نورا

أهل زوجي نسخة من أهله ، بس قلت لك كان زوجي في البداية متأثر بهم و بكلامهم
بس أحمد ربي إنه ما صار مثله ، مقهورة على زوجته و حاسة بها المسكينة


عالأقل أنا كنت أتحمل علشان زوجي كان قلبه علي و حاس بيا و بيتغير عشاني
هذه المسكينة إيش مصبرها على الهم ؟؟؟؟؟؟


و اللي يقول إنه زوجته ما احترمت أمه و طولت لسانها عليها ، خلي أمه أول شئ تحترم حالها و تلزم حدودها
هناك ناس ما ينفع معهم غير كذا علشان ينصلح حالهم

لو جاء رجال و قال إنه جامل أبو زوجته و راعاه وووووووو شاله فوق راسه .. و أبو زوجته يطول لسانه عليه و يقل أدبه
و في الأخير قام و قل أدبه على أبوها لإنه انسان ما يعرف الحياء ووووووووو إلخ

إيش راح يكون رأي الأخوان وقتها ؟؟؟؟؟؟؟؟

خلاص بأنسحب ، بس يقهرنيييييييييييييييييييي غصبببببببب
لدرجة إني كل ما شفت زوجي ، قلت له فيه واحد قاااااااااااااااااااااااااااااااااااااهرني في المنتدى
و أبغى أصيح من القهر

خخخخ

لا سلامتك من القهر....

ادري غاليتي كان نفسك تساعديه بحل مشكلته و كان المفروض ياخذ براييك لانك عشتي تجربة مشابهه جدا لتجربته

لكن الله يهديه .. ما عجبه الا كلام التايه .. اسمه تايه.. لوين بيوصله يعني الا بيتوهه معاه ؟؟؟ ايش نقول بس

الله يهديهم ...

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

عاد كله كوم و العنوان كوم

هل يندم الرجل على طلاق زوجته ان كان لا يزال يكن لها بعض المشاعر

المفروض كان يسميه

هل يندم الرجل على طلاق زوجته ان كان لا يزال يكن لها بعض الفواتير

الله يصلح حالك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

يؤ يؤ يؤ يؤ يؤ

قريت الموضوع من أوله .. وكنت أعصب شوي وافرح شوي ان بعض الردود قالت اللي في بالي ..

لكن من كلامك هذا تخلي الناس يدعون لزوجتك ..

يمكن انت معك حق على قولة بعض أشباه الرجال اللي مثلك .. لكن أكثثثثثثر الحق مع زوجتك ..

وعلى فكره انت تقول ما تعودت ان احد يمشي كلمته علي .. اسمحلي لو امك ما مشت كلمتها عليك كان ما راحت لبيتك وغيرت القفل وأخذت الأثاث اللي هو حق زوجتك ومن فلوسها ..
وهي الشي اللي قلته لنا غير الأشياء الكثييييييرة اللي أكييييييييييد امك مشت رأيها عليك بحياتك الشخصية انت وزوجتك وغصبن عنك

الله يقويها وينصرها عليك انت وأمك ..

__________________

بالمختصرأذاكانت تستاهل الندم أكيد بايندم أماأذاكانت ماتستاهل مع السلامه

يااخي انت بجججججح

مع اني ماقريت كل الردود

لكن بالله عليك مو مستحي ان زوجتك قاعده تصرف على نفسها وتبغاها بعد تساعدك ؟؟

واذا انت شرهان عليها انها نسيت العيش والملح اللي بينكم وش تقول على نفسك

اللي مااخذين اغراض الضعيفه غصبا عنها (تعتبر سرقه)وتخلف وماعندكم لاحساس ولا رحمه

هالاغراض المفروض انت شاريها بعد هي شاريتها واخذتوه منها

ومن البجاحه اللي وصلت فيك ناوي تطلقها وتدق عليها تحاسبها عالطلعات وتهاوشها؟؟؟؟

وبعدين انت موضوعك كيف تنساها اذا طلقتها

ارى ان الموضوع تغير وصار انك كيف تدفع المؤخر وانك ودك تطلقها

الحمدلله والشكر واتمنى اتمنى تطلق سراح المسكينه لو تتدين وتبيع المسكن الجديد على قولتك

الله يهديك انت وامك وانت من النوع اللي مايمشي الا بشور اهله

وبكذا راح تفشل في كل زواجاتك

على اني كنت معك ببداية الموضوع بس مع ردودك لا والله احزنتني الضعيفه

__________________

يبا تدري اشلون .. خلالالالالالالالالالاص نويت أطلق .. شوفولي حل حق المؤخر .. مو ذنبي إني صرت كاره العيشة معاها ... حتى لو السبب إنها ما تحب أهلي ... أنا جذي هذا تفكيري وهذي طريقتي ... وهي أضرت فيني أكبر ضرر والدليل، والقاضي إذا سمع أسبابي ما راح يعطيها شي:

