وأنا معاك بقرارك ... بس يا ليتك تستشير المركز الزوجي اللي رحت له من فترة واذكر لهم موضوع العادة السرية وموضع الصورة وردة فعلها واسلوبها في الموضوعين

لو ما أعطوك حل فجرب الطلاق لكن احذر أنها تقضي فترة العدة خارج بيتك

شرعا مفروض انها تكون ببيتك وقت العدة .... وعندي أمل أنها لما تشوف ورقة طلاقها واقع بين يدها وتشوف الوقت يمضي ويبدأ العد التنازلي لانتقالها بشكل أكيد لبيت أهلها ممكن تتغير

لو تغيرت لا تستعجل وانتظر شوي وتأكد من انها فهمت وما في رجعة لأسلوبها الحالي

ولو ما تغيرت فخليك على قرارك والله يعوضك خير

__________________

خالة بيتا
هل فعلا المفروض ان تقضي الزوجة العدة في بيتها في حالة عدم رغبة الزوج بذلك ؟؟
في وضعه والله اعلم ( اخاف ابدي رايي في هالمواضيع) انها تقضي عدتها في بيت اهلها اذا ما يخالف الشرع .. عشان تحس بالخطر حقيقة
يمكن هي ما تدرك لو قضت العدة عنده .. احسها مو ناضجة ولا واعية ... الله يشافيها ويهديها

__________________

السلام عليكم
اولا بالنسبة للمركز قلت لهم بالتطورات اللي حصلت وردات فعلها مثل اقتراح الاخت وكان رده كالتالي
(انه شي ممتاز لآنه صارت بينا حوارات وتناقشنا وصارت مصارحة والى آخره من هالامور ) وهو يعتبرها نقطة تحول
وقلت له عن قراري في الانفصال قالي راح تندم صدقني اصبر شوي !!!!!!!!
وبالنسبة لصورة الرجل اللي عندها بحثت عنه وسآلت اذا فيه احد يعرفه ولكن طلعت بنتيجة سلبية !
وودي اعرف هل تعرفت عليه عن طريق وسائل التعارف او شنو القصة ؟

اما بالنسبة لجلسة التصارح بيني وبينها وقلت لها وقتها افكر بالطلاق نهائيا
طبعا هي ساااااااااااااااااااااااااااااكته مثل عادتها
ولا سؤال سآلتها هو جاوبتني عليه وكآني اكلم جدار
بس قالت انه ماودها ترجع بيت اهلها ومسموح عندها اني اتزوج بثانية
بس انا مايعجبني ذا الوضع نهائي

طبعا طول هالفترة ماتكلم اهلها ولا احد سآل عنها وبصرآحة ودي اعرف ليش ؟ والله عندي فضول غريب ليش هالتعامل تجاهها هي لوحدها ؟

ودي تروح لبيت اهلها يعالجوها احسن هم ويهتمون فيها او يشوفوا شنو الانسب لبنتهم
وهذا كل اللي صار

تعرف اخ راشد .. قبل كم يوم جات زوجتك ببالي .. وما ادري كيف وليش .. بس تخيلت اللي بالصورة كانت تحبه ومات ..

يااخ راشد
لك منا الدعاء باان الله يهدي زوجتك ويؤلف بين قلوبكم

انا انصحك توديها استشاريه نفسيه
ابحث عن وحده ممتازه وصدقني بتتغير

ما سألتهم بالمركز ليش راح تندم لو طلقتها ؟

أهلها للأسف ما راح يشوفوا لها الأنسب ولا راح يهتموا بغير توبيخها واذلالها .

لما قالت لك مسموح لك تتزوج الثانية وأنها ما ترغب ترجع لأهلها وودها تظل عندك شنو كان ردك ؟

برأيي تحطها أمام خيارين ... اما ترجع لأهلها واما توافق على العلاج .. وخلك صريح معها ما تصير مثلها ساكت .
يوم تقولك مسموح لك الثانية قول لها هذا مو طبعي ولا عندي احتمالية أسويه .. بلاش تظلها معتمدة على هذا الحل .

__________________

فعلا .... تفسير منطقي جدا

__________________

غرضي من هذا حبيبتي انها تشوف موقفه وتشوف أنه ما تراخى ولا تراجع عن الطلاق ... لأنها لو كانت عند أهلها .
1- بتنشغل بتصرفاتهم معها عن التفكير بهدوء بوضعها .
2- بتتضايق لأنه رجعها عندهم وتحقد عليه وتفقد منطقيتها بالتفكير .
3- مثل ما قلت .. بدي تعرف انه متمسك بموقفه والأيام تمشي وتقرب من وقت انتهاء العدة وممكن هو يظل يذكرها ... لكن لو كانت عند أهلها راح تتخيل أنه بيرجع وبيتراجع مثل دايما .

الصراحه أنا قاعدة أخمن ... مجرد حدس . ولهذا أظل أنصحه ياخذها لاختصاصية أو اختصاصي يكون جيد وشاطر .
أقل ما فيها يكسب فيها ثواب ومن أحيا روح كأنما أحيا الناس جميعا .. والله انه شفاءها من وضعها ((مهما كان اسم هذا الوضع ))وكأنه انقاذ لها من الموت ... شو تفرق حياتها الان عن الموت ؟

__________________

أسأل الله العظيم رب العرش العظيم أن يسخرلك زوجتك

انتبه لا تحمل زوجتك اذا انت في نيتك انفصال

الله يعينك و يساعدك