرقم طبعا عصب وقالي انا من زمان شاك فيك والحين تاكدت اناالله يشهد ان عمري ماكلمت احد غيره وتصرفاتي معاه جدا عاديه وضربني وسبني بكلام موطبيعي انا طلعت على طول للوالد طبعا اثار الضرب بوجهي واحتميت بالوالد وراح الوالد كلمه قاله وش الي صار وقال له ابقى اعرف مين صاحب هالرقم طبعا اخوي كان موجود جى له وقاله انا اتصلت من جوالها وهذي صاحبي اناانهرت اهو ماتكلم ولاكلمه وطلع من البيت ولاحاول يتصل لي ولايجي انابوقتها قلت لابوي اني ماابقاه الكل حاول فيني انا كنت رافضه اتصل له ابوي وقاله بطلبي وقال له اصبر يمكن تغير رايها وبعديوم رسل لي مسج قالي قرري بسرعه لاني ابقى اخطب نهايه الشهر وطبعا صارفسخ الخطوبه دامت خطوبتي 5شهور واهو خطب بعد شهر بالضبط وبعد3شهور سمعت بزواجه..
المشكله اني صار لي سنتين من فصخت الخطوبه انارافضه فكره الزواج نهائي الجميع حاول فيني بس انارافضه الفكره واي احد يتقدم لي ارفض بدون اسباب لاني بالاساس رافضه فكره الزواج الجميع يشهد لي باخلاقي وجمالي انا متفوقه في دراستي الشي الوحيد الي ماكرهته دراستي لاني احب الدراسه انا طموحي اني اخذ شهادات عاليه وبس امافكره الزواج مو في بالي ابد بس لمااكون مع الوالد والوالده اشوف عيونهم احس فيها حزن خاصه لما احد يتقدم وارفض بشده بس اناعن نفسي ماابقى اكرر التجربه ابد لاني لمااجلس افكر بالي صار لي مااقدر اتحمل اني افكر بالزواج من جد اناتعبانه
ابقى رايكم ماذا افعل؟؟عارفه بتقولون لي الرجال مومثل بعض بس انا الي كان خطيبي كرهني بكل شي بكل شي