هي كانت تعصب وتعلي صوتها وتجرح وتطول لسانها عشان أسباب أنا صراحة أشوفها تاااافهة. كانت تكسر الصحون لما تتنرفز وترمي المخدات علي، ويوم مديت إيدي عليها ردت علي بمد الإيد .... بتقولون إنت ما تعرفلها وإنت منت عارف تحتويها وإنت مادري شنو .. إي ماشي أنا ما أعرف أحتويها خلاص هي مو مثلي وأنا مو مثلها ... الحين اشلون أفتك من غير ما أدفع المؤخر ... انا مو متعود على أسلوبها ومو متعود أحد يمشي كلمته علي !!!!!!!


ايوة... جيب من الآخر، مو تلف وتدور وتخترعلنا روايات ما انزل الله بها من سلطان...

وانا على يقين ان والدتك هي التي اقترحت عليك تغيير السكن، ولكنك الى الان لم توضح لنا لم غيرت سكنك؟؟؟؟ حيث اننا نعلم ان بيتك القديم كان قريبا لاهلك، يعني ما مواصفات الجديد؟؟؟ الجدار في الجدار ولا ايش؟؟؟؟؟؟ اكيد علشان زوجتك اذا اقول اذا رجعت لا تاكلك..

وعموما، موضوع مشاركتك المناسب: هل يندم الرجل اذا كتب على نفسه مؤخر؟؟؟؟

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..

الإخت رسيل ... هم أرد عليكي يوم قلتي (محد طقه على ايده) بالنسبة للمؤخر، إنه أنا كنت من جد شااااريها وأبغيها، بس انصدمت من عصبيتها واختلافها التاااام عن طباعنا أنا وأهلي !!!!

ويا أخت أحب زوجي ... ترى فيه واااااااااايد بنات أصول يحبون الزوارات ويواصلون أهل الزوج ولا يقطعون عنهم. أما زوجتي كل ويييييين وييييين لا ومن بجاحتها كانت تقولي "سامحني حبيبي مادري ليش ما أحس إني مرتاحة لهم أحسهم ما يحبوني بس أنا أحبك إنت وأحس إنك غيرهم وهم ضايقوني وقالولي كلام ماهو حلو ويتدخلون بحياتي وعشان ما يكون فيه مشاكل وخلافات يا ريت لا تخليني أحتك معاهم وايد". (يعني إذا تحبني مو لازم إنها تواصلهم وتحبهم ؟؟؟؟ أكو وحدة تقول جذي حق زوجها)!!!! أحد منكم يا رجال يرضاها على نفسه !!!!!!!!!!!!!!!!!!!!!! مهما كان فيهم ما ينفع ما تواصلهم.

الإخت روح الطير ... هي استغنت عن العرس بإرادتها ورغبتها أنا ما أجبرتها وبعدين هي عارفة عدل إن ما كنت أقدر أتحمل عرس وشهر عسل مرة وحدة. بعد إمكانياتي جذي وهي وافقت وأنا ما استكثرت عليها شهر العسل أنا اللي كان قصدي إني ما قصرت ووديتها شهر عسل.
وبعدين هي ما اشترت أغراض أثرية ترى كله كان كلام فاضي اللي شرته، أنا اللي أثثت البيت .. كل اللي هي شرته ألواح حائط وسوالف ديكور وشموع وأباجورات ومفارش واكسسوارات حمام وجم طاولة حق المطبخ والصالة وأواني المطبخ وستاير وجهازها الرياضي .... هذا كله شنو ييجي جمب غرفة النوم والصالة والأجهزة الكهربائية !!!!!! يعني هم أنا ما قصرت. واحنا خذينا الأشياء هذي عشان ترجع المسكن ... حلوة هذي تتتركلي البيت وهم تاخذ الأشياء اللي شرتها من المهر !!!!
هي طلعت بإيش ؟؟؟ مدخرة فلوس على قلبها كله على قفاي وكله صرفتها الحين على المحاميييين بهالقضايا

و منو قال إني خايف من المحاكم .. انا مستمر بالقضايا معاها مثل ما هي تبي ... أنا بس اللي مالي خلق محاكم ولاني وجه محاكم وبهذلة

واختي نبض الدان .. عاد ماله داعي تقولين قص ولزق وصمغ .. أنا كل ما أقولكم شنو سوت فيني هم إنتوا بصفها مافي فايدة عشان جذي أضطر أعيدلكم الكلام يمكن تحسوووون فيني شوويييييي.

أنا اليوم إذا رديت لها .. شنو يضمنلي مو كل شوي تروح ترفع قضايا علي ... اشلون واحد يضمن زوجته ولا يأتمنها بعدين ؟ وتروح كل شوي تمسكني من المؤخر مالها !!!!!!! إذا بالله عليكم هي تستاهل بنظركم ؟؟؟ صراحة انتو واااايد منحازين لها.

وأخوي بدون مجاملة .. إي أهقى من حالها تبادر بالحسنى والنية الطيبة ليش لأ ؟؟؟؟؟؟؟ مو أنا بادرت معاها بالأول بالحسنى والنية الطيبة، وشريتها بالمؤخر اللي ألزمني فيه أبوها، وأول سنة كلش ما ألزمتها تدفع معاي فلس (بس تصرف على عمرها من ملبس ومصرف ومستلزماتها وعلاجاتها). يعني أنا وريتها بالأول أنا شنو ... ليش هي ما تبادر مثل ما بادرت وتوريني إنها شاريتني مثل ما أنا وريتها إني شاريها !!!!!

لا وأهم شي شنو تقولي الإخت الكريمة "الوالد سوا فيني معروف إنه حط عليك هالمؤخر لأنه كان قاري بعيونك إنك بيوم راح تبيعني وتقطني بالشارع وإحساس الوالد ما خيبه" قااااعدة تذلنيييييييي !!!

ووويييين المشكلة إذا المرأة وقفت جنب زوجها طالما إنها تشتغل ؟؟؟؟؟؟ شنو المشكلة إذا المرأة تساهم بالبيت ؟؟؟؟ هالشي قاعد يصير بكلللللللللللللللللللللللللل البيوت. هذا هو التعاون والحب من صدق

 
أميرة الرومانسية .... أجل أحاسبها على الطلعات ... ببينلها إنها ما صدقت انفصلت عني عشان تمشي على حل شعرها وتاخذ حريتها وتمشي على كييييف كييييفها. وعلى العموم طالما إنها ما كان عاجبها أسأل، انا الحين ما قمت لا أسأل ولا أتصل ولا لي شغل فيها وين تروح ووين تجي طالما إن ما بينا قضايا ومحاكم.

لما تتسنع الإخت وتعرف إنه عيب وغلط ترفع على زوجها قضايا وتردلي المسكن الجديد ... ذيك الساعة أسأل وأهتم.

وإنتي كنتي معي ببداية الموضوووع ... تدرين ليش ... لأن ببداية الموضوع الغلط كللللله كان راكبها من فوقها لراسها وغلطها هذا هو اللي محا الحب اللي بقلبي لها ووصلني لهالدرجة .. عرفتي إختي


أخي التائه قلبه .. الله يسلم قلبك يا رب .. أحسك حاس فيني والله ... أنا قلتلها نخلص الموضوع بهدوء وودية وأعطيج جزء منه .. وعلىىىى طوووووول لسانها اللي ينقط عسل تقولي (ليش أطر منك أنا قاعد تساومني على طلاقي هذي حقوقي حسبي الله ومادري شنو ......) وهي ما عندها دليل غير الضرر النفسي والشهود اللي عندها

وعلى فكرة أم محمد ... المسكن القديم ترى كان جمب أهلها بالضبط، وهي اختارته .. صحيح ما حد طقني على إيدي وإني اخترته معاها ووافقت عليه معاها ..... بس بما إني وافقت عليه ليش هي ما توافق هالمرة على المسكن يكون بجانب أهلي حتى لو كان بالمريييييخ ...... وعلى فكرة قانونيا وشرعيا فحرية احتيار المسكن هي خاصة تمااااااما بالزوج لا يحق للزوجة التدخل فيها !!!!!!!

أتمنى أكون رديت على الكل!!

أخ في الهلال فوة كم صفحة ولالقيت حل ههه

أجل أحاسبها على الطلعات ... ببينلها إنها ما صدقت انفصلت عني عشان تمشي على حل شعرها وتاخذ حريتها وتمشي على كييييف كييييفها.


انتبه.. مازالت زوجتك وعلى ذمتك...
هذا تلميح لا ليس تلميحا، بل هو تصريح بالقذف واتهام لشرفها..
اذن بماذا ستشوه سمعتها انت واهلك اذا وقع الطلاق؟؟؟
لا تتجاوز الخطوط الحمراء..
اتق الله..

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